Daniel 8:13 - BAIBLO ALOO NGMAMI KLƆUKLƆU Ɔ

¹³ Kɛkɛ nɛ i nu nɛ bɔfohi enyɔ ngɛ ní sɛɛe. Bɔfo ɔ kake bi e nyɛmi ɔ ke, “Nina nɛ ɔ, mɛni be e maa hi si kɛ yaa si? Hiɔwe tabo ɔ, kɛ Yawɛ we ɔ, mɛni be a maa naa a nɔ kɛ yaa si?”

Daniel 8:13 ပူးပေါင်းရင်းမြစ်များ

La 74:10

Mawu, kɛ yaa si mɛni be lɛ wa he nyɛli ɔmɛ maa muɔ mo? Anɛ a maa gbe o biɛ ɔ he guɛ kɛ maa ya neneene lo?

La 74:9

Wa pa nɛ okadi ko hu; gbalɔ ko gbalɔ ko be hu. Nɔ ko nɔ ko hu li be nɛ nɔ́ nɛ ɔ se maa po.

La 79:5

Yawɛ, mɛni be o mi mi ma fu wɔ kɛ yaa si? O mi mi ma fu wɔ kɛ maa ya neneene lo? Anɛ o mi mi fumi ɔ ma tsa nɔ kaa la nɛ ngɛ tsoe nɛ gbo we lo?

Yesaya 28:18

Ke e ba mi ja a, somi ɔ nɛ nyɛɛ kɛ gbenɔ so ɔ, a maa po mi; nɛ a maa gbɛ kake peemi nɛ ngɛ nyɛɛ kɛ gbeje nyɛ kpɛti ɔ. Haomi nɛ maa ba a, nyɛ be nya nyɛe maa da.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Yesaya 63:18

Wɔ o ma klɔuklɔu ɔ, wa hi o he klɔuklɔu ɔ be bɔɔ, kɛkɛ nɛ wa he nyɛli ba ywia o ma a!

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yeremia 12:10

Ma nɔ yeli babauu ba puɛ ye wai ngmɔ ɔ; a ba naa ye ngmɔ ɔ nɔ, nɛ ye zugba saminyayoo ɔ plɛ pee nga kplanaa.

Daniel 11:31

Ta buli nɛ e wo blɔ ɔ ma ya sɛ Yawɛ we ɔ, kɛ mɔ ɔ mi, nɛ a ma ble lejɛ ɔ. A maa jɔɔ daa ligbi bɔ ɔmɛ sami, nɛ a maa ngɔ amaga ko nɛ he ngɛ gbeye kɛ ya ma Yawɛ we ɔ.

Daniel 12:11

“Kɛ je be nɛ a maa gu daa ligbi bɔ sami ɔ, nɛ a maa ngɔ amaga a nɛ he ngɛ gbeye ɔ kɛ ya ma Yawɛ we ɔ he nɛ ya hiɔwe pe lɛ tsuo ɔ, ligbi akpe kɛ e nya lafa enyɔ kɛ nyingmi nɛɛ maa be.

Daniel 12:8

I nu nɔ́ nɛ e de ɔ lɛɛ, se i nui sisi. Lɔ ɔ he ɔ, i bi lɛ ke, “Ye nyɔmtsɛ, i kpa mo pɛɛ, kɛ ní nɛ ɔmɛ tsuo a nyagbe maa ba kɛɛ?”

Daniel 4:10

“Benɛ i hwɔ mahe ɔ, i na nina ko. I na nɛ tso ngua ko ba ma si ngɛ zugba a kpɛti.

Daniel 4:13

“Benɛ i ngɛ nina a he susue ɔ, i na Mawu bɔfo ko nɛ kple si kɛ je hiɔwe kɛ ma. E nɔ tsɔ, nɛ kikɛ nɛ ɔ e hɛngmɛ ngɛ si poe.

Daniel 4:23

Benɛ mo nɛnɛ, o ngɛ nɔ́ nɛ ɔ hyɛe ɔ, bɔfo ko kple si kɛ je hiɔwe, nɛ e ba de ke, ‘Nyɛɛ hɛ tso ɔ kɛ fɔ si, nɛ nyɛ kpata e hɛ mi. Se kɛ̃ ɔ, nyɛ si tso kpoku ɔ ngɛ zu ɔ mi. Nyɛɛ ngɔ kpa nɛ a kɛ dade kɛ akɔblee pee kɛ fi lɛ, nɛ nyɛ si lɛ ngɛ nga a nɔ ngɛ lejɛ ɔ. Nyɛ ha bɔ́ nɛ nɛ kɛ pue nyumu nɛ ɔ nɔ, nɛ e kɛ pu mi lohwehi nɛ a hi si, nɛ e kɛ mɛ nɛ ye ní jeha kpaago.’

Daniel 7:16

I ho ya na ni nɛmɛ nɛ daa si ngɛ lejɛ ɔ a ti nɔ kake, nɛ i de lɛ ke e tsɔɔ mi ní nɛ ɔmɛ tsuo a sisi. Nɛ e pee ja.

Daniel 7:23

Bɔ nɛ a tsɔɔ mi enɛ ɔ sisi ha ji nɛ ɔ nɛ: “Lohwe eywiɛne ɔ ji matsɛ yemi eywiɛne ko nɛ maa ba je ɔ mi; e maa slo lɛ ngɛ matsɛ yemi kpa amɛ a he. E ma kpata je ɔ tsuo hɛ mi, nɛ e maa naa e nɔ.

Daniel 9:27

Matsɛ nɛ ɔ kɛ nihi babauu maa so, nɛ a ma ka a he kita kɛ yaa si jeha kpaago. Se jeha kpaago ɔ kpɛti ɔ, e maa gu bɔ sami, kɛ nike ní hami. A maa ngɔ amaga ko nɛ he ngɛ gbeye kɛ ya ma Yawɛ we ɔ he nɛ ya hiɔwe pe lɛ tsuo ɔ. Nɛ e maa hi lejɛ ɔ kɛ yaa si be nɛ nɔmlɔ nɛ ble Yawɛ we ɔ kikɛ nɛ ɔ ma na e tue gblami nɛ Mawu to ngɔ ha lɛ ɔ.”

Zakaria 1:19

Kɛkɛ nɛ i bi Yawɛ bɔfo ɔ nɛ kɛ mi tu munyu ɔ ke, “Koli nɛ ɔmɛ ɔ, mɛni a tsɔɔ?” E he nɔ ke, “Mɛ ji je ɔ mi he wami ɔmɛ nɛ gbɛ Yuda, Israel, kɛ Yerusalem bi ɔmɛ fĩa a nɛ.”

Zakaria 14:5

Nyɛ maa tu fo kɛ maa gu kɔ̃ ɔ nɛ gba yo ɔ mi enyɔ ɔ mi, ejakaa kɔ̃ ɔ nɛ gba Yawɛ yo ɔ mi enyɔ ɔ ma ya su Azal tɔɔ. Nyɛ maa tu fo kaa bɔ nɛ nyɛ pee blema ngɛ Yuda matsɛ, Uzia yi nɔ, benɛ zugba mimiɛ ɔ. Yawɛ, ye Mawu ɔ maa ba kɛ ni klɔuklɔu ɔmɛ tsuo.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Mateo 24:15

“Nyɛ maa na ‘Ni hiemi nɔ́ ngua a’ nɛ gbalɔ Daniel tu he munyu ɔ nɛ maa si ngɛ he klɔuklɔu ɔ. (Ni kanelɔ ɔ nɛ kɔ se!)

Marko 13:14

“Ke nyɛ na nɛ ‘He hiami ngua a’ nɛ ɔ ba su he nɛ e sɛ́ kaa e baa a (nɔ nɛ ngɛ kanee ɔ nɛ kɔ se), lɛɛ nihi nɛ ngɛ Yudea a, a tu fo kɛ ya yo ɔmɛ a nɔ.

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

1 Tesalonikabi 3:13

Nɛ e wo nyɛ he wami, nɛ nyɛɛ kɛ tsui nɛ he tsɔ nɛ ba nyɛ je mi bɔ nɛ piami ko be nyɛ he hie ngɛ wa Tsɛ Mawu ɔ hɛ mi be mi nɛ wa Nyɔmtsɛ Yesu kɛ e ni klɔuklɔu ɔmɛ tsuo maa ba a.

Hebribi 10:29

Lɛɛ nɔ ko nɛ hia nane kɛ si Mawu Bi ɔ, nɛ Kristo muɔ nɛ a kɛ sɔu somi ɔ nya kɛ tsu e he ɔ, e buu lɛ kaa yaka nɔ́ ko kɛkɛ, nɛ jehanɛ hu, e wo Mawu mumi ɔ mi mi la a, kɛ a maa pee lɛ kɛɛ? Anɛ e sɛ́ kaa a gblaa e tue wawɛɛ pe jã lo?

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Yuda 1:14

Henok, Adam nina tutuutu ekpane ɔ, nɔ́ nɛ e gba blema lokoo ngɛ nimli nɛ ɔmɛ a he ji nɛ ɔ nɛ: “Nyɔmtsɛ ɔ ma kɛ e bɔfo klɔuklɔuhi akpeakpe abɔ.

Kpojemi 11:2

Se kue ɔ nɛ ngɛ sɔlemi we ɔ we agbo ɔ nya a lɛɛ ko susu. Si lɔ ɔ, ejakaa a ngɔ kɛ ha je ma amɛ, nɛ a ma si ako ngɛ ma klɔuklɔu ɔ mi nyɔhiɔ nyingmi eywiɛ kɛ enyɔ.

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Manyadali 13:18

Se Yawɛ bɔfo ɔ bi lɛ ke, “Mɛni he je o ngɛ hlae nɛ o le ye biɛ? Ye biɛ ɔ, e ji nyakpɛ biɛ.”