Daniel 9:2 - BAIBLO ALOO NGMAMI KLƆUKLƆU Ɔ

² Benɛ e ngɛ tsɛ yee ɔ kekleekle jeha a mi ɔ, imi Daniel hu i ya kpa womi klɔuklɔu ɔmɛ a mi. I na ngɛ womi ɔmɛ a mi kaa Yerusalem maa pee ma doku kɛ yaa si jeha nyingmi kpaago. Bɔ nɛ Yawɛ de gbalɔ Yeremia ji nɛ ɔ nɛ.

Daniel 9:2 ပူးပေါင်းရင်းမြစ်များ

Kronika II, 36:21

Lɔ ɔ he ɔ, nɔ́ nɛ Yawɛ de to kɛ gu gbalɔ Yeremia nɔ ɔ ba mi. Yawɛ lɛ de ke, “Zugba a maa fɔ si jeha nyingmi kpaago, konɛ Hejɔɔmi ligbi ɔmɛ nɛ a yi ɔ, a kɛ tsɔ.”

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

La 119:24

O mlaa amɛ jɔɔ ye bua; mɛ nɔuu ji ye ga woli.

Yesaya 64:10

O ma klɔuklɔu ɔ plɛ pee nga kplanaa. Zion plɛ pee nga nɔ, nɛ Yerusalem pee ma doku.

Yeremia 1:1

Yeremia, Hilkia binyumu ɔ munyuhi ji nɛ ɔmɛ nɛ. Osɔfohi nɛ hi Anatot ngɛ Benyamin zugba a nɔ ɔ, a ti nɔ kake ji Hilkia.

Yeremia 25:18

Yerusalem bi, nihi nɛ ngɛ Yuda ma amɛ tsuo a mi, matsɛmɛ ɔmɛ, kɛ ma nimeli ɔmɛ tsuo pɛpɛɛpɛ nu. Nɛ kɛ je jamɛ a ligbi ɔ kɛ ba si mwɔnɛ ligbi nɛ ɔ, a hɛ mi kpata pɛsɛpɛsɛ; a plɛ pee he fɛu yemi nɔ́, kɛ gbiɛmi.

Yeremia 26:18

“Yuda matsɛ, Hezekia yi nɔ ɔ, gbalɔ Mika nɛ je Moreshet ɔ de Yuda ma a tsuo ke, ‘A ma hu Zion kaa a huɔ ngmɔ. Yerusalem ma hyi tɔ kɛ ní kokoehi nɛ a bua nya glekugleku, nɛ yoku ɔ nɔ he nɛ we ɔ maa si ngɛ ɔ ma plɛ pee hue.’

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 29:10

“Yawɛ ke, ‘Babilonia jeha nyingmi kpaago ɔ se ɔ, ma kai nyɛ. Nɛ, si nɛ i wo ke ma ngɔ nyɛ kɛ ba we ekohu ɔ, ma ye jamɛ a siwo ɔ nɔ.

Yeremia 7:34

Zugba a ma plɛ pee nga kplanaa. Ma ha nɛ nyami, bua jɔmi, kɛ ayɛflo he ní peemi hoo ɔ se maa po ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ.

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Ezekiel 29:11

Nane ko nane ko be zugba a nɔ nyɛɛe hu, nɔmlɔ nɔ́ jio, lohwe nɔ́ jio. Lejɛ ɔ maa fɔ si gu jeha nyingmi eywiɛ sɔuu.

Daniel 9:3

Enɛ ɔ he je ɔ, i fa kue wawɛɛ ha Nyɔmtsɛ Mawu, nɛ i kpa lɛ pɛɛ ha ma a. I ha hwɔ, nɛ i ha kpekpe ya bo, nɛ i kɛ la zu pue ye nɔ.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Zakaria 1:12

Kɛkɛ nɛ Yawɛ bɔfo ɔ de ke, “Yawɛ Tabohiatsɛ, jeha nyingmi kpaago sɔuu ji nɛ ɔ nɛ Yerusalem kɛ Yuda ma amɛ ha nɛ o mi mi wo la. Mɛni be nɛ o bua maa jɔ, nɛ o maa na mɛ mɔbɔ?”

Zakaria 7:5

“Bi ni ɔmɛ tsuo, kɛ osɔfo ɔmɛ ke, nɛ a ha hwɔ daa nyɔhiɔ enuɔne ɔ, kɛ kpaanyɔne ɔ jeha nyingmi kpaago ɔ, imi a ha hwɔ ha lo?

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.

Ni Tsumi 8:34

Sɔmɔlɔ nɔkɔtɔma a bi Filipo ke, “I kpa mo pɛɛ, mɛnɔ he munyu gbalɔ ɔ ngɛ tue ɔ? Lɛ nitsɛ e he, loo nɔ kpa?”

1 Timoteo 4:13

Yaa nɔ nɛ o hi ngmami ɔ kanee ha asafo ɔ; hii munyu ɔ fiɛe, nɛ o hi mɛ ní nɛ ɔmɛ tsɔɔe kɛ yaa si be nɛ ma ba.

Kpojemi 1:3

A gbaa nɔ nɛ kaneɔ womi nɛ ɔ. Nihi nɛ nuɔ sɛ gbi nɛ a gba ngɔ to ngɛ womi nɛ ɔ mi, nɛ a yeɔ nɔ ɔ, á gbaa mɛ. Ejakaa be ɔ nɛ ní nɛ ɔmɛ tsuo maa ba mi ɔ su ta.