Daniel 8:2 - BAIBLO ALOO NGMAMI KLƆUKLƆU Ɔ

² I na nɛ i ya je ma a nɛ a fia gbogbo ngɔ wo he nɛ a tsɛɛ lɛ Susa a tlukaa. Ma nɛ ɔ ngɛ Elam kpokpa a nɔ. I daa si ngɛ Ulai pa a nya.

Daniel 8:2 ပူးပေါင်းရင်းမြစ်များ

Mose I, 10:22

Shem binyumuhi ji Elam, Ashur, Arpakshad, Lud kɛ Aram.

Mose I, 14:1

Jamɛ a be ɔ mi ɔ, Babilonia matsɛ, Amrafel; Elasar matsɛ, Ariok; Elam matsɛ, Kedorlaomer; kɛ Goim matsɛ, Tidal

Nehemia 1:1

Nɔ́ nɛ Hakalia bi Nehemia tsu he sane ji nɛ ɔ nɛ. Benɛ Artaherhes ngɛ matsɛ yee ngɛ Persia a, jeha nyingmi enyɔne ɔ we nyɔhiɔ nɛ a tsɛɛ Kislev ɔ mi ɔ, imi Nehemia, i ngɛ matsɛ ma nɛ a tsɛɛ Susa a.

Ester 2:8

Benɛ matsɛ ɔ mlaa a je kpo ɔ, a ngɔ yihewi babauu kɛ ba Susa; nɛ Ester hu piɛ a he kɛ ba matsɛ we ɔ. A kɛ lɛ wo Hegai nɛ hyɛɛ matsɛ yi ɔmɛ a nɔ ɔ dɛ, nɛ́ e hyɛ e nɔ.

Ester 3:15

Matsɛ ɔ ha nɛ a fiɛ mlaa nɛ ɔ ngɛ matsɛ ma Susa a mi. Kɛkɛ nɛ a ha tsɔli nɛ a he sɔɔ saminya pue nɔ oya kɛ mlaa nɛ ɔ kɛ ho e nɔ yemi he ɔmɛ ya. Jamɛ a be ɔ, matsɛ ɔ, kɛ Haman hii si nɛ a ngɛ dã nue, se Susa ma a mi lɛɛ e pee basabasa.

Ester 7:6

Manyɛ Ester he nɔ ke, “Wa he nyɛlɔ, kɛ nɔ nɛ ngɛ wɔ yi mi wae ɔ ji yiwutsotsɛ nɛ ɔ nɛ a tsɛɛ lɛ Haman ɔ!” Haman kɛ sawale hyɛ matsɛ ɔ, kɛ manyɛ ɔ a hɛ mi gaa.

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

Ester 9:11

Jamɛ a ligbi ɔ, benɛ matsɛ ɔ na le nihi abɔ nɛ a gbe ngɛ matsɛ ma nɛ a tsɛɛ Susa a mi ɔ,

Ester 9:15

Nyɔhiɔ ɔ nɛ a tsɛɛ Adar a we ligbi nyɔngma kɛ eywiɛne ɔ nɔ ɔ, Yuda bi ɔmɛ nɛ ngɛ Susa a bua a he nya ekohu, nɛ a gbe ma a mi bi lafa etɛ kɛ piɛ nihi nɛ a gbe kekle ɔ a he. Se kaa bɔ nɛ a pee kekle ɔ, hɛ ní.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Ezekiel 32:24

“Elam ngɛ lejɛ ɔ; e ta buli kpekpemi ɔ nɛ nɔ ngɛ ta a mi ɔ a gbogboe ɔmɛ hu ngɛ a yɔkɔ ɔmɛ a mi; a bɔle lɛ kɛ kpe. Nihi nɛ gbo ngɛ ta mi nɛ ɔ, mɛ tsuo a ho gbeje ya kɛ mɔmlɔtɔ. Benɛ a ngɛ wami mi ɔ, a wo nihi a he gbeye wawɛɛ, se jehanɛ lɛɛ a gbo kɛ fɔɔ si kɛ zo kpɔtɔɔ.

Daniel 10:4

Kekleekle nyɔhiɔ ɔ we ligbi nɛ ji nyingmi enyɔ kɛ eywiɛ ɔ, i daa si ngɛ Tigris pa ngua a tue.

Daniel 7:15

Nina amɛ nɛ i na a wo ye he gbeye, nɛ i hao wawɛɛ nitsɛ.

Daniel 7:2

I na nɛ wo nɔ kɔɔhiɔ nɛ nya wa te ngɛ wo ɔ nɔ, nɛ kɔɔhiɔ ngɛ fiae kɛ je he tsuaa he.

Daniel 8:1

Matsɛ Belshazar yi nɔ jeha etɛne ɔ mi ɔ, i na nina nɔ́ nɛ ji enyɔ.

Daniel 8:3

Benɛ ma hyɛ ɔ, agbosu ko kɛ e yi mi koli enyɔ ji nɛ ɔ nɛ daa si ngɛ pa a tue. Koli ɔmɛ ka gagaaga, se kake ka pe kake, nɛ nɔ́ nɛ ka a kpɛ se kɛ ba.

Mose IV, 12:6

Yawɛ de mɛ ke, “Jehanɛ, nyɛɛ bu mi tue! Ke gbalɔ ko ngɛ nyɛ kpɛti ɔ, ní nami mi nɛ imi Yawɛ, i jeɔ ye he si kɛ tsɔɔ lɛ ngɛ. Nlami mi nɛ i kɛ lɛ tuɔ munyu ngɛ.

Hebribi 1:1

Blema a, Mawu kɛ wa nɛmɛ ɔmɛ tu munyu si abɔ kɛ gu gbali ɔmɛ a nɔ ngɛ blɔ slɔɔtohi babauu a nɔ;

Kpojemi 9:17

Bɔ nɛ i na okpɔngɔ ɔmɛ ngɛ nina mi ji nɛ ɔ nɛ. Okpɔngɔ nɔ hili ɔmɛ wo dama; ekomɛ tsu tsutsuu kaa la; ekomɛ hɛɛ alamua tu su, nɛ ekomɛ hu ngɛ kaa kungwɔ zɔ. Okpɔngɔ ɔmɛ a yi ngɛ kaa jata yi, nɛ la, kɛ la su ku, kɛ la hɛuu ngɛ a nya mi jee.