Daniel 9:16 - BAIBLO ALOO NGMAMI KLƆUKLƆU Ɔ

¹⁶ Mo ji nɔ nɛ fa wa he be ko nɛ be ɔ. Lɔ ɔ he ɔ, wa kpa mo pɛɛ nɛ o mi mi ko fu Yerusalem hu. Mo nitsɛ o ma ji lɛ; o yo klɔuklɔu. Wa he yayami ɔmɛ, kɛ wa nɛmɛ ɔmɛ a ní yayami ɔmɛ nɛ a pee ɔ a he je ɔ, je ma amɛ tsuo nɛ bɔle wɔ ɔ yeɔ Yerusalem kɛ o ma a a he fɛu.

Daniel 9:16 ပူးပေါင်းရင်းမြစ်များ

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

La 143:1

Yawɛ bu ye kue fami ɔ tue; mo ta tue ha pɛɛ nɛ i ngɛ mo kpae ɔ. Akɛnɛ o yeɔ anɔkuale, nɛ o peeɔ nɔ́ nɛ da a, bu mi tue nɛ o he nɔ ha mi koo!

La 31:1

Yawɛ, i ba sa we ngɛ o ngɔ; ko ha nɛ zo nɛ gbe mi. Mo he ye yi wami, ejakaa dalɔ ji mo.

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

La 71:2

Akɛnɛ dalɔ ji mo he je ɔ, je mi kɛ je haomi mi; kpɔ mi kɛ je he nyɛli a dɛ mi. I kpa mo pɛɛ, bu mi tue, nɛ o he ye yi wami.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

La 85:4

Mawu, wa yi wami helɔ, kpale wɔ kɛ ba o ngɔ ekohu. O mi mi ko fu wɔ hu!

La 89:51

Yawɛ, nɔmlɔ nɛ o pɔ lɛ nu ɔ, hyɛ kaa o he nyɛli ɔmɛ ngɛ lɛ ahlua bɔe! He tsuaa he nɛ e gu, kɛkɛ jɛmi nyɛɛ e se.

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Yesaya 5:25

Yawɛ mi mi fu e ma a, nɛ e wo e nine nɔ, konɛ e gbla a tue. Yo ɔmɛ ma mimiɛ, nɛ ni gbogboehi ma pue si ngɛ blɔ ɔmɛ a nɔ kaa dwɔmi. Ke e ba ja po, Yawɛ mi mi fumi ɔ se be poe, se e nine nɛ e wo nɔ ɔ, ja e kɛ gbla a tue kokooko.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Yeremia 29:18

I kɛ ta, hwɔ, kɛ gbenɔ hiɔ maa nyɛɛ a se; nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, nɛ a maa bɔ mɛ ahlua ngɛ he tsuaa he nɛ ma fie mɛ kɛ ya.

Yeremia 32:31

Kɛ je be nɛ a bɔ ma nɛ ɔ, ye mi mi la sɔuu lɛ ma mi bi ɔmɛ ngɛ woe. I to kaa ma kpata ma a hɛ mi,

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Ezekiel 22:4

O yeɔ fɔ kaa o pue muɔ si, nɛ o puɛ amagahi, nɛ o ja mɛ kɛ ble o he. Hyɛ, o ha nɛ o nyagbe ɔ na mo haa! O be ɔ su. Lɔ ɔ he nɛ i ha je ma amɛ ngɛ mo ahlua bɔe, nɛ zugba amɛ tsuo ngɛ o he fɛu yee ɔ nɛ.

Ezekiel 5:14

Ma ha Yerusalem maa pee ma doku, kɛ ma nɛ bɔ ahlua ngɛ je ma amɛ a kpɛti. Nihi nɛ maa be ngɛ lejɛ ɔ tsuo maa hie lɛ.

Daniel 11:45

E maa ma matsɛ bo tsu agboagbohi ngɛ wo ɔ, kɛ yo ɔ nɛ Yawɛ we ɔ maa si ngɛ nɔ ɔ a kpɛti. Se e ma gbo ngɛ lejɛ ɔ, nɛ nɔ ko be bae nɛ e ba je ngmlaa ha lɛ.”

Daniel 9:20

I ya nɔ nɛ i sɔle. I jaje ye he yayami, kɛ ye ma Israel ɔ hu he yayami, nɛ i kpa Yawɛ, ye Mawu ɔ pɛɛ ke e to e we klɔuklɔu ɔ si ekohu.

Yoel 3:17

“Israel, jamɛ a be ɔ mi nɛ o ma na maa le kaa imi ji Yawɛ, o Mawu ɔ nɛ. I hii Zion yo klɔuklɔu ɔ nɔ. Yerusalem maa pee ma klɔuklɔu; nibwɔhi be nyɛe ma ba tua ma a gblegbleegble hu.

Zakaria 8:3

Ma kpale kɛ ba Zion, nɛ ma ba hi Yerusalem. Jehanɛ lɛɛ a ma tsɛ ma a ke ma nɛ yeɔ anɔkuale; nɛ a ma tsɛ Yawɛ Tabohiatsɛ yo ɔ ke yo klɔuklɔu.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

Samuel I, 2:7

Yawɛ lɛ peeɔ nɔ ohiatsɛ, nɛ e peeɔ nɔ niatsɛ. E baa nɔ si, nɛ e woɔ nɔ nɔ.