Fiɛlɔ 12:4 - BAIBLO ALOO NGMAMI KLƆUKLƆU Ɔ

⁴ Jamɛ a be ɔ, huhui nɛ ngɛ pɛe ngɛ blɔ mi ɔ, o tue be nue hu. Ke o ngɛ nɔ́ tae ɔ, o tsitsa be pɛe hu. Ke la ngɛ pɛe ɔ, pe o maa nu fã kɛ fã kɛkɛ. Makɛ, loko kungwɔ ma kpa nɔ́ ɔ, moo o te si momo.

Fiɛlɔ 12:4 ပူးပေါင်းရင်းမြစ်များ

Samuel II, 19:35

Jeha nyingmi kpaanyɔ nɛ i ye nɛ ɔ nɛ; nɛ nɔ́ ko ha we mi bua jɔmi hu. Anɛ i ngɛ lilɛ nɛ ma kɛ le nɔ́ nɛ i yeɔ, kɛ nɔ́ nɛ i nuɔ a ngɔmi lo? Aloo i ngɛ tue nɛ a kɛ buɔ lali a gbi tue lo? Mɛni he je nɛ e sa kaa ma ba pee tlomi kɛ fɔ ye nyɔmtsɛ matsɛ nɔ kɛ mwɔɔ?

Hiob 41:14

E nya kɛ e mi lunguhi gbeyegbeye ɔ, mɛnɔ ma nyɛ ma bli?

Yesaya 47:2

Ngɔɔ wɛ tɛ kɛ ba! Moo wɛɛ blɛfo nɛ a kɛ pee ma! Je o hɛ mi hami nɔ́ ɔ esɔ! Kpa bo saminyayoo ɔ ngɛ o he, nɛ́ o nane nɛ je kpo. Poo pa amɛ kɛ ya!

Yeremia 25:10

Ma ha nɛ nyami, kɛ bua jɔmi, kɛ ayɛflo he ní peemi hoo ɔ se maa po. A be nu nae kɛ wo a kane ɔmɛ a mi hu, nɛ blɛfo maa ta.

Kpojemi 18:22

Babilon, la be pɛe gblegbleegble ngɛ ma a mi hu! A be kpa saku, loo adesa gbi, loo bɛ, loo titimati he nue hu gblegbleegble ngɛ ma a mi! A be ga ní tsulɔ ko ga ní tsulɔ ko kulaa nae ngɛ ma a mi hu; wɛ tɛ hu a be e nya nue hu!