Daniel 9:14 - BAIBLO ALOO NGMAMI KLƆUKLƆU Ɔ

¹⁴ Mo Yawɛ, wa Mawu, o to o yi mi kaa o maa gbla wa tue, nɛ ja ji bɔ nɛ o pee nɛ ɔ nɛ; ejakaa moo lɛɛ nɔ́ nɛ da lɛ o peeɔ. Se wa bui mo tue.

Daniel 9:14 ပူးပေါင်းရင်းမြစ်များ

Kronika II, 12:6

Matsɛ ɔ, kɛ Israel ganɔ ɔmɛ kplɛɛ kaa a pee yayami, nɛ a kɛ he si bami de ke, “Nɔ́ nɛ Yawɛ pee ɔ da.”

Ezra 9:15

Yawɛ, Israel Mawu, moo lɛɛ dalɔ ji mo, se kɛ̃, o ha wa yi na wami kɛ ba si mwɔnɛ ɔ. Wa ngɛ jajee ngɛ o hɛ mi kaa wa yeɔ fɔ, nɛ e sɛ́ kulaa kaa waa ba o hɛ mi.”

Nehemia 9:33

O ye dami sane kaa o gbla wa tue, ejakaa o ye anɔkuale, be nɛ wɔɔ lɛɛ wa pee yayami.

La 111:7

E yeɔ anɔkuale kɛ dami sane ngɛ níhi tsuo a mi; nɛ e mlaa amɛ ɔ, anɔkuale sɔuu.

La 116:5

Dloolɔ, kɛ dalɔ ji Yawɛ; ee, wa Mawu ɔ, mɔbɔ nalɔ ji lɛ.

La 119:137

Yawɛ, dalɔ ji mo, nɛ o mlaa amɛ hu da pɛpɛɛpɛ!

La 51:14

Mawu, koo bu mi fɔ kaa muɔ si puelɔ, konɛ ma la kɛ bua jɔmi kɛ je o yi.

Mose II, 9:27

Kɛkɛ nɛ Farao ɔ tsɔ nɛ a ya tsɛ Mose kɛ Aaron kɛ ba, nɛ e de mɛ ke, “Jehanɛ lɛɛ i pee yayami; Yawɛ nɔ́ da, se i kɛ ye ma a, wa tɔ̃.

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Yeremia 31:28

Nɛ kaa bɔ nɛ i gbo dengme nɛ i kɛ hia mɛ, nɛ i ku mɛ pue si, nɛ i butu mɛ, nɛ i kpata a hɛ mi, nɛ i kɛ haomi ba a nɔ ɔ, ja nɔuu ma gbo dengme kɛ ma mɛ, nɛ ma to mɛ si ekohu.

Yeremia 4:17

A ma sá Yerusalem ma a yi kɛ kpe kaa bɔ nɛ buli buɔ zugba he ɔ; ejakaa ma mi bi ɔmɛ tsɔ Yawɛ hɛ mi atuã. Yawɛ lɛ de.

Yeremia 44:27

Ma hyɛ, nɛ nɔ́ ko nɔ́ ko be hie ha nyɛ. Nyɛ Israel bi tsuo nɛ nyɛ ngɛ Egipt zugba a nɔ ɔ, nyɛ tsuo nyɛ hɛ mi ma kpata, nɛ nɔ kake ngmelu po he be mi jee. Nyɛ ti ni komɛ ma gbo ngɛ ta mi, nɛ hwɔ maa gbe ni komɛ.

Kɔmɔ Yemi 1:5

E he nyɛli ɔmɛ ye kunimi; a nine su e nɔ jehanɛ. Yawɛ lɛ ha nɛ e ngɛ nɔ́ nae ngɛ yayami babauu nɛ e pee ɔ he. E he nyɛli ɔmɛ nuu e bimɛ ɔmɛ nyɔguɛ kɛ ho.

Ezekiel 16:43

O kaii we nɔ́ nɛ i pee ha mo ngɛ o yihe mi ɔ, se mohu o ngɔ je mi bami yaya nɛ ɔmɛ tsuo kɛ wo ye mi mi la. Lɔ ɔ he nɛ i ha o na a he hiɔwo sisiisi ɔ nɛ. Se mɛni he je po nɛ o kpale ngɔ ajuama bɔmi basaa kɛ piɛ yayamihi nɛ o pee ɔ a he ɔ?” Nyɔmtsɛ Yawɛ lɛ de.

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.

Daniel 9:7

Nyɔmtsɛ, dalɔ ji mo. Wɔɔ lɛɛ zo kpɔtɔɔ gbe wɔ kaa bɔ nɛ o ngɛ wɔ hyɛe mwɔnɛ nɛ ɔ; ejakaa wɔ tsuo pɛpɛɛpɛ, Yuda bi, Yerusalem bi, kɛ Israel ma a tsuo nɛ o gbɛ ngɔ fĩa je ma amɛ a nɔ ɔ, wa ti ni nɛmɛ nɛ ngɛ kpo nya, kɛ ni nɛmɛ nɛ ngɛ lokoo ɔ, wa pee yayami kɛ si mo.