Daniel 9:6 - BAIBLO ALOO NGMAMI KLƆUKLƆU Ɔ

⁶ O tsɔli ɔmɛ, nɛ ji gbali ɔmɛ nɛ o tu munyu kɛ gu a nɔ kɛ tsɔɔ wa matsɛmɛ ɔmɛ, wa ganɔ ɔmɛ, wa nɛmɛ ɔmɛ, kɛ wa ma a tsuo ɔ, wa bui mɛ tue fɛɛ.

Daniel 9:6 ပူးပေါင်းရင်းမြစ်များ

Daniel 9:10

Yawɛ, wa Mawu, benɛ o de wɔ ke waa ye mlaa amɛ nɛ o wo wɔ kɛ gu o tsɔli ɔmɛ, nɛ ji gbali ɔmɛ a nɔ ɔ, wa bui mo tue.

Nehemia 9:34

Wa nɛmɛ ɔmɛ, wa matsɛmɛ ɔmɛ, wa ma nimeli ɔmɛ, kɛ osɔfo ɔmɛ yi o mlaa a nɔ. A bui o mlaa; nɛ ke o ka a hɛ mi hu, e pue we a tsui nɔ.

Ezra 9:7

Kɛ je wa nɛmɛ a yi nɔ kɛ ba su mwɔnɛ ɔ, wɔ o ma a, wa pee yayami gbegbeegbe. Wa yayami ɔmɛ a he ɔ, ma je li ɔmɛ a matsɛmɛ ɔmɛ ba nuu wɔ, wa matsɛmɛ ɔmɛ, kɛ wa osɔfo ɔmɛ tsuo. A gbe wɔ, a kpɔ wa níhi ngɛ wa dɛ, nɛ a nuu wɔ kɛ ho ma se ya ngɛ pã mi kaa nyɔguɛhi. A ha wa hɛ mi pue si kulaa; nɛ wa ngɛ zo ɔ mi kɛ mwɔɔ.

Ni Tsumi 13:27

Se nihi nɛ ngɛ Yerusalem, kɛ ma nimeli ɔmɛ li Yesu, nɛ jehanɛ ɔ, gbali ɔmɛ a munyu ɔmɛ nɛ a kaneɔ daa Hejɔɔmi ligbi ɔ hu a nui sisi. Lɔ ɔ he ɔ, a bu lɛ fɔ; enɛ ɔ ha gbali ɔmɛ a munyu ɔ ba mi.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Yeremia 44:16

“Munyu ɔ nɛ o kɛ wɔ tu ngɛ Yawɛ biɛ mi ɔ, wa be tue bue fɛɛ.

Yeremia 29:19

Ní nɛ ɔmɛ maa ba a nɔ, ejakaa sɛ gbi ɔ nɛ i haa mɛ be tsuaa be kɛ guu ye tsɔli gbali ɔmɛ a nɔ ɔ, a bui fɛɛ. A sume kaa a maa nu kɛ a tue po.

Yeremia 26:5

I de nyɛ ke ye tsɔli gbali ɔmɛ nɛ i tsɔɔ kɛ baa nyɛ ngɔ be tsuaa be ɔ, nyɛɛ bu a munyu ɔmɛ tue. Se nyɛ bui mɛ tue fɛɛ.

Yeremia 7:13

Nyɛ pee yayami nɛ ɔmɛ tsuo, nɛ i tu munyu kɛ tsɔɔ nyɛ nɔtonɔto, se nyɛ bui tue fɛɛ. Ke i tsɛ nyɛ hu nyɛ he we nɔ.

Nehemia 9:32

“Wa Mawu, mo Mawu kpetekpleenyɛ, mo nɛ o he ngɛ gbeye, nɛ o kɔni si wa. Moo lɛɛ o yeɔ o somi, kɛ si womi ɔmɛ a nɔ pɛpɛɛpɛ. Kɛ je benɛ Asiria matsɛmɛ ɔmɛ bɔni wɔ haomi kɛ ba su mwɔnɛ ɔ, moo hyɛ amanehlu sɔuu nɛ wa na! Wa matsɛmɛ ɔmɛ, wa ma nimeli ɔmɛ, wa osɔfo ɔmɛ, gbali ɔmɛ, wa nɛmɛ ɔmɛ, kɛ wa ma kpekpemi ɔ tsuo na nɔ́ tsɔ. Mo kai wɔ, ejakaa wa we amanehlu ɔ hiɛ tsɔ!

Kronika II, 33:10

Yawɛ bɔ Manase kɛ e ma a kɔkɔ, se a bui tue.

Matsɛmɛ II, 18:12

Nɔ́ nɛ ha nɛ a ngɔ Samaria ji, Israel bi ɔmɛ bui Yawɛ, a Mawu ɔ tue. Somi nɛ Yawɛ kɛ mɛ so, kɛ mlaahi nɛ e tsɔlɔ Mose wo mɛ ɔ, a tɔ lɛ tsuo pɛpɛɛpɛ. A bui Mawu tue, nɛ e mlaa amɛ hu a yi nɔ.

Daniel 9:9

E ngɛ mi kaa wa tsɔ o hɛ mi atuã mohu lɛɛ, se mɔbɔ nalɔ ji mo, nɛ o kɛ nɔ he yayami paa nɔ.

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Yeremia 7:24

Se nɔ́ nɛ i de mɛ ɔ, a bui tue fɛɛ; nɔ́ nɛ i ke a pee ɔ hu a pee we. Mohu, nɔ́ tsuaa nɔ́ nɛ a juɛmi de mɛ ke a pee ɔ, lɔ ɔ a kpliiɔ a tsui nɛ hyi kɛ yayami ɔ nɛ a peeɔ. Enɛ ɔ he je ɔ, a ya se, se pi hɛ mi.