Daniel 8:15 - BAIBLO ALOO NGMAMI KLƆUKLƆU Ɔ

¹⁵ Benɛ i ngɛ mɔde bɔe kaa ma hla nina a sisi ɔ, tlukaa a, nɔ ko ji nɛ ɔ nɛ ba daa si ngɛ ye hɛ mi.

Daniel 8:15 ပူးပေါင်းရင်းမြစ်များ

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Daniel 10:16

Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Daniel 10:18

Kɛkɛ nɛ nɔ ɔ ta ye he ekohu, nɛ ye he wami ɔ kpale ba.

Daniel 10:5

Benɛ i wo ye yi nɔ ma hyɛ ɔ, nyumu ko ji nɛ ɔ nɛ ha kploba kɛ e mlɛ mi sika tsu mlɛ mi fimi nɔ.

Daniel 12:8

I nu nɔ́ nɛ e de ɔ lɛɛ, se i nui sisi. Lɔ ɔ he ɔ, i bi lɛ ke, “Ye nyɔmtsɛ, i kpa mo pɛɛ, kɛ ní nɛ ɔmɛ tsuo a nyagbe maa ba kɛɛ?”

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Daniel 7:28

Ye sane ɔ nyagbe ji nɛ ɔ nɛ. Se imi Daniel lɛɛ ye tsui po wawɛɛ nitsɛ, nɛ i hao. I ngɔ sane nɛ ɔ kɛ to ye yi mi, nɛ i de we nɔ ko nɔ ko.

Daniel 8:1

Matsɛ Belshazar yi nɔ jeha etɛne ɔ mi ɔ, i na nina nɔ́ nɛ ji enyɔ.

Daniel 8:19

E de mi ke, “Ke Mawu mi mi fu ɔ, nɔ́ nɛ maa nyɛɛ se ɔ, lɔ ɔ ma tsɔɔ mo nɛ ɔ nɛ. Nina a kɔɔ nyagbe be ɔ he.

Zakaria 1:9

I bi Yawɛ bɔfo ɔ ke, “Ye nyɔmtsɛ, okpɔngɔ nɛ ɔmɛ ɔ, mɛni a tsɔɔ?” E he nɔ ke, “Ma tsɔɔ mo.

Mateo 13:36

Benɛ Yesu si ma kpekpemi ɔ, nɛ e ba we mi ɔ, e kaseli ɔmɛ ba e ngɔ ba de lɛ ke, “Abɛ ɔ nɛ kɔɔ hu ɔ nɛ ngɛ ngmɔ ɔ mi ɔ he ɔ, tsɔɔ wɔ sisi.”

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.

Marko 4:12

konɛ ‘Ke a na a, a ko kɔ se, nɛ ke a nu ɔ, a ko nu sisi. Ke pi jã a, a maa kpale kɛ ba Mawu ngɔ, nɛ e kɛ a he yayami ɔmɛ maa pa mɛ.’ ”

Yoshua 5:14

Nyumu ɔ he nɔ ke, “Dɛbi, mohu ɔ, i ba kaa Yawɛ tabo ɔ nyatsɛ.” Kɛkɛ nɛ Yoshua ngɔ e hɛ mi ngɔ bu zugba nɛ e ja lɛ, nɛ e de lɛ ke, “I kpa mo pɛɛ, o tsɔlɔ ji mi. Mɛni o ngɛ hlae nɛ ma pee ha mo?”

Kpojemi 1:13

nɛ nɔ ko kaa Nɔmlɔ Bi ɔ ngɛ a kpɛti. E wo tade klɔii, nɛ e ngɔ kpa nɛ a kɛ sika tsu pee kɛ fi e gugue.

Kpojemi 13:18

Ja ní lelɔ ji mo loko o maa nu nɔ́ nɛ ɔ sisi. Nɔ nɛ ngɛ juɛmi ɔ, e tsɔɔ yibɔ ɔ nɛ daa si ha lohwe awi yelɔ ɔ sisi, ejakaa yibɔ ɔ daa si ha nɔmlɔ biɛ. Yibɔ ɔ ji 666.