Fiɛlɔ 10:15 - BAIBLO ALOO NGMAMI KLƆUKLƆU Ɔ

¹⁵ Kuasia gboɔ yaka dengme kɛ woɔ lɛ nitsɛ e he pɔtɔ; ejakaa e li blɔ nɛ a guu nɔ kɛ yaa ma mi.

Fiɛlɔ 10:15 ပူးပေါင်းရင်းမြစ်များ

Yesaya 57:1

Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Fiɛlɔ 10:3

Ke kuasia ngɛ nyɛɛe ngɛ gbɛjegbɛ nɔ ɔ, e ní peepee yeɔ e he odase kɛ tsɔɔ nɔ tsuaa nɔ kaa kuasia ji lɛ.

La 107:7

E ngɔ mɛ kɛ gu blɔ tlɔmɔɔ nɔ hluu kɛ ya su ma ko mi he nɛ a maa hi.

La 107:4

Ni komɛ wo lalaalo ngɛ nga kplanaa nɔ; a nɛ blɔ ko blɔ ko nɛ a kɛ ya ma a mi nɛ a ya hi lejɛ ɔ.

Habakuk 2:6

Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Fiɛlɔ 10:10

Ke o dade nya gbo, nɛ o duɔ we nya a, ja o kɛ o he wami tsu ní wawɛɛ. Se nile haa nɛ nɔ toɔ ga kpakpa.

Fiɛlɔ 10:14

Kuasia tuɔ munyu babauu. Nɔ ko nɔ ko li hwɔɔ se sane; nɔ́ nɛ maa ba ngɛ wa gbenɔ se ɔ, mɛnɔ ma nyɛ ma de?

Fiɛlɔ 10:16

Ma nɛ jokuɛyo ngɛ a nɔ matsɛ yee, nɛ ganɔ ɔmɛ yeɔ ní, nɛ a nuɔ ní kpɔtɔɔ daa mɔtu ɔ, musu tloo mɛ.