Daniel 9:26 - BAIBLO ALOO NGMAMI KLƆUKLƆU Ɔ

²⁶ Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Daniel 9:26 ပူးပေါင်းရင်းမြစ်များ

Samuel II, 21:5

A he nɔ ke, “Saul to kaa e ma kpata wa hɛ mi, bɔ nɛ pee nɛ a ko nu wa he ngɛ Israel zugba amɛ ekoeko nɔ hu.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

Yesaya 28:22

Lɔ ɔ he ɔ, nɔ́ nɛ i ngɛ nyɛ dee ɔ, e ko pee nyɛ muɔ hu! Ke nyɛ kɛ pee fiɛmi ɔ, nyɛ be nɔ́ nɛ ma a nya fo nyɛe maa tu. I nu kaa Nyɔmtsɛ Yawɛ Tabohiatsɛ ɔ ke e ma kpata zugba a tsuo hɛ mi.

Yesaya 53:8

A ye sane yaya kɛ bu lɛ gbenɔ fɔ, nɛ a nu le kɛ ho. Ejakaa a ngɔ e wami kɛ je zugba a nɔ. Tɔmihi nɛ ye ma a tɔ ɔ, a he a gbe lɛ ngɛ.

Yesaya 8:7

imi Nyɔmtsɛ ɔ nitsɛ, ma ngɔ Asiria matsɛ ɔ, kɛ e ta a tsuo kɛ ba tua Yuda. Ta a ma ba tua mɛ kaa bɔ nɛ Yufrate pa a hyiɔ ywiaa nga nɛ e haa zugba a nɔ ɔ.

Yeremia 46:7

Mɛnɔ lɛ ma nɛ ɔ, kaa Nilo pa a, kaa pa nɛ hia lalaala kɛ ha zugba a tsuo hɛ mi ɔ?

Yeremia 51:42

Wo ɔ te si kɛ wo Babilon, nɛ wo oslɔke ɔmɛ nɛ ngɛ pɛe ɔ ha e nɔ.

Daniel 11:10

“Siria matsɛ ɔ bimɛ ma dla kɛ ha ta, nɛ a ma bua tabohi babauu a nya. A maa hia kɛ ya tua a he nyɛli ɔmɛ a mɔ ɔ kaa pa nɛ hia kɛ bee.

Daniel 11:17

“Siria matsɛ ɔ maa to ga bɔ nɛ pee nɛ e nine nɛ su Egipt tsuo nɔ. Lɛ hu e kɛ Egipt matsɛ ɔ maa pee huɛ, nɛ e kɛ e biyo ma ha lɛ. Nɛ yi mi yaya nɛ e to ngɔ wo Egipt matsɛ ɔ he ɔ, e maa gu e biyo nɛ ɔ nɔ kɛ tsu he ní. Se e yi mi tomi ɔ maa pee yaka.

Daniel 11:22

Nihi nɛ maa te si ngɔ wo lɛ ɔ, e ma kpata a hɛ mi, kɛ Mawu nitsɛ ganɔ nɔkɔtɔma pe kulaa a tsuo.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 9:27

Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Hosea 1:9

Kɛkɛ nɛ Yawɛ de Hosea ke, “Wo lɛ biɛ ke, ‘Piyema’, ejakaa pi ye ma ji Israel, nɛ pi a Mawu ji mi.”

Amos 8:8

A ní yayami ɔmɛ a he je ɔ, ma ha nɛ zugba ma mimiɛ, nɛ nɔ tsuaa nɔ nɛ ngɛ zugba a nɔ ɔ maa hao. Zugba a tsuo ma mimiɛ; e maa ya hiɔwe, nɛ e maa ba si kaa bɔ nɛ Nilo pa a nɛ ngɛ Egipt ɔ, hyiɔ nɛ e faa daa jeha a.

Amos 9:5

Nyɔmtsɛ Yawɛ Tabohiatsɛ ɔ, ke e ta zugba a he pɛ kɛkɛ zugba a sile, nɛ nɔ tsuaa nɔ maa ye kɔmɔ. Zugba a tsuo maa ya hiɔwe nɛ e maa ba si kaa bɔ nɛ Nilo pa a nɛ ngɛ Egipt ɔ hyiɔ nɛ e faa a.

Nahum 1:8

E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Mateo 22:2

“Hiɔwe matsɛ yemi ɔ ngɛ kaa kikɛ nɛ ɔ. Be ko ɔ, matsɛ ko ngmɛ okplɔɔ ha e binyumu nɛ kpee yo.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Mateo 23:38

Lɔ ɔ he ɔ, a maa je o sɔlemi we ɔ he, nɛ e maa fɔ si gu.

Mateo 24:2

Se Yesu de mɛ ke, “Tse nyɛ ngɛ ní nɛ ɔmɛ tsuo hyɛe? Niinɛ, i ngɛ nyɛ dee ke, a maa ku tsu nɛ ɔmɛ tsuo pue si nɛ a be tɛ kake po sie ngɛ eko nɔ.”

Marko 13:2

Yesu he nɔ ke, “O ngɛ tsu nguangua nɛ ɔmɛ hyɛe? A be tɛ kake sie ngɛ eko nɔ; a ma tsitsɛɛ eko tsuaa eko ngɔ fia si!”

Marko 13:7

Ke nyɛ nu tahi, kɛ ta sanehi a he ɔ, nyɛ ko hao. Ja ní nɛ ɔmɛ ba mi, se kɛ̃ ɔ, nyagbe be ɔ sui lolo.

Marko 9:12

E ha mɛ heto ke, “Niinɛ, Eliya maa sɛ hlami kɛ ba nɛ e ba to níhi tsuo blɔ nɔ ekohu. Se mɛni he je a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa nɔ ko nɛ a bui lɛ ɔ?

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Luka 21:6

“Enɛ ɔmɛ tsuo nɛ nyɛ ngɛ hyɛe nɛ ɔ, be ma nɛ a maa tsɛ̃ ngɔ fia si bum! A be tɛ ngmelu kake po sie ngɛ e blɔ he.”

Luka 24:26

E hia kaa Kristo ɔ nɛ na amanehlu nɛ ɔmɛ, konɛ e sɛ e nyami ɔ mi.”

Luka 24:46

E de mɛ ke, “Bɔ nɛ a ngma ji kaa ja a gbe Kristo ɔ, nɛ e te si kɛ je gbeje ligbi etɛ se.

Yohane 14:30

I kɛ nyɛ be munyu tue be kɛkɛ hu, ejakaa nɔ nɛ yeɔ je nɛ ɔ nɔ matsɛ ɔ ma. E be he wami ko ngɛ imi ye nɔ;

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.