Fiɛlɔ 12:10 - BAIBLO ALOO NGMAMI KLƆUKLƆU Ɔ

¹⁰ E bɔ mɔde kaa e maa ngma munyuhi nɛ ngɔɔ. Nɛ níhi nɛ e ngma a, anɔkuale sɔuu.

Fiɛlɔ 12:10 ပူးပေါင်းရင်းမြစ်များ

Abɛ Womi 10:32

Nihi nɛ peeɔ nɔ́ nɛ da a, a le nɔ́ nɛ sa nɛ a de. Se yayami peeli lɛɛ munyu nɛ puɛɔ nɔ́ lɛ a tuɔ.

Abɛ Womi 15:23

E ji bua jɔmi sane kaa a ma ha munyu heto pɛpɛɛpɛ. Munyu nɛ a tu ngɛ be nɛ sa mi ɔ, hyɛ bɔ nɛ e hi ha!

Abɛ Womi 15:26

Yiwutsotsɛmɛ a yi mi susumi ɔ, Yawɛ sume; se nihi nɛ a tsui mi tsɔ ɔ, a munyu saa e hɛ mi.

Fiɛlɔ 1:1

David bi, fiɛlɔ nguaa a nɛ ye matsɛ ngɛ Yerusalem munyuhi ji nɛ ɔmɛ nɛ.

Fiɛlɔ 1:12

Imi fiɛlɔ ɔ, i hi Yerusalem kɛ ye matsɛ ngɛ Israel ma a nɔ.

Yohane 3:11

I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Kolosebi 1:5

Nyɛ nu momo kaa hɛ kɛ nɔ fɔmi ko ngɛ ha nyɛ, benɛ anɔkuale sɛ gbi nɛ ji sane kpakpa a ba su nyɛ ɔ. Lɔ ɔ he ɔ, nyɛ hemi kɛ yemi, kɛ nyɛ suɔmi nɛ ɔ daa si ngɛ nɔ́ nɛ nyɛ ngɔ nyɛ hɛ ngɔ fɔ nɔ kaa a kɛ to ha nyɛ ngɛ hiɔwe ɔ nɔ.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.