Daniel 7:9 - BAIBLO ALOO NGMAMI KLƆUKLƆU Ɔ

⁹ Benɛ i ngɛ nɔ́ nɛ ɔ hyɛe kɛ mwɔɔ ɔ, a kɛ matsɛ sɛhi ba ma si, nɛ nɔ nɛ ngɛ daa a ba hi si ngɛ kake nɔ. E tade hiɛ futaa kaa snoo, nɛ e yi bwɔmi ngɛ kaa to he bwɔmi ngmingmiingmi. E matsɛ sɛ ɔ, kɛ tlɔɔke nane ɔ nɛ sɛ ɔ maa si ngɛ nɔ ɔ tsuo ngɛ tsoe gegeege.

Daniel 7:9 ပူးပေါင်းရင်းမြစ်များ

Matsɛmɛ I, 22:19

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

Kronika II, 18:18

Mikaya ya nɔ nɛ e de ke, “Lɔ ɔ he ɔ, moo bu nɔ́ nɛ Yawɛ de ɔ tue! I na Yawɛ nɛ hii si ngɛ e sɛ ɔ nɔ ngɛ hiɔwe, nɛ e bɔfo ɔmɛ tsuo daa si kɛ bɔle lɛ kɛ kpe.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

La 90:2

Benɛ o na we nɛ o bɔ yo ɔmɛ; benɛ o na we nɛ o bɔ je ɔ, mo ji Mawu nɛ ngɛ kɛ je neneene kɛ yaa si neneene.

La 93:2

Yawɛ, o matsɛ sɛ ɔ ngɛ kɛ je blema lokoo; mo nitsɛ hu o ngɛ kɛ je neneene.

Yesaya 6:1

Jeha a nɛ Matsɛ Uzia gbo ɔ, i na Nyɔmtsɛ ɔ nɛ hii si ngɛ e matsɛ sɛ gojoo ko nɔ. E tade klɔii ɔ nya wuyaa a hyi Yawɛ we ɔ tsuo.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yeremia 49:38

Ma kpata a matsɛmɛ ɔmɛ, kɛ ma nimeli ɔmɛ a hɛ mi, nɛ ma to imi nitsɛ ye matsɛ yemi sisi ngɛ lejɛ ɔ.

Ezekiel 1:26

Ke o hyɛ ɔ, nɔ́ ko kaa matsɛ sɛ nɛ hɛɛ tɛ bluu su ngɛ nɔ́ mluguduu ɔ nɔ́, nɛ nɔ́ ko nɛ ngɛ kaa nɔmlɔ hii si ngɛ matsɛ sɛ ɔ nɔ.

Daniel 7:13

Enɛ ɔ se, nyɔ mi benɛ i ngɛ ní nɛ ɔmɛ hyɛe kɛ mwɔɔ ɔ, i na nɔ́ ko kaa nɔmlɔ adesa nɛ nyɛɛ bɔku mi kɛ ma ye ngɔ. E be kɛ ho nɔ nɛ ngɛ daa a ngɔ ya, nɛ a kɛ lɛ tsɔɔ nɔ nɛ ngɛ daa a.

Daniel 7:22

Pee se ɔ, nɔ nɛ ngɛ daa a ba, nɛ e ba wo Hiɔwe No ɔ we ni klɔuklɔu ɔmɛ nguɔ. Be ba su nɛ Mawu ni klɔuklɔu ɔmɛ a nine ba su matsɛ yemi ɔ nɔ.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Mateo 28:3

E hɛ mi ngɛ kpɛe kaa oslabai la, nɛ e tade ɔ hu hiɛ futafuta kaa kalo.

Marko 9:3

E tade ɔmɛ kpɛ nɛ a hiɛ futafuta bɔ nɛ níhi a he fɔlɔ ko be je nɛ ɔ mi nɛ ma nyɛ ha a hiɛ ja.

Ni Tsumi 2:30

Gbalɔ ji lɛ, nɛ si nɛ Mawu wo lɛ ɔ, e le. Mawu wo David si kaa e ma ha e nina ma ba ye tsɛ kaa bɔ nɛ lɛ David ɔ ye tsɛ ɔ.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

1 Yohane 1:5

Jehanɛ, sɛ gbi nɛ wa nu kɛ je e Bi ɔ nya, nɛ wɔ hu wa ngɛ fiɛe ɔ ji kaa Mawu su ngɛ kaa la, nɛ diblii ko kulaa be e mi.

Kpojemi 1:14

E yi bwɔmi hiɛ futaa kaa to he bwɔmi hiɔ, loo snoo; nɛ e hɛngmɛ ngɛ kpɛe plamplam kaa la.

Kpojemi 19:18

Nyɛɛ ba nɛ nyɛ ba ye matsɛmɛ, asafoatsɛmɛ, ta buli, kɛ okpɔngɔhi kɛ a nɔ hili a lo. Nyɛɛ ba nɛ nyɛ ba ye nimli tsuo a lo, nyɔguɛ, kɛ odehe, nimli wawi, kɛ nimli nguahi!”

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Kpojemi 4:2

Amlɔ ɔ, mumi ɔ ba ye nɔ. Nɛ hyɛ, matsɛ sɛ ko ji nɛ ɔ ngɛ hiɔwe nɛ nɔ ko hii si ngɛ nɔ.