Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”
nɛ nɔ́ nɛ Yawɛ, o Mawu ɔ fa mo ke o pee ɔ, o pee. Ye e mlaa amɛ, kɛ e fami ɔmɛ tsuo a nɔ kaa bɔ nɛ a ngma ngɛ Mose mlaa a mi ɔ, bɔ nɛ pee nɛ he tsuaa he nɛ o maa gu ɔ, o nɔ́ tsuaa nɔ́ nɛ ya nɔ pɛpɛɛpɛ.
Ngɛ ye ní lemi ɔ kulaa se ɔ, i pee ye yi mi kaa ma nu dã, nɛ ma fiɛ, konɛ ye nɔ gbagba nɛ te. I susu kaa nɔ́ nɛ hi, nɛ sa nɔmlɔ adesa peemi ngɛ je mi e wami be ɔ tsuo ji nɛ ɔ nɛ.
I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.
Mɛnɔ lɛ le nɔ́ nɛ hi ha nɔmlɔ ngɛ e wami be bɔɔ nɛ ɔ mi? Nɔmlɔ wami pi nɔ́ ko kulaa; e ngɛ kaa nini nɛ bee kɛ yaa. Mɛnɔ ma nyɛ ma de nɔ ko nɔ́ nɛ maa ba ngɛ je ɔ mi ngɛ e gbenɔ se?
kaa ligbi ɔ nɛ nyɛ da si ngɛ Sinai yo ɔ he ngɛ Yawɛ, nyɛ Mawu ɔ hɛ mi ɔ, Yawɛ de mi ke, ‘Bua ma a nya. Ha nɛ a bu nɔ́ nɛ ma de mɛ ɔ tue, konɛ a ye mi gbeye a wami be tsuo; nɛ a tsɔɔ a bimɛ, nɛ mɛ hu a ye mi gbeye.’
Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.
Nyɛɛ ye Yawɛ, nyɛ Mawu ɔ gbeye, nɛ nyɛɛ ye e mlaa amɛ nɛ i ngɛ nyɛ woe, kɛ e blɔ nya tomi ɔmɛ nɛ i ngɛ nyɛ hae nɛ ɔ a nɔ. A ngɛ kɛ ha nyɛ nitsɛmɛ, nyɛ bimɛ, kɛ nyɛ nina nyɛ wami be tsuo. Nyɛɛ ye a nɔ, konɛ nyɛ se nɛ kɛ ngɛ zugba a nɔ.
Enɛ ɔ se ɔ, gbi ko pɛ kɛ je matsɛ sɛ ɔ he, nɛ e de ke, “Nyɛ je wa Mawu ɔ yi, nyɛ e tsɔli tsuo! Nyɛ nihi nɛ nyɛ yeɔ lɛ gbeye, nimli wawi, kɛ nimli nguahi tsuo, nyɛ je e yi!”