Fiɛlɔ 1:9 - BAIBLO ALOO NGMAMI KLƆUKLƆU Ɔ

⁹ Nɔ́ he ko be je ɔ mi. Nɔ́ nɛ ba hyɛ ɔ, lɔ ɔ kɛ̃ maa ba ekohu. Nɔ́ nɛ a pee hyɛ ɔ, lɔ ɔ nɔuu a maa pee ekohu.

Fiɛlɔ 1:9 ပူးပေါင်းရင်းမြစ်များ

Fiɛlɔ 1:10

Anɛ nɔ́ ko ngɛ nɛ a ma tsɛ lɛ nɔ́ he lo? Dɛbi! Jamɛ a nɔ́ ɔ ngɛ kɛ je blema, loko a fɔ wɔ tete po.

Fiɛlɔ 2:12

Ke nɔ ko ngɛ matsɛ yee ɔ, nɔ́ nɛ nihi nɛ sɛ e hlami pee ɔ, lɔ ɔ lɛ hu e maa pee. Enɛ ɔ he je ɔ, i bɔni nile, godo, kɛ kuasia jemi a he susumi saminya.

Fiɛlɔ 3:15

Nɔ́ nɛ ngɛ amlɔ nɛ ɔ, e ba hyɛ; nɔ́ nɛ maa ba hwɔɔ se ɔ, e ba hyɛ. Nɔ́ nɛ be momo ɔ, lɔ ɔ nɔuu Mawu ngɔɔ kɛ baa ekohu.

Fiɛlɔ 6:10

Nɔ́ tsuaa nɔ́ nɛ ba a, a de to momo. Wɔ tsuo wa le kaa nɔmlɔ nɛ ngɛ nɛ ɔ, nɔ nɛ he wa pe lɛ ɔ, e kɛ lɛ nɔɛ kunɔ.

Fiɛlɔ 7:10

Ko bi ke, “Mɛni he je blema ngɔɔ pe mwɔnɛmwɔnɛ ɔ?” Tsa pi nile gbi ji lɔ ɔ.

Yesaya 43:19

Nɔ́ he nɛ ma pee ɔ, nyɛɛ hyɛ lɔ ɔ mohu blɔ; nɔ́ he ɔ je sisi momo; nyɛ bli nyɛ hɛngmɛ nɛ nyɛɛ hyɛ! Ma je gbɛjegbɛ ko kɛ gu nga kplanaa a nɔ, nɛ ma ha pahi maa hia ngɛ lejɛ ɔ.

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Kpojemi 21:1

Jehanɛ ɔ, i na hiɔwe he, kɛ zugba he, ejakaa kekleekle hiɔwe, kɛ kekleekle zugba a be kɛ ho. Nɛ wo be hu.

Kpojemi 21:5

Kɛkɛ nɛ nɔ nɛ hii si ngɛ matsɛ sɛ ɔ nɔ ɔ de ke, “Hyɛ, i ngɛ níhi tsuo pee ehe!” E de imi hulɔ ke, “Ngmaa enɛ ɔ, ejakaa anɔkuale munyu nɛ sa kaa a he ye ji nɛ ɔ nɛ.”