Daniel 9:21 - BAIBLO ALOO NGMAMI KLƆUKLƆU Ɔ

²¹ Benɛ i ngɛ sɔlee kɛ mwɔɔ ɔ, Gabriel nɛ i na lɛ ngɛ kekleekle nina a mi ɔ te kɛ ba he nɛ i ngɛ ɔ. Jamɛ a be ɔ mi lɛ a sãã gbɔkuɛ bɔ ɔ nɛ.

Daniel 9:21 ပူးပေါင်းရင်းမြစ်များ

Matsɛmɛ I, 18:29

A hɛɛ mi kikɛ nɛ ɔ kɛ munyu tumi basabasa hluu kɛ ya si pu plɛplɛ; se heto ko bɛ, nɛ gbi ko hu pɛ́.

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.

La 103:20

Nyɛ, Yawɛ Mawu bɔfohi, nyɛ katsɛmɛ nɛ nyɛ buɔ lɛ, nɛ nyɛ yaa tsɔmi ha lɛ; nyɛ je Yawɛ yi!

La 104:4

O ngɔ kɔɔhiɔ kɛ pee o tsɔlɔ, nɛ oslabai la a pee o sɔmɔlɔ.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

Mose II, 29:39

Ngɔɔ jijɔ kake kɛ sã bɔ mɔtu, nɛ o kɛ kake hu nɛ sã bɔ gbɔkuɛ.

Yesaya 6:2

Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Ezekiel 1:11

A gbɛ a pɛli ɔmɛ a mi; a wo enyɔɔnyɔ nɔ ya bua nya ngɛ hiɔwe, nɛ nɔ tsuaa nɔ nɔ́ kɛ nɔ nɛ ngɛ e kasa nya a nɔ́ tsa; nɛ enyɔ ɔmɛ nɛ piɛ ɔ, a kɛ ha a nɔmlɔ tso ɔmɛ a he.

Ezekiel 1:14

Hɛ kali ɔmɛ saa fo kɛ yaa kɛ baa kaa oslabai nɛ ngɛ gbae.

Ezekiel 14:14

Ke e ba mi kaa ni etɛ nɛ ɔmɛ, Noa, Daniel, kɛ Hiob ngɛ jamɛ a zugba a nɔ tete po ɔ, a kpakpa peemi ɔ, mɛ nitsɛmɛ a yi wami pɛ e ma nyɛ he kɛ je hɛ mi kpatami ɔ mi.” Nyɔmtsɛ Yawɛ lɛ de.

Daniel 10:10

Tlukaa a, nɔ ko ba fua mi, nɛ e wo ye nɔ kɛ kpla si ngɛ ye nakutso nya, nɛ i kɛ ye ninehi pi zugba. Jamɛ a be ɔ mi tsuo ye he ngɛ doe blibliibli.

Daniel 10:16

Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Daniel 10:18

Kɛkɛ nɛ nɔ ɔ ta ye he ekohu, nɛ ye he wami ɔ kpale ba.

Daniel 8:16

I nu nɛ nɔ ko tu munyu ngɛ Ulai pa a mi ke, “Gabriel, tsɔɔ nyumu ɔ nina a sisi.”

Daniel 8:18

Benɛ e kɛ mi ngɛ munyu ɔ tue ɔ, i sɛ diblii mi, nɛ i kɛ ye hɛ mi bu si. Se e fua mi, nɛ e wo ye nɔ kɛ da si ngɛ he nɛ i ngɛ ɔ.

Mateo 27:46

Ngmlɛ etɛ mi ɔ, Yesu kpa ngmlaa wawɛɛ ke, “Eli, Eli, lama sabaktani?” E sisi ji, “Ye Mawu, ye Mawu, mɛni he je o kua mi?”

Luka 1:19

Bɔfo ɔ he nɔ ke, “Imi ji Gabriel, nɛ i daa si ngɛ Mawu hɛ mi. A tsɔ mi ke i kɛ mo ba sɛɛ ní, nɛ́ ma ngɔ manye munyu nɛ ɔ ba ha mo.

Luka 1:26

Benɛ Elizabet hɔ ɔ ye nyɔhiɔ ekpa a, Mawu tsɔ bɔfo Gabriel ɔ kɛ ya Galilea ma ko nɛ a tsɛɛ Nazaret ɔ.

Ni Tsumi 10:3

Ligbi ko piani maa pee ngmlɛ etɛ ɔ, a je tsɔɔ lɛ ngɛ nina mi kaa Mawu bɔfo ba e ngɔ ba tsɛ lɛ ke, “Kornelio!”

Ni Tsumi 10:9

E nɔ jena benɛ a ngɛ blɔ ɔ nɔ kɛ yaa nɛ a miɔ nɛ a maa su Yopa, maa pee ngmlɛ nyɔngma kɛ enyɔ ɔ, Petro ho tsu ɔ yi mi ya, konɛ e ya sɔle.

Ni Tsumi 12:7

Tlukaa a, Nyɔmtsɛ ɔ bɔfo ko ba da e kasa nya, nɛ la kpɛ ngɛ tsu ɔ mi. Bɔfo ɔ gba Petro konɔ ma nɛ e tsɛ̃ɛ̃ lɛ ke, “Tee si esɔ!” Amlɔ ɔ, kɔsɔkɔsɔ ɔmɛ kplɔ ngɛ e nine.

Ni Tsumi 3:1

Ligbi ko piani ngmlɛ etɛ sɔlemi be ɔ, Petro kɛ Yohane nyɛɛ kɛ yaa sɔlemi we ɔ.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 1:7

Bɔfo ɔmɛ lɛɛ nɔ́ nɛ Mawu de ngɛ a he ji, “Mawu haa e bɔfo ɔmɛ peeɔ kaa kɔɔhiɔ, nɛ e tsɔli ɔmɛ peeɔ kaa la lilɛhi.”

Kpojemi 9:17

Bɔ nɛ i na okpɔngɔ ɔmɛ ngɛ nina mi ji nɛ ɔ nɛ. Okpɔngɔ nɔ hili ɔmɛ wo dama; ekomɛ tsu tsutsuu kaa la; ekomɛ hɛɛ alamua tu su, nɛ ekomɛ hu ngɛ kaa kungwɔ zɔ. Okpɔngɔ ɔmɛ a yi ngɛ kaa jata yi, nɛ la, kɛ la su ku, kɛ la hɛuu ngɛ a nya mi jee.