Daniel 8:21 - BAIBLO ALOO NGMAMI KLƆUKLƆU Ɔ

²¹ To akpakpo ɔ daa si ha Hela matsɛ ɔ, nɛ koli agbo ɔ nɛ ngɛ e hɛngmɛ enyɔ ɔmɛ a kpɛti ɔ ji kekleekle matsɛ ɔ nɛ.

Daniel 8:21 ပူးပေါင်းရင်းမြစ်များ

Daniel 11:3

“Kɛkɛ ɔ, matsɛ katsɛ ko maa ba. E kɛ he wami nɛ nya wa maa ye tsɛ, nɛ nɔ́ nɛ e suɔ ɔ, lɔ ɔ e maa pee.

Daniel 10:20

Kɛkɛ nɛ e de mi ke, “Anɛ o le nɔ́ nɛ he je nɛ i ba o ngɔ ɔ? I ba konɛ ma ba tsɔɔ mo nɔ́ nɛ a ngma ngɛ anɔkuale womi ɔ mi. Amlɔ nɛ ɔ, ma kpale ye se, nɛ i kɛ ganɔ ɔ nɛ buu Persia he ɔ ma ya hwu ta. Pee se ɔ, ganɔ ɔ nɛ buu Hela he ɔ maa ba. Nɔ ko nɔ ko be nɛ maa piɛ ye he, pe ganɔ ɔ nɛ buu Israel he, nɛ a tsɛɛ lɛ Mikael ɔ kɛkɛ.

Daniel 8:20

“Agbosu koli enyɔtsɛ ɔ nɛ o na a daa si ha Media kɛ Persia matsɛmɛ ɔmɛ.

Daniel 8:22

Jehanɛ, koli eywiɛ ɔmɛ nɛ ba benɛ kaketsɛ ɔ ku ɔ daa si ha matsɛmɛ eywiɛ komɛ nɛ maa je Hela nɔ yemi ɔ mi kɛ ba. Se a ti nɔ ko nɔ ko kɛ kekleekle nɔ ɔ be sɔe.

Daniel 11:2

Jehanɛ, nɔ́ nɛ ma de mo nɛ ɔ, e ji anɔkuale.” Bɔfo ɔ de ke, “Matsɛmɛ kpahi etɛ ma ba ye Persia nɔ. A se ɔ, matsɛ eywiɛne maa ba, nɛ lɛɛ e ma na ní babauu pe mɛ tsuo kulaa. Nɛ ke be nɛ e ní nami ɔ ba ha nɛ e he wami ba he si ɔ, e maa te si kɛ wo Hela matsɛ yemi ɔ.

Daniel 2:39

O se ɔ, matsɛ yemi kpa maa ba, se jamɛ a matsɛ yemi ɔ, kɛ o nɔ́ ɔ be sɔe. Matsɛ yemi etɛne maa ba ngɛ lɔ ɔ se. Lɛ ji amaga a mlɛ mi ɔ nɛ a kɛ akɔblee pee ɔ nɛ, nɛ e maa ye je ɔ tsuo nɔ.

Daniel 7:6

Benɛ i ngɛ nɔ́ nɛ ɔ hyɛe ɔ, lohwe kpa ko hu ba hia si. Lohwe nɛ ɔ lɛɛ e ngɛ kaa ngatsɛ, se pɛli eywiɛ ngɛ e se mi kaa lohwe pɛlitsɛ. E ngɛ yi eywiɛ, nɛ ke o hyɛ lɛ ɔ, e ngɛ kaa nɔ ko nɛ hɛɛ blɔ nya nguaa ko.

Zakaria 9:13

Yuda maa pee kaa ta bulɔ kɛ̃ɛ̃, nɛ Israel maa pee kaa kɛ̃ɛ̃ mi bi. Zion bi maa pee kaa ye dɛ mi klaate nɛ i kɛ ma jé ta kɛ wo Hela bi.