Daniel 8:7 - BAIBLO ALOO NGMAMI KLƆUKLƆU Ɔ

⁷ I na nɛ to akpakpo ɔ ba tua agbosu ɔ. Akpakpo ɔ mi mi fu wawɛɛ nitsɛ, nɛ benɛ e hɛ agbosu ɔ, e ku e koli enyɔ ɔmɛ. Agbosu ɔ he wami ba ta, nɛ e nyɛ we akpakpo ɔ. Akpakpo ɔ tsɛ̃ lɛ ngɔ fɔ zugba, nɛ e naa e nɔ, nɛ nɔ ko nɔ ko nyɛ we nɛ e kpɔ agbosu ɔ ngɛ e dɛ.

Daniel 8:7 ပူးပေါင်းရင်းမြစ်များ

Daniel 11:11

Egipt matsɛ ɔ mi mi ma fu. E kɛ Siria matsɛ ɔ ma ya hwu ta, nɛ e maa nuu Siria ta buli babauu nyɔguɛ.

Daniel 7:7

Benɛ i ngɛ lɛ hyɛe ɔ, lohwe eywiɛne ba hia si. Lohwe nɛ ɔ he ngɛ gbeye kɛ nyakpɛ, nɛ e ngɛ he wami saminya. E kɛ e dade lungu vamvam ɔmɛ tsɔtslɔɔ lohwehi a mi kpɔ nya kpɔ nya nɛ e yeɔ. Ní nɛmɛ nɛ piɛ ɔ lɛɛ e naa a nɔ. Slo lɛ ngɛ lohwe ɔmɛ nɛ nyɛɛ e hɛ mi ɔ a he; lohwe nɛ ɔ lɛɛ e ngɛ koli nyɔngma.

Yoshua 8:20

Benɛ Ai bi ɔmɛ hyɛ a se ɔ, ne la su ku nɛ ngɛ jee ngɛ ma a mi kɛ yaa hiɔwe. A nɛ he nɛ a maa ma fo kɛ gu. Ejakaa Israel bi ɔmɛ nɛ ngɛ fo tue kɛ gu nga a nɔ blɔ ɔ plɛ a hɛ mi kɛ kpee mɛ jehanɛ.

Mose III, 26:37

Nyɛ maa nɔɔ nyɛ sibi a nɔ kaa nɔ́ nɛ ta nya fo nyɛ ngɛ tue, pohu nɔ ko nyɛɛ we nyɛ se. Nyɛ be nyɛe maa da nyɛ he nyɛli ɔmɛ a nya.

Daniel 8:6

To akpakpo ɔ ba su agbosu kɛ e koli enyɔ ɔ he, nɛ e kɛ e he wami tsuo ba hɛ lɛ. Agbosu nɛ ɔ lɛ i na nɛ daa si ngɛ pa a tue ɔ nɛ.

Daniel 8:8

Enɛ ɔ se ɔ, to akpakpo ɔ ba wo e he nɔ wawɛɛ nitsɛ, nɛ e bui nɔ́ ko nɔ́ ko. Se benɛ e he wami ɔ ba he si ɔ, e koli ɔ ku. Kɛkɛ nɛ koli agboagbo eywiɛ ba puɛ ngɛ lɔ ɔ nane mi; koli ɔmɛ plɛ a nyahi ngɔ kpee he munomunohi.

Daniel 8:10

E he wami ɔ ba pue nɔ; e kɛ hiɔwe tabo nɛ ji dodoe ɔmɛ nitsɛnitsɛ hwu ta, nɛ e hɛ ekomɛ ngɔ pue zugba, nɛ e naa a nɔ.

Daniel 7:12

Lohwe ɔmɛ nɛ piɛ ɔ, a kpɔ a he wami ɔ ngɛ a dɛ, se a ngmɛ mɛ blɔ nɛ a hi je mi kɛ ya si be ko.