Daniel 8:22 - BAIBLO ALOO NGMAMI KLƆUKLƆU Ɔ

²² Jehanɛ, koli eywiɛ ɔmɛ nɛ ba benɛ kaketsɛ ɔ ku ɔ daa si ha matsɛmɛ eywiɛ komɛ nɛ maa je Hela nɔ yemi ɔ mi kɛ ba. Se a ti nɔ ko nɔ ko kɛ kekleekle nɔ ɔ be sɔe.

Daniel 8:22 ပူးပေါင်းရင်းမြစ်များ

Daniel 11:4

Se ke be nɛ e he wami ɔ ba he si ɔ, e matsɛ yemi ɔ maa gbɛ. A maa dla matsɛ yemi ɔ mi eywiɛ, nɛ ni kpahi nɛ pi e weku li ma ba ye tsɛ ngɛ e nane mi. Se a he wami ɔ, kɛ e nɔ́ ɔ be sɔe.

Daniel 7:6

Benɛ i ngɛ nɔ́ nɛ ɔ hyɛe ɔ, lohwe kpa ko hu ba hia si. Lohwe nɛ ɔ lɛɛ e ngɛ kaa ngatsɛ, se pɛli eywiɛ ngɛ e se mi kaa lohwe pɛlitsɛ. E ngɛ yi eywiɛ, nɛ ke o hyɛ lɛ ɔ, e ngɛ kaa nɔ ko nɛ hɛɛ blɔ nya nguaa ko.

Daniel 7:7

Benɛ i ngɛ lɛ hyɛe ɔ, lohwe eywiɛne ba hia si. Lohwe nɛ ɔ he ngɛ gbeye kɛ nyakpɛ, nɛ e ngɛ he wami saminya. E kɛ e dade lungu vamvam ɔmɛ tsɔtslɔɔ lohwehi a mi kpɔ nya kpɔ nya nɛ e yeɔ. Ní nɛmɛ nɛ piɛ ɔ lɛɛ e naa a nɔ. Slo lɛ ngɛ lohwe ɔmɛ nɛ nyɛɛ e hɛ mi ɔ a he; lohwe nɛ ɔ lɛɛ e ngɛ koli nyɔngma.

Daniel 8:21

To akpakpo ɔ daa si ha Hela matsɛ ɔ, nɛ koli agbo ɔ nɛ ngɛ e hɛngmɛ enyɔ ɔmɛ a kpɛti ɔ ji kekleekle matsɛ ɔ nɛ.

Daniel 8:23

“Ke matsɛ yemi nɛ ɔmɛ a nyagbe be ɔ su ta, nɛ a yayami ɔ mi ba wa bɔ nɛ e sa kaa a gbla a tue ɔ, matsɛ ko ma ba te si. Matsɛ nɛ ɔ maa pee yiwutsotsɛ kɛ nɔ sisilɔ nɛ maa wa tue.

Daniel 8:3

Benɛ ma hyɛ ɔ, agbosu ko kɛ e yi mi koli enyɔ ji nɛ ɔ nɛ daa si ngɛ pa a tue. Koli ɔmɛ ka gagaaga, se kake ka pe kake, nɛ nɔ́ nɛ ka a kpɛ se kɛ ba.

Daniel 8:8

Enɛ ɔ se ɔ, to akpakpo ɔ ba wo e he nɔ wawɛɛ nitsɛ, nɛ e bui nɔ́ ko nɔ́ ko. Se benɛ e he wami ɔ ba he si ɔ, e koli ɔ ku. Kɛkɛ nɛ koli agboagbo eywiɛ ba puɛ ngɛ lɔ ɔ nane mi; koli ɔmɛ plɛ a nyahi ngɔ kpee he munomunohi.

Zakaria 6:1

I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.