Daniel 8:4 - BAIBLO ALOO NGMAMI KLƆUKLƆU Ɔ

⁴ I na nɛ agbosu ɔ ngɔ e koli ɔmɛ kɛ ngɛ lohwehi hɛɛe ngɛ e blɔ mi, kɛ je bonyoku, omleyi, kɛ leneyi je. Lohwe ko lohwe ko nyɛ we lɛ, loo e kpɔ e he kɛ je e dɛ mi. Agbosu ɔ bui nɔ́ ko nɔ́ ko; nɔ́ nɛ e suɔ nɛ e peeɔ.

Daniel 8:4 ပူးပေါင်းရင်းမြစ်များ

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Hiob 10:7

O le kaa i yi fɔ, nɛ nɔ ko hu be nɛ ma kpɔ mi kɛ je o dɛ mi.

La 44:5

Mo lɛ o haa nɛ wa yeɔ wa he nyɛli ɔmɛ a nɔ. Nihi nɛ teɔ si kɛ woɔ wɔ ɔ, o biɛ waa kɛ jɔɔ a he.

La 50:22

“Nyɛ nihi tsuo nɛ nyɛ hɛ je imi Mawu, ye nɔ ɔ, nyɛ susu nɔ́ nɛ ɔ he saminya. Ke pi ja a, ma tsɔtslɔɔ nyɛ, nɛ nɔ ko nɔ ko be nɛ ma kpɔ nyɛ.

La 7:2

Ke pi ja a, a maa gbla mi kɛ ya he nɛ nɔ ko be nɛ maa je ngmlaa ha mi. Lejɛ ɔ lɛ a ma ya tsɔtslɔɔ mi ngɛ kaa bɔ nɛ jata peeɔ ɔ.

Ezekiel 34:21

Nyɛɛ lɛɛ nyɛ tsitsɛɛɔ to hiɔtsɛmɛ ɔmɛ, nɛ nyɛ hɛɛ mɛ koli kɛ jee to kuu ɔ he kɛ yaa se.

Daniel 11:16

Siria matsɛ ɔ maa pee mɛ nɔ́ nɛ e suɔ, nɛ nɔ ko be nyɛe maa te si kɛ wo lɛ. E ma ya da si ngɛ zugba a nɛ a wo he si ɔ nɔ, nɛ zugba a tsuo maa pee e nɔ.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 5:19

Bɔ nɛ e he wami ɔ kle ha a, je ma amɛ, kɛ nihi nɛ tuɔ gbi slɔɔtoslɔɔto ɔmɛ yeɔ lɛ gbeye; ke a nu e biɛ kɛkɛ sawale nu mɛ. Nɔ́ nɛ e suɔ ɔ, lɔ ɔ e peeɔ. Ke e to kaa e maa gbe nɔ ko ɔ, kɛkɛ e gbe lɛ; ke e to kaa e maa baa nɔ ko yi ɔ, e baa e yi. Ke e to kaa e ma wo nɔ ko nɔ ɔ, kɛkɛ e wo e nɔ; ke e de ke e maa ba nɔ ko si ɔ, kɛkɛ e pee ja.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Daniel 7:5

Lohwe enyɔne ɔ ngɛ kaa osisiblisi nɛ daa si ngɛ e se nane enyɔ ɔmɛ a nɔ. Kasa wu etɛ ngɛ e lungu kpɛ ngɛ e nya mi. Kɛkɛ nɛ gbi ko de lɛ ke, “Tee si, nɛ o ye lo bɔ nɛ o ma nyɛ!”

Daniel 8:7

I na nɛ to akpakpo ɔ ba tua agbosu ɔ. Akpakpo ɔ mi mi fu wawɛɛ nitsɛ, nɛ benɛ e hɛ agbosu ɔ, e ku e koli enyɔ ɔmɛ. Agbosu ɔ he wami ba ta, nɛ e nyɛ we akpakpo ɔ. Akpakpo ɔ tsɛ̃ lɛ ngɔ fɔ zugba, nɛ e naa e nɔ, nɛ nɔ ko nɔ ko nyɛ we nɛ e kpɔ agbosu ɔ ngɛ e dɛ.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”