Daniel 9:18 - BAIBLO ALOO NGMAMI KLƆUKLƆU Ɔ

¹⁸ Ye Mawu lee, wa kpa mo pɛɛ nɛ o bu wɔ tue. Hyɛ haomi mi nɛ wa ngɛ, kɛ bɔ nɛ ma a nɛ a kɛ o biɛ wo lɛ ɔ pee ma doku ha. Wa ngɛ kue fae ha mo, ejakaa mɔbɔ nalɔ ji mo, se pi kaa wa pee nɔ́ nɛ da.

Daniel 9:18 ပူးပေါင်းရင်းမြစ်များ

Matsɛmɛ I, 8:29

We nɛ ɔ, he nɛ o hla ngɔ to kaa a ja mo ngɛ ɔ, moo bu he nyɔ kɛ pia, konɛ ke i ba hiɛmɛ nɛ ɔ ba sɔle ɔ, o nu.

Matsɛmɛ II, 19:16

Yawɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo Mawu hɛ kalɔ ɔ, o he guɛ gbee!

La 116:1

I suɔ Yawɛ, ejakaa e nuɔ ye kue fami ɔ, nɛ e buɔ mi tue.

La 25:6

Yawɛ, kai kaa o mɔbɔ nami, kɛ o suɔmi nɛ be nyagbe ɔ ngɛ kɛ je blema lokoo.

Mose II, 3:7

Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Yesaya 37:17

Yawɛ, wa kpa mo pɛɛ jehanɛ, mo bli o hɛngmɛ nɛ o hyɛ nɔ́ nɛ a ngɛ wɔ pee! Yawɛ, mo ta tue nɛ o nu munyuhi nɛ Senakerib ngɛ tue kɛ ngɛ mo, Mawu hɛ kalɔ ɔ, o he guɛ gbee!

Yesaya 43:7

Imi nitsɛ ye ma ji mɛ; nɛ i bɔ mɛ, konɛ a wo ye hɛ mi nyami.’ ”

Yesaya 64:12

Yawɛ, níhi nɛ ngɛ wa nɔ bae nɛ ɔ, o be he nɔ́ ko pee ha wɔ lo? Anɛ o maa pee dii nɛ o ha waa na nɔ́ pe bɔ nɛ wa ma nyɛ nya maa da lo?

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yeremia 14:9

Mɛni he je o pee kaa nyumu nɛ nɔ́ ko ti lɛ si tlukaa, loo katsɛ nɛ nyɛ we nɔ yi wami nɛ e he ɔ? Yawɛ, niinɛ o kɛ wɔ ngɛ! O ma ji wɔ; ko kua wɔ.’ ”

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Yeremia 25:29

Ma bɔni hɛ mi kpatami ní tsumi ɔ kɛ je imi nitsɛ ye ma a mi. Pe a susu kaa a maa ye a he lo? Dɛbi! A be a he yee; ja a gbla a tue kokooko. Ejakaa ma ha nɛ ta maa ba je ma amɛ tsuo a nɔ. Imi, Yawɛ Tabohiatsɛ ɔ lɛ i de.

Yeremia 36:7

Alini a maa fa kue ha Yawɛ nɛ a maa kpale kɛ je a blɔ yayami ɔmɛ a nɔ; ejakaa abofu nɛ Yawɛ kɛ tu munyu kɛ si ma nɛ ɔ nya wa wawɛɛ nitsɛ.”

Yeremia 37:20

Lɔ ɔ he ɔ, nɛnɛ, i kpa mo pɛɛ nɛ o bu mi tue, nɛ o pee nɔ́ nɛ ma bi mo ɔ ha mi. I kpa mo pɛɛ, ko ha nɛ a kpale mi kɛ ya wo tsu ngɛ matsɛ pɛdiyo Yonatan we ɔ mi hu. Ke o pee ja a, ma gbo ngɛ lejɛ ɔ.”

Ezekiel 36:22

“Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Nɔ́ nɛ i yaa pee nɛ ɔ, pi nyɛ Israel bi ɔmɛ nyɛ he, se mohu ye biɛ klɔuklɔu ɔ nɛ nyɛ ble ngɛ ma amɛ a mi he nɛ nyɛ ya a, lɔ ɔ he je.

Ezekiel 36:32

Israel, i ngɛ hae nɛ nyɛɛ le kaa tsa pi nyɛ he nɛ ma tsu ní nɛ ɔmɛ tsuo. Pe i suɔ kaa zo nɛ gbe nyɛ, nɛ nyɛ hɛ mi nɛ pue si ngɛ nyɛ je mi bami yaya a he. Imi, Nyɔmtsɛ Yawɛ lɛ i de.”

Daniel 9:7

Nyɔmtsɛ, dalɔ ji mo. Wɔɔ lɛɛ zo kpɔtɔɔ gbe wɔ kaa bɔ nɛ o ngɛ wɔ hyɛe mwɔnɛ nɛ ɔ; ejakaa wɔ tsuo pɛpɛɛpɛ, Yuda bi, Yerusalem bi, kɛ Israel ma a tsuo nɛ o gbɛ ngɔ fĩa je ma amɛ a nɔ ɔ, wa ti ni nɛmɛ nɛ ngɛ kpo nya, kɛ ni nɛmɛ nɛ ngɛ lokoo ɔ, wa pee yayami kɛ si mo.

Mose IV, 6:27

“Ke a tsɛ ye biɛ ngɔ pue Israel ma a nɔ kikɛ nɛ ɔ, ma gbaa mɛ.”

1 Korintobi 1:2

Wa ngɛ womi nɛ ɔ ngmae kɛ yaa ha Mawu we asafo nɛ ngɛ Korinto ɔ, nihi nɛ a tsu a he, nɛ a pee mɛ klɔuklɔu ha Yesu Kristo, kɛ nihi nɛ ngɛ he tsuaa he, nɛ a jaa Kristo Yesu, wa Nyɔmtsɛ, kɛ mɛ hu a Nyɔmtsɛ ɔ.