Daniel 8:24 - BAIBLO ALOO NGMAMI KLƆUKLƆU Ɔ

²⁴ E ma kpata níhi a hɛ mi basabasa, nɛ e maa ye manye ngɛ nɔ́ tsuaa nɔ́ peemi mi. Je ma nguanguahi, kɛ ni klɔuklɔu ɔmɛ a nitsɛ e ma a hu, e ma kpata a hɛ mi. He wami nɛ e kɛ ma tsu ní nɛ ɔmɛ ɔ, pi lɛ nitsɛ e he wami.

Daniel 8:24 ပူးပေါင်းရင်းမြစ်များ

Daniel 8:12

A pee yayamihi babauu ngɛ Yawɛ we ɔ. A kpa daa ligbi bɔ sami ɔ, nɛ a sake anɔkuale jami ɔ kɛ fɔ he. Koli ɔ ye manye ngɛ nɔ́ tsuaa nɔ́ mi.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Daniel 8:10

E he wami ɔ ba pue nɔ; e kɛ hiɔwe tabo nɛ ji dodoe ɔmɛ nitsɛnitsɛ hwu ta, nɛ e hɛ ekomɛ ngɔ pue zugba, nɛ e naa a nɔ.

Kpojemi 16:6

Ejakaa adesa pue o ni klɔuklɔu ɔmɛ, kɛ gbali ɔmɛ a muɔ si. Enɛ ɔ he je ɔ, o ha mɛ muɔ ke a nu. Ee, nɔ́ pɛ nɛ sa mɛ ji nɛ ɔ nɛ!”

Daniel 8:11

Hiɔwe tabo ɔ ganɔ ɔ nitsɛ po, koli nɛ ɔ bui lɛ fɛɛ. Daa ligbi bɔ nɛ a sãã ngɔ haa lɛ ɔ, koli nɛ ɔ tsi nya. Yawɛ we ɔ hu, koli ɔ ble lejɛ ɔ.

Daniel 8:23

“Ke matsɛ yemi nɛ ɔmɛ a nyagbe be ɔ su ta, nɛ a yayami ɔ mi ba wa bɔ nɛ e sa kaa a gbla a tue ɔ, matsɛ ko ma ba te si. Matsɛ nɛ ɔ maa pee yiwutsotsɛ kɛ nɔ sisilɔ nɛ maa wa tue.

La 37:35

Yiwutsotsɛ kpanaku ko hi si; i le lɛ. E nɔ kuɔ kaa Lebanon seda tso.

Daniel 11:23

E kɛ je ma kpahi maa pee huɛ, nɛ e maa sisi mɛ. Nihi bɔɔ pɛ ji ni nɛmɛ nɛ maa nyɛɛ e se; se e he wami maa hiɛ babauu.