Daniel 8:27 - BAIBLO ALOO NGMAMI KLƆUKLƆU Ɔ

²⁷ Imi Daniel ɔ, ye he mi po, nɛ i nu hiɔ ligbi babauu. Pee se ɔ, i te si nɛ i ho ya tsu ní tsumi nɛ matsɛ ɔ ha mi ke ma tsu ɔ. Se kɛ̃ ɔ, nina a gba ye juɛmi nya, nɛ i nui sisi.

Daniel 8:27 ပူးပေါင်းရင်းမြစ်များ

Daniel 10:16

Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Daniel 10:8

nɛ e piɛ imi nɔ kake too. Benɛ i na nyakpɛ nina nɛ ɔ, ye he wami ta, nɛ i gbɔjɔ. Ye hɛ mi tsake amlɔ bɔ nɛ nɔ ko be ye mi tso lee.

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 5:14

I nu kaa Mawu klɔuklɔu ɔ mumi ɔ ngɛ o mi. I nu kaa o ngɛ juɛmi, nɛ o le ní, nɛ o hɛ mi ka si hulɔ.

Daniel 7:28

Ye sane ɔ nyagbe ji nɛ ɔ nɛ. Se imi Daniel lɛɛ ye tsui po wawɛɛ nitsɛ, nɛ i hao. I ngɔ sane nɛ ɔ kɛ to ye yi mi, nɛ i de we nɔ ko nɔ ko.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Daniel 8:2

I na nɛ i ya je ma a nɛ a fia gbogbo ngɔ wo he nɛ a tsɛɛ lɛ Susa a tlukaa. Ma nɛ ɔ ngɛ Elam kpokpa a nɔ. I daa si ngɛ Ulai pa a nya.

Daniel 8:7

I na nɛ to akpakpo ɔ ba tua agbosu ɔ. Akpakpo ɔ mi mi fu wawɛɛ nitsɛ, nɛ benɛ e hɛ agbosu ɔ, e ku e koli enyɔ ɔmɛ. Agbosu ɔ he wami ba ta, nɛ e nyɛ we akpakpo ɔ. Akpakpo ɔ tsɛ̃ lɛ ngɔ fɔ zugba, nɛ e naa e nɔ, nɛ nɔ ko nɔ ko nyɛ we nɛ e kpɔ agbosu ɔ ngɛ e dɛ.

Habakuk 3:16

I nu sane nɛ ɔmɛ tsuo, nɛ ye he do blibliibli; fɔ̃ ha ye nya bɔni domi. Ye nɔmlɔ tso ɔ pee sikplikpii, nɛ ye nane mi jɔ ngɛ ye sisi. Ma mlɛ dii kɛ yaa su be nɛ Mawu maa gbla nihi nɛ ba tua wɔ ɔ a tue.

Samuel I, 3:15

Samuel ho ya hwɔ si kɛ ya si mɔtu; nɛ e te si nɛ e bli Yawɛ we ɔ sinya amɛ. Samuel ye gbeye kaa e ma de Eli nɔ́ nɛ Yawɛ de lɛ ɔ.