Fiɛlɔ 12:14 - BAIBLO ALOO NGMAMI KLƆUKLƆU Ɔ

¹⁴ Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Fiɛlɔ 12:14 ပူးပေါင်းရင်းမြစ်များ

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Romabi 2:16

Sane kpakpa a nɛ i ngɛ fiɛe ɔ ngɛ tsɔɔe kaa ligbi ɔ nɛ Mawu maa gu Yesu Kristo nɔ ba kojo nihi tsuo ngɛ a laami mi sanehi a he ɔ, kikɛ nɛ ɔ níhi maa ba.

Mateo 12:36

“I ngɛ nyɛ dee ke kojomi ligbi ɔ, nyɛ ti nɔ tsuaa nɔ maa bu akɔtaa ngɛ yaka munyu tsuaa yaka munyu nɛ e tu hyɛ he.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Mateo 10:26

“Lɔ ɔ he ɔ, nyɛ ko ye mɛ gbeye. Nɔ́ tsuaa nɔ́ nɛ a bu nɔ ɔ, a ma ba je kpo; nɔ́ ko be nɛ a ngɔ kɛ laa nɛ a be lee.

Yohane 5:29

nɛ a maa je kpo kɛ je a yɔkɔ ɔmɛ a mi. A ti ni nɛmɛ nɛ pee kpakpa a, a maa te si, nɛ a maa hi si kɛ maa ya neneene; se ni nɛmɛ nɛ pee yayami ɔ lɛɛ a maa te si, konɛ a kojo mɛ.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Fiɛlɔ 3:17

I de ngɛ ye yi mi ke, “Mawu maa kojo dalɔ kɛ yayami peelɔ tsuo, ejakaa a to be kɛ ha nɔ́ tsuaa nɔ́ peemi.”

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

Hiob 19:29

Nyɛ na nɛ nyɛɛ le kaa tue gblami fɔɔ si ha nyɛ. A maa gbla nyɛ tue ngɛ nyɛ he yayami ɔmɛ a he, konɛ nyɛɛ le kaa kojolɔ ko ngɛ.

La 90:8

O ngɔ wa he yayami ɔmɛ ngɔ pue o hɛ mi; wa diblii mi yayami ɔmɛ tsuo ngɛ o hɛ mi paa.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.