Daniel 7:6 - BAIBLO ALOO NGMAMI KLƆUKLƆU Ɔ

⁶ Benɛ i ngɛ nɔ́ nɛ ɔ hyɛe ɔ, lohwe kpa ko hu ba hia si. Lohwe nɛ ɔ lɛɛ e ngɛ kaa ngatsɛ, se pɛli eywiɛ ngɛ e se mi kaa lohwe pɛlitsɛ. E ngɛ yi eywiɛ, nɛ ke o hyɛ lɛ ɔ, e ngɛ kaa nɔ ko nɛ hɛɛ blɔ nya nguaa ko.

Daniel 7:6 ပူးပေါင်းရင်းမြစ်များ

Ezekiel 17:3

nɛ o de mɛ ke bɔ nɛ imi Nyɔmtsɛ Yawɛ i ngɛ dee ji nɛ ɔ nɛ: Kɔle agbo ko hi si. E ngɛ pɛli agbohi, kɛ tsɛli pinopino nɛ hɛɛ asasa su. Ligbi ko ɔ, kɔle ɔ te kɛ ba Lebanon yo ɔmɛ a nɔ, nɛ e ba ma seda tso ko yi mi. E kplɔ tso ɔ he kɔnihi nɛ e je ɔ yi mi mlɔmlɔɔmlɔ ɔ.

Daniel 10:20

Kɛkɛ nɛ e de mi ke, “Anɛ o le nɔ́ nɛ he je nɛ i ba o ngɔ ɔ? I ba konɛ ma ba tsɔɔ mo nɔ́ nɛ a ngma ngɛ anɔkuale womi ɔ mi. Amlɔ nɛ ɔ, ma kpale ye se, nɛ i kɛ ganɔ ɔ nɛ buu Persia he ɔ ma ya hwu ta. Pee se ɔ, ganɔ ɔ nɛ buu Hela he ɔ maa ba. Nɔ ko nɔ ko be nɛ maa piɛ ye he, pe ganɔ ɔ nɛ buu Israel he, nɛ a tsɛɛ lɛ Mikael ɔ kɛkɛ.

Daniel 2:39

O se ɔ, matsɛ yemi kpa maa ba, se jamɛ a matsɛ yemi ɔ, kɛ o nɔ́ ɔ be sɔe. Matsɛ yemi etɛne maa ba ngɛ lɔ ɔ se. Lɛ ji amaga a mlɛ mi ɔ nɛ a kɛ akɔblee pee ɔ nɛ, nɛ e maa ye je ɔ tsuo nɔ.

Daniel 7:4

Kekleekle lohwe ɔ ngɛ kaa jata, se e pɛlihi lɛɛ a ngɛ kaa kɔle pɛlihi. Benɛ i ngɛ lɛ hyɛe kɛ mwɔɔ ɔ, a ba kplɔ e pɛli ɔmɛ ngɛ e he. Jehanɛ, a wo lohwe ɔ nɔ ngɛ zugba; a kɛ lɛ da si ngɛ e nanehi a nɔ kaa nɔmlɔ, nɛ a ha lɛ nɔmlɔ juɛmi.

Daniel 7:5

Lohwe enyɔne ɔ ngɛ kaa osisiblisi nɛ daa si ngɛ e se nane enyɔ ɔmɛ a nɔ. Kasa wu etɛ ngɛ e lungu kpɛ ngɛ e nya mi. Kɛkɛ nɛ gbi ko de lɛ ke, “Tee si, nɛ o ye lo bɔ nɛ o ma nyɛ!”

Hosea 13:7

Lɔ ɔ he ɔ, ma ba tua nyɛ kaa jata. Ma wo nyɛ ka ngɛ blɔ he kaa ngatsɛ.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.