Daniel 8:6 - BAIBLO ALOO NGMAMI KLƆUKLƆU Ɔ

⁶ To akpakpo ɔ ba su agbosu kɛ e koli enyɔ ɔ he, nɛ e kɛ e he wami tsuo ba hɛ lɛ. Agbosu nɛ ɔ lɛ i na nɛ daa si ngɛ pa a tue ɔ nɛ.

Daniel 8:6 ပူးပေါင်းရင်းမြစ်များ

Daniel 8:5

Benɛ i ngɛ nɔ́ nɛ ɔ he susue ɔ, tlukaa a, to akpakpo ko ji nɛ ɔ nɛ je bonyoku je kɛ ma kɛ fo nɛ mi wa wawɛɛ nitsɛ. To ɔ ngɛ fo tue wawɛɛ mohu, se e nane mɛ zugba. Jehanɛ hu, koli agbo ko ngɛ e hɛngmɛ enyɔ ɔmɛ a kpɛti.

Daniel 8:7

I na nɛ to akpakpo ɔ ba tua agbosu ɔ. Akpakpo ɔ mi mi fu wawɛɛ nitsɛ, nɛ benɛ e hɛ agbosu ɔ, e ku e koli enyɔ ɔmɛ. Agbosu ɔ he wami ba ta, nɛ e nyɛ we akpakpo ɔ. Akpakpo ɔ tsɛ̃ lɛ ngɔ fɔ zugba, nɛ e naa e nɔ, nɛ nɔ ko nɔ ko nyɛ we nɛ e kpɔ agbosu ɔ ngɛ e dɛ.