Fiɛlɔ 1:15 - BAIBLO ALOO NGMAMI KLƆUKLƆU Ɔ

¹⁵ Nɔ́ nɛ kpɛ̃ ɔ, e hí dami; nɔ́ nɛ bé ɔ, e hí kanemi.

Fiɛlɔ 1:15 ပူးပေါင်းရင်းမြစ်များ

Hiob 11:6

Jinɛ Mawu maa tu mo nile mi laami munyuhi; e ma de mo ke níhi babauu ngɛ je mi nɛ nɔmlɔ adesa juɛmi sui he. Na nɛ o le kaa Mawu gbla we o tue bɔ nɛ sa mo; o yayami ɔmɛ hiɛ kulaa pe tue gblami ɔ.

Hiob 34:29

Ke Mawu pee dii ɔ, mɛnɔ maa pa e nya mi? Ke e ngɔ e hɛ mi kɛ laa a, mɛnɔ maa na lɛ; ma ko loo, aloo nɔmlɔ adesa ko?

Fiɛlɔ 3:14

I le kaa nɔ́ tsuaa nɔ́ nɛ Mawu pee ɔ maa hi si kɛ ya neneene; a be nyɛe nɛ a ngɔ nɔ́ ko kɛ piɛ he, loo a je nɔ́ ko ngɛ mi. Mawu lɛ pee jã, konɛ a ye lɛ gbeye.

Fiɛlɔ 7:25

Jehanɛ, i ba bɔni ní kasemi, kɛ níhi a si kpami. I pee ye yi mi kaa ma na nile, nɛ ma na ye ní bimi ɔmɛ a heto. Nɔ́ nɛ i na ji kaa yi mi wami ɔ, e ji kuasia jemi, nɛ biɛmi hu godo.

Yesaya 40:4

Nyɛɛ tsi kɔ̃ tsuaa kɔ̃, nyɛ ha yo tsuaa yo, kɛ yoku tsuaa yoku nɛ ba si. Zugba nɛ nɔ ngɛ tsakatsaka, kɛ nɔ́ nɛ nɔ ngɛ googagooga tsuo a nɔ nɛ sɔ.

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Kɔmɔ Yemi 3:37

Ke pi Nyɔmtsɛ ɔ he wami nya a, mɛnɔ ma nyɛ ma de nɔ́ ko nɛ e ba mi?

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Mateo 6:27

Nyɛ ti mɛnɔ kɛ yeyeeye peemi ma nyɛ tsɔ e kami nya nine kpɔ mi kami kake?