Daniel 9:27 - BAIBLO ALOO NGMAMI KLƆUKLƆU Ɔ

²⁷ Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Daniel 9:27 ပူးပေါင်းရင်းမြစ်များ

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 8:13

Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Romabi 5:15

Se Mawu nɔke nɔ́ ɔ slo kulaa ngɛ yayami nɛ Adam pee ɔ he. Ejakaa yayami nɛ Adam pee ɔ ha nihi babauu gbo lɛɛ, se Mawu dloomi ɔ, kɛ nɔke nɔ́ nɛ a gu Yesu Kristo dloomi ɔ nɔ ha wɔ ɔ hiɛ hluu tsɔ kɛ ha nihi tsuo.

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Mateo 26:28

Enɛ ɔ ji ye muɔ nɛ a kɛ sɔu Mawu somi ɔ nya. A plɛ ye muɔ ɔ ngɔ pue si ha nihi fuu, konɛ a ngɔ a he yayamihi ngɔ pa mɛ.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yesaya 28:22

Lɔ ɔ he ɔ, nɔ́ nɛ i ngɛ nyɛ dee ɔ, e ko pee nyɛ muɔ hu! Ke nyɛ kɛ pee fiɛmi ɔ, nyɛ be nɔ́ nɛ ma a nya fo nyɛe maa tu. I nu kaa Nyɔmtsɛ Yawɛ Tabohiatsɛ ɔ ke e ma kpata zugba a tsuo hɛ mi.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Romabi 11:26

Lɔ ɔ he ɔ, a ma he Israel tsuo yi wami kaa bɔ nɛ a ngma a ke, “Yi wami helɔ ɔ maa je Zion kɛ ba; e ma ha Yakob nina a ma kpa musu bɔmi.

Romabi 5:19

Ejakaa kaa bɔ nɛ nihi babauu ba pee yayami peeli ngɛ nɔ kake tue gbomi he ɔ, jã kɛ̃ Yesu Kristo nɔ kake e tue nɛ e bu ɔ he ɔ, Mawu maa bu nihi tsuo dali.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.

Yesaya 28:15

Nyɛ ngɛ fĩae ke nyɛɛ kɛ gbenɔ so, nɛ nyɛɛ kɛ gbeje pee kake. Nyɛ hɛ ngɛ nɔ kaa ke haomi ba a, e be nyɛ he sae kulaa; ejakaa nyɛ ngɔ nyɛ hɛ ngɔ fɔ lakpa, kɛ sisimi nɔ kaa nyɛ maa ye nyɛ he.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.