Daniel 8:26 - BAIBLO ALOO NGMAMI KLƆUKLƆU Ɔ

²⁶ Nina a nɛ kɔɔ gbɔkuɛ kɛ mɔtu bɔ sami ɔmɛ a he nɛ a tsɔɔ mo sisi ɔ maa ba mi. Se amlɔ nɛ ɔ, ngɔɔ kɛ to o yi mi; ejakaa e maa ye be saii loko e maa ba mi.”

Daniel 8:26 ပူးပေါင်းရင်းမြစ်များ

Yesaya 24:22

Mawu ma bua mɛ tsuo a nya kɛ wo muɔ voo mi kaa pamitsɛmɛ. E maa wo mɛ tsu ngɛ lejɛ ɔ hluu kɛ yaa su be nɛ a maa gbla a tue.

Ezekiel 12:27

“Nɔmlɔ adesa, nɔ́ nɛ Israel ma a ngɛ dee ji, ‘Nina amɛ nɛ gbalɔ ɔ na a be mi bae amlɔ nɛ ɔ; hwɔɔ se lokoo he ninahi sɔuu.’

Daniel 10:1

Benɛ Sirus ngɛ matsɛ yee ngɛ Persia a, jeha etɛne ɔ mi ɔ, Daniel ná sɛ gbi ko. Daniel biɛ kpa ji Belteshazar. Sɛ gbi nɛ ɔ kɔɔ sane yaya ko nɛ maa ba hwɔɔ se he; e kɔɔ ta ngua ko he. Nɛ a tsɔɔ lɛ sisi kɛ gu nina mi.

Daniel 10:14

I ba, konɛ ma ba tsɔɔ mo nɔ́ nɛ maa ba o ma a nɔ hwɔɔ se, ejakaa nina a kɔɔ hwɔɔ se níhi a he.”

Daniel 11:2

Jehanɛ, nɔ́ nɛ ma de mo nɛ ɔ, e ji anɔkuale.” Bɔfo ɔ de ke, “Matsɛmɛ kpahi etɛ ma ba ye Persia nɔ. A se ɔ, matsɛ eywiɛne maa ba, nɛ lɛɛ e ma na ní babauu pe mɛ tsuo kulaa. Nɛ ke be nɛ e ní nami ɔ ba ha nɛ e he wami ba he si ɔ, e maa te si kɛ wo Hela matsɛ yemi ɔ.

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Daniel 12:9

E he nɔ ke, “Daniel, amlɔ nɛ ɔ, yaa. Ejakaa munyu nɛ ɔmɛ ɔ, a kɛ maa to, nɛ a maa laa nɔ kɛ yaa si nyagbe be ɔ.

Kpojemi 10:4

Benɛ hiɔwe si si kpaago ɔ, jinɛ i miɔ nɛ ma ngma nɔ́ nɛ a de ɔ. Se i nu nɛ gbi ko je hiɔwe de ke, “Nɔ́ nɛ hiɔwe simi kpaago ɔ de ɔ, kɛ to o yi mi; koo ngma!”

Kpojemi 22:10

Bɔfo ɔ ya nɔ nɛ e de mi ke, “Koo sɔu munyuhi nɛ a gba ngɔ to, nɛ ngɛ womi nɛ ɔ mi ɔ nya, ejakaa be ɔ su.