Daniel 9:24 - BAIBLO ALOO NGMAMI KLƆUKLƆU Ɔ

²⁴ “Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Daniel 9:24 ပူးပေါင်းရင်းမြစ်များ

Kronika II, 29:24

Enɛ ɔ se ɔ, osɔfo ɔmɛ gbe to akpakpo ɔmɛ, nɛ a kɛ a muɔ ɔ pue bɔ sami la tɛ ɔ nɔ kaa yayami pami bɔ kɛ ha Israel ma a tsuo; ejakaa matsɛ ɔ fa ke a sã sami bɔ, kɛ yayami pami bɔ kɛ ha Israel tsuo.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

Yesaya 42:4

E kɔni mi be jɔ̃e, nɛ pɔ be lɛ tɔe kɛ yaa si dami sane yemi ma he si ngɛ je ɔ mi tsuo. Zugbahi nɛ ngɛ tsitsaa lokoo ɔ po maa hyɛ lɛ blɔ nɛ e ba wo mɛ ga.”

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 56:1

Bɔ nɛ Yawɛ ngɛ e ma a dee ji nɛ ɔ nɛ: “Nyɛɛ pee nɔ́ nɛ da, kɛ nɔ́ nɛ sa, ejakaa e be kɛe kulaa nɛ ma ba he nyɛ yi wami.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Kɔmɔ Yemi 4:22

A wo Zion he yayami ɔmɛ a he hiɔ ta, lɔ ɔ he ɔ, Yawɛ be hae nɛ a ye wɔ nyɔguɛ ngɛ ma se hu. Se mo Edom lɛɛ Yawɛ maa gbla o tue; e ma ha o he yayami ɔmɛ maa je kpo paa nɛ a na.

Ezekiel 28:12

“Nɔmlɔ adesa, la hɛdo la ko kɛ nyɛ ya ha Tiro matsɛ ɔ ngɛ nɔ́ nɛ maa ba e nɔ ɔ he. De lɛ nɔ́ nɛ imi Nyɔmtsɛ Yawɛ, i ngɛ dee ɔ: Be ko nɛ be ɔ, ke a ke nɔ ko hi kɛ pi si ɔ, lɛɛ mo ji nɔ hyɛmi nɔ́; o nile mi kuɔ, nɛ o he ngɛ fɛu saminya!

Ezekiel 4:6

Ke o gbe enɛ ɔmɛ a nya a, kpale nɛ o hwɔ o hiɔ nɔ, nɛ o tloo Yuda ma a hu a he yayami ɔmɛ ligbi nyingmi eywiɛ. Ligbi kake tue gblami daa si ha jeha kake nɔ́.

Mose III, 25:8

Nyɛɛ kane jeha kpaago totoe kpaago; lɛ tsuo peeɔ jeha nyingmi eywiɛ kɛ nɛɛ.

Mose III, 8:15

Mose gbe lohwe ɔ, nɛ e ngɔ e nine nguɛ kɛ sɔ muɔ ɔ mi, nɛ e kɛ kpa bɔ sami la tɛ ɔ koli ɔmɛ a he. Kɛkɛ nɛ e tsɛ̃ muɔ ɔ kɛ pue bɔ sami la tɛ ɔ sisi. Blɔ nɔ nɛ a gu kɛ tsukɔ bɔ sami la tɛ ɔ he ji nɛ ɔ nɛ.

Zakaria 4:14

E ya nɔ nɛ e de mi ke, “Ni nɛ ɔmɛ ji ni enyɔ nɛ a pɔ mɛ nu, nɛ a daa si ngɛ je ɔ tsuo Nyɔmtsɛ ɔ hɛ mi ɔ nɛ.”

Mose IV, 14:34

Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 11:13

Be nɛ Yohane na we nɛ e ba a, gbali ɔmɛ tsuo kɛ Mose mlaa a, matsɛ yemi ɔ he munyu a tuɔ.

Mateo 4:5

Jehanɛ ɔ, Abosiami ngɔ Yesu kɛ ya Yerusalem, ma klɔuklɔu ɔ mi, nɛ e kɛ lɛ ya da sɔlemi we ɔ yi mi ploplooplo,

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Luka 21:22

Ejakaa lue yemi ligbi ɔmɛ ji nɛ ɔmɛ nɛ; konɛ níhi tsuo nɛ ngmami ɔmɛ de ɔ nɛ ba mi.

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Ni Tsumi 3:14

Nyɛɛ lɛɛ nyɛ kua nɔ klɔuklɔu ɔ nɛ dami sane pɛ e yeɔ ɔ, nɛ nyɛ kpa pɛɛ ke a ngmɛɛ awi yelɔ mohu he ngɔ ha nyɛ.

Ni Tsumi 3:22

Ejakaa Mose de ke, ‘Nyɔmtsɛ nyɛ Mawu ɔ ma tle gbalɔ ko si kaa imi kɛ maa je nyɛ nyɛmimɛ ɔmɛ a kpɛti ngɔ ha nyɛ. Nyɛɛ bu lɛ tue, nɛ nyɛɛ pee nɔ́ tsuaa nɔ́ nɛ e ma de nyɛ ke nyɛɛ pee.

Ni Tsumi 4:26

Zugba a nɔ matsɛmɛ ɔmɛ, kɛ ganɔ ɔmɛ ba bua a he nya; nɛ a te si ngɔ wo e nyɔmtsɛ ɔ kɛ nɔ nɛ a pɔ lɛ nu ɔ.’

Romabi 5:10

Jinɛ sa a, Mawu he nyɛli ji wɔ, se kɛ gu e Bi ɔ gbenɔ ɔ nɔ ɔ, a kpata waa kɛ Mawu wa kpɛti. Lɔ ɔ he ɔ, amlɔ nɛ ɔ nɛ a kpata waa kɛ Mawu wa kpɛti ɔ, e ma he wa yi wami hluu tsɔ ngɛ e Bi ɔ wami ɔ mi.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Kolosebi 1:20

Lɔ ɔ he ɔ, Mawu ná he bua jɔmi kaa kɛ gu e Bi ɔ nɔ ɔ, e ma dla e kɛ je ɔ tsuo pɛpɛɛpɛ, níhi nɛ ngɛ hiɔwe, kɛ níhi nɛ ngɛ zugba a nɔ ɔ a kpɛti. Niinɛ, Mawu gu e Bi ɔ muɔ nɛ pue si ngɛ sɛumi tso ɔ nɔ ɔ nɔ nɛ e kɛ tsu nɔ́ nɛ ɔ, nɛ e kɛ tue mi jɔmi ba.

Kolosebi 2:14

Wa he níhi nɛ a ngma kɛ si wɔ, kɛ nihi nɛ sa wɔ ngɛ mlaa a nya a, e gbe lɛ tsuo. E je nɔ́ nɛ ɔ se; ee, e ka ngɔ mɛtɛ sɛumi tso ɔ he.

Hebribi 10:14

Enɛ ɔ tsɔɔ kaa bɔ kake too ɔ nɛ Kristo ngɔ e he kɛ sã a ha nɛ nihi tsuo nɛ Mawu tsu a he ɔ hi kɛ pi si kɛ yaa neneene.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 7:26

Lɛɛ Yesu ji osɔfo nɔkɔtɔma pe kulaa nɛ sa wɔ. E ngɛ klɔuklɔu; sé ko be e he ɔ, e pee we yayami hulɔ. E je e he kɛ je yayami peeli a he, nɛ a wo e nɔ kɛ po mi kɛ ho hiɔwe tɔɔ ya.

Hebribi 9:26

Kaa jã a, jinɛ kɛ je be nɛ a bɔ je ɔ, amanehlu sɔuu Kristo maa hi nae kpitikpiti. Mohu ɔ, amlɔ nɛ ɔ nɛ je mi nyagbe miɔ nɛ e maa su ɔ, Yesu ba je e he kpo si kake nyɔngloo. E ngɔ e he kɛ sã bɔ kɛ je wa he yayami.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

1 Yohane 3:8

Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

Kpojemi 14:6

Jehanɛ ɔ, i na bɔfo kpa nɛ te ngɛ hiɔwe lokoo kɛ bee. E hɛɛ sɛ gbi ko nɛ ngɛ kɛ yaa neneene. Sɛ gbi ɔ kɔɔ sane kpakpa a he, nɛ e yaa nɛ e ya fiɛ sɛ gbi nɛ ɔ ha nihi tsuo nɛ ngɛ je ɔ mi, mahi kɛ wɛtsohi, kɛ gbihi kɛ nimli tsuo.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.