Daniel 9:8 - BAIBLO ALOO NGMAMI KLƆUKLƆU Ɔ

⁸ Wa matsɛmɛ ɔmɛ, wa ganɔ ɔmɛ, kɛ wa nɛmɛ ɔmɛ tsu zo ní, nɛ a pee yayami kɛ si mo Nyɔmtsɛ ɔ.

Daniel 9:8 ပူးပေါင်းရင်းမြစ်များ

Matsɛmɛ II, 21:15

ejakaa a pee yayami kɛ si mi, nɛ a wo ye mi mi la kɛ je be mi nɛ a nɛmɛ ɔmɛ je Egipt ɔ hluu kɛ ba si mwɔnɛ ɔ.”

Kronika II, 6:37

bu o ma mi bi ɔmɛ a kue fami ɔ tue. Ke benɛ a ngɛ jamɛ a zugba a nɔ ɔ, a pia a he, nɛ a tsake a tsui, nɛ a jaje kaa a pee yayami, kɛ yi wu tso níhi ɔ, bu a kue fami ɔ tue.

Nehemia 1:6

Yawɛ, moo hyɛ mi, nɛ o ba o tue si ha mi. Kue nɛ i ngɛ fae ha mo nyɔ kɛ pia kɛ ha o tsɔli ɔmɛ nɛ ji Israel bi ɔmɛ ɔ, moo bu tue. I ngɛ jajee ke wɔ Israel ma a, wa pee yayami. I kɛ ye nɛmɛ ɔmɛ tsuo wa pee yayami.

Yesaya 64:4

Kɛ je blema lokoo ɔ, nɔ ko nui hyɛ, nɛ nɔ ko hu nɛ kaa o se ɔ, mawu kpa ko ngɛ nɛ peeɔ nɔ́ haa nihi nɛ ngɔɔ a hɛ ngɔ fɔɔ e nɔ ɔ!

Yeremia 14:20

Yawɛ, wa ngɛ jajee ke wa pee yayami kɛ si mo, nɛ wa nɛmɛ ɔmɛ hu pee yayami kɛ si mo.

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Yeremia 7:19

Se anɛ imi ye mi mi la a ngɛ woe ɔ lo? Dɛbi! Mɛ nitsɛmɛ a he lɛ a ngɛ pee; a kɛ ma kpata mɛ nitsɛmɛ a hɛ mi.

Kɔmɔ Yemi 1:18

“Yawɛ nɔ́ da. Ejakaa imi lɛ i tsɔ atuã, nɛ i bui e munyu ɔ; se kɛ̃ ɔ, nyɛ nihi tsuo nyɛɛ bu mi tue, konɛ amanehlu nɛ ba ye nɔ nɛ ɔ, nyɛɛ na. A nuu ye nihewi ɔmɛ, kɛ yihewi ɔmɛ nyɔguɛ kɛ ho.

Kɔmɔ Yemi 3:42

“Wa tɔ̃; wa tsɔ atuã, lɔ ɔ he nɛ mo Yawɛ, o kɛ wa yayami ɔmɛ pɛ wɔ ɔ nɛ.

Kɔmɔ Yemi 5:16

Jlasi je wa yi nɔ si. Wa pee yayami, nɛ amlɔ nɛ ɔ, musu tloo wɔ.

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Ezekiel 5:6

Se Yerusalem tsɔ atuã; e yi ye mlaa amɛ a nɔ, mohu e pee yayamihi nɛ nya wa babauu pe je ma kpa amɛ nɛ bɔle lɛ ɔ. E wa tue, nɛ e bui nɔ́ ko nɔ́ ko. Yerusalem yi ye mlaa amɛ a nɔ.

Daniel 9:9

E ngɛ mi kaa wa tsɔ o hɛ mi atuã mohu lɛɛ, se mɔbɔ nalɔ ji mo, nɛ o kɛ nɔ he yayami paa nɔ.