Fiɛlɔ 2:1 - BAIBLO ALOO NGMAMI KLƆUKLƆU Ɔ

¹ I to kaa ma fiɛ ye yi nɔ saminya, nɛ ma hyɛ kaa nɔ́ ko ngɛ bua jɔmi mi lo. Se i na kaa enɛ ɔ hu peeɔ yaka gu.

Fiɛlɔ 2:1 ပူးပေါင်းရင်းမြစ်များ

Mose I, 11:7

Nyɛ ha nɛ wa kple si nɛ wa ya tsaka a gbi ɔ; konɛ ke nɔ ko tu munyu ɔ, e nyɛmi nɛ ko nu sisi hu.”

Matsɛmɛ II, 5:5

Siria matsɛ ɔ de lɛ ke, “Yaa nɛ o ya na Israel matsɛ ɔ; ma ha mo womi nɛ o hɛɛ kɛ ya ha lɛ.” Kɛkɛ nɛ Naeman pue nɔ kɛ ho. Benɛ e yaa a, e hɛɛ sika hiɔ yi akpe nyingmi etɛ, sika tsu yi akpe ekpa, kɛ he dlami tade saminyawiiwi nyɔngma kɛ ho.

La 10:6

E deɔ ngɛ e yi mi ke, “Nɔ́ ko nɔ́ ko be mi pee; haomi ko be ye nɔ bae gblegbleegble.”

La 14:1

Kuasiahi a susumi ji, “Mawu ko be.” Mɛ tsuo a puɛ; ní yayamihi sɔuu lɛ a peeɔ; nɔ ko nɔ ko be nɛ peeɔ nɔ́ nɛ da.

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

Abɛ Womi 14:13

Muɔmi haa kɔmɔ yemi nɔ; ke bua jɔmi se po ɔ, aywilɛho lɛɛ e tɛ gblegbleegble.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 2:10

Nɔ́ tsuaa nɔ́ nɛ i ngɛ hlae ɔ, i naa. Nɔ́ tsuaa nɔ́ nɛ i suɔ kaa ma pee ɔ, i peeɔ; i tsi we ye nya kɛ ji bua jɔmi ko he. Ní tsumi nɛ he wa po, i naa he bua jɔmi. Niinɛ, kikɛmɛ a bua jɔmi nɛ ɔ pɛ ji ye se nami ngɛ dengme tsuo nɛ i gbo ɔ he.

Fiɛlɔ 2:15

I de ngɛ ye yi mi ke, “Haomi nɛ maa ba kuasia nɔ ɔ, lɔ ɔ nɔuu lɛ maa ba imi hu ye nɔ. Lɛɛ ye nile babauu ɔ, mɛni se i na ngɛ he mɔ?” I he nɔ ngɛ ye yi mi ke, “Enɛ ɔ hu ji yaka nɔ́ ko; e he be se nami.”

Fiɛlɔ 2:25

Ke pi Mawu he ɔ, mɛnɔ maa ye ní, nɛ mɛnɔ ma na bua jɔmi?

Fiɛlɔ 7:4

Daa nɛ ɔ, ní lelɔ ngɛ gbenɔ he susue, se kuasia lɛɛ e susumi pɛ ji bua jɔmi.

Fiɛlɔ 8:15

Lɔ ɔ he ɔ, i na kaa e sa kaa nɔmlɔ adesa nɛ na bua jɔmi; ejakaa nɔ́ ko pa be je nɛ ɔ mi ha lɛ, pe kaa e ye ní, nɛ e nu ní, nɛ e na bua jɔmi. Ke nɔmlɔ ngɛ dengme gboe ngɛ je nɛ ɔ mi, ngɛ wami bɔɔ nɛ Mawu ha lɛ ɔ mi ɔ, nɔ́ nɛ e ma nyɛ maa pee ji nɛ ɔ nɛ.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Yesaya 50:11

Nyɛ nihi tsuo nɛ nyɛ peeɔ kpe kɛ soɔ nihi a yi nɔ, konɛ nyɛ kpata a hɛ mi, nyɛ yi mi tomi yaya amɛ ma kpata nyɛ nitsɛmɛ nyɛ hɛ mi. Yawɛ nitsɛ ma ha nɔ́ nɛ ɔ maa ba mi; nyɛ nyagbe maa pee mɔbɔ.

Yesaya 50:5

Nyɔmtsɛ Yawɛ bli ye tue; i tsɔ we atuã, i kua we lɛ.

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Luka 16:23

Benɛ e ngɛ haomi nɛ nya wa mi ngɛ gbeje, nɛ e wo e yi nɔ nɛ e maa hyɛ ɔ, Abraham ji nɛ ngɛ lokoo, kɛ Lazaro ngɛ e kasa nya.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Yakobo 4:13

Jehanɛ, nyɛ ti ni komɛ deɔ ke, “Hwɔɔ, loo hwɔɔ se ɔ, ma hia blɔ kɛ ya ma ko mi, nɛ ma ya ye jeha ngɛ lejɛ ɔ. Ma ya ye jua nɛ ma na ní.”

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

Yakobo 5:5

Nyɛ na ní kpɔtɔɔ, nɛ nyɛ bua jɔ nyɛ he saminya ngɛ je ɔ mi. Ní kpakpahi nɛ nyɛ ye ɔ ha nyɛ wo zɔ saminya kɛ ha ligbi nɛ a ma kpata nyɛ hɛ mi ɔ.