Fiɛlɔ 10:12 - BAIBLO ALOO NGMAMI KLƆUKLƆU Ɔ

¹² Ní lelɔ nya mi munyu haa nɛ e hɛ mi baa nyami. Se kuasia kɛ e munyu kpataa lɛ nitsɛ e hɛ mi.

Fiɛlɔ 10:12 ပူးပေါင်းရင်းမြစ်များ

Samuel II, 1:16

David de Amalek no ɔ ke, “O musu tloo mo; ejakaa mo nitsɛ o kɛ o nya ye odase ke, ‘I gbe nɔmlɔ nɛ Yawɛ pɔ lɛ nu ɔ.’ ”

Hiob 16:5

Jinɛ ma wo nyɛ ga, nɛ ma tu munyu kɛ wo nyɛ bua.

La 140:9

Nihi nɛ bɔle mi kɛ kpe ɔ ngɛ ye he gbeye woe. Ha nɛ ga yaya nɛ a ngɛ toe ngɛ ye he ɔ nɛ kpata mɛ nitsɛmɛ a hɛ mi.

La 37:30

Dalɔ nya mi munyu ɔ, nile sɔuu; daa nɛ ɔ, e suɔ kaa a ye dami sane.

La 64:8

E ma kpata a hɛ mi tlukaa ngɛ munyuhi nɛ mɛ nitsɛmɛ a tu ɔ he. Nihi tsuo nɛ maa na mɛ ɔ ma mimiɛ a yi.

Abɛ Womi 10:10

Ke nɔ ko na nɔ́ nɛ dɛ, nɛ e ku e hɛ ngɔ fɔ nɔ ɔ, haomi lɛ e kɛ baa. Se nɔ nɛ kaa nɔ hɛ mi nɛ e yi gbeye ɔ, tue mi jɔmi lɛ e kɛ baa.

Abɛ Womi 10:8

Ní lelɔ yeɔ mlaa nɔ; se kuasia nɛ tuɔ munyu puu ɔ, lɛɛ e hɛ mi ma kpata.

Abɛ Womi 12:18

Munyu nɛ a tuɔ kɛkɛ nɛ juɛmi be mi ɔ, e yeɔ nɔ awi kaa klaate. Se ní lelɔ nya mi munyu tsaa nɔ.

Abɛ Womi 15:2

Ní leli a ní sɛɛmi ngɔɔ ngɛ tue mi; kuasiahi lɛɛ munyu nɛ jeɔ a nya mi ɔ, juɛmi be mi.

Abɛ Womi 15:23

E ji bua jɔmi sane kaa a ma ha munyu heto pɛpɛɛpɛ. Munyu nɛ a tu ngɛ be nɛ sa mi ɔ, hyɛ bɔ nɛ e hi ha!

Abɛ Womi 19:5

Lakpa odase yelɔ be e he yee kɔkɔɔkɔ; nɔ nɛ yeɔ lakpa a, e he be sane mi jee.

Abɛ Womi 22:11

Nɔ nɛ tsui mi tsɔ, nɛ e munyu ngɛ blɛuu ɔ, e kɛ matsɛ maa bɔ.

Abɛ Womi 26:9

Ke kuasia ngɛ abɛ bue ɔ, e ngɛ kaa dã delɔ nɛ ngɛ mio hiae ngɛ e dɛ mi.

Abɛ Womi 31:26

Nile munyu sɔuu e tuɔ, nɛ a naa ngɛ e lilɛ nɔ kaa e mi mi jɔ.

Fiɛlɔ 12:11

Ní leli a munyuhi ngɛ kaa tso kɛ e nya piɔpiɔ nɛ lohwe hyɛli kɛ tsɔ́ɔ́ a lohwehi. Abɛhi nɛ a bua nya a, a he ngɛ se nami wawɛɛ kaa plɛɛkohi nɛ a je blɔ ka kɛ wo tso mi. Wɔ tsuo wa hyɛlɔ kake too nɛ ji Mawu ɔ, lɛ nɛ e ha wɔ kikɛmɛ a abɛ nɛ ɔmɛ.

Fiɛlɔ 4:5

Kuasia buaa e ninehi a nya kɛ woɔ e gblɛɛ mi, nɛ e gboɔ kɛ hwɔ.

Fiɛlɔ 5:2

Ke o maa tu munyu ko ɔ, mo susu he; o he ko sɔ kɛ wo Mawu si. Mawu ɔ, hiɔwe lɛ e ngɛ; moo lɛɛ zugba nɛ ɔ nɔ o ngɛ. Lɔ ɔ he ɔ, koo tu munyu fuu.

Fiɛlɔ 5:6

Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Fiɛlɔ 9:17

Ní lelɔ munyu blɛuu ngɔɔ ngɛ tue mi pe ngmlaa nɛ nɔ yelɔ ko kpaa ngɛ kuasiahi a kpɛti.

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Luka 19:22

Nyɔmtsɛ ɔ de lɛ ke, ‘Tsɔlɔ angmaletsɛ! Mo nitsɛ o nya mi munyu ma kɛ bu mo fɔ! Tse o le kaa ye yi mi wa! Nɔ́ nɛ pi ye nɔ́ kɛkɛ i ya ngɔ; nɔ́ nɛ i du we kɛkɛ i ya kpa.

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.