Daniel 8:14 - BAIBLO ALOO NGMAMI KLƆUKLƆU Ɔ

¹⁴ I nu nɛ kaketsɛ ɔ ha lɛ heto ke, “Nɔ́ nɛ ɔ maa ya nɔ ligbi akpe kɛ e nya lafa etɛ sɔuu. Jamɛ a be ɔ mi ɔ, a be mɔtu kɛ gbɔkuɛ bɔhi sãe. Lɔ ɔ se loko a ma bɔni ní tsumi ngɛ Yawɛ we ɔ ekohu kaa sa a.”

Daniel 8:14 ပူးပေါင်းရင်းမြစ်များ

Mose I, 1:5

E wo la a biɛ ke “Piani” nɛ e tsɛ diblii ɔ ke “Nyɔ.” Nɛ je jɔ, nɛ je na; nɛ e pee kekleekle ligbi.

Yesaya 1:27

Akɛnɛ dalɔ ji Yawɛ he je ɔ, e ma he Yerusalem yi wami, nɛ nɔ tsuaa nɔ nɛ ngɛ lejɛ ɔ nɛ ma tsake e tsui hu, a ma he e yi wami.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Daniel 12:12

A gbaa ni nɛmɛ nɛ maa ye anɔkuale kɛ yaa si ligbi nɛ ji akpe kɛ e nya lafa etɛ kɛ nyingmi etɛ kɛ enuɔ ɔ!

Daniel 12:7

Bɔfo ɔ wo e nine enyɔ ɔmɛ tsuo a nɔ kɛ tsɔɔ hiɔwe, nɛ e ka kita ngɛ Mawu nɛ ngɛ daa a biɛ mi. I nu nɛ e de ke, “Kɛ yaa si jeha etɛ kɛ fa nɛ a wa Mawu ma a yi mi ta a, kɛkɛ ní nɛ ɔmɛ kulaa maa ba mi.”

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Daniel 8:26

Nina a nɛ kɔɔ gbɔkuɛ kɛ mɔtu bɔ sami ɔmɛ a he nɛ a tsɔɔ mo sisi ɔ maa ba mi. Se amlɔ nɛ ɔ, ngɔɔ kɛ to o yi mi; ejakaa e maa ye be saii loko e maa ba mi.”

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 12:14

Se a ha yo ɔ kɔle nguaa a pɛli enyɔ ɔmɛ, konɛ e kɛ tu fo kɛ ya e hi he ɔ ngɛ nga a nɔ. A maa hyɛ e nɔ ngɛ lejɛ ɔ jeha etɛ kɛ fa, nɛ sinɔ nguaa a nine be e nɔ sue.

Kpojemi 13:5

A ngmɛ lohwe ɔ blɔ nɛ e tu munyu nguahi, kɛ musu bɔmi munyuhi putɛputɛɛ kɛ si Mawu, nɛ a ha lɛ blɔ hulɔ nɛ e kɛ je e he wami kpo nyɔhiɔ nyingmi eywiɛ kɛ enyɔ.