Daniel 7:5 - BAIBLO ALOO NGMAMI KLƆUKLƆU Ɔ

⁵ Lohwe enyɔne ɔ ngɛ kaa osisiblisi nɛ daa si ngɛ e se nane enyɔ ɔmɛ a nɔ. Kasa wu etɛ ngɛ e lungu kpɛ ngɛ e nya mi. Kɛkɛ nɛ gbi ko de lɛ ke, “Tee si, nɛ o ye lo bɔ nɛ o ma nyɛ!”

Daniel 7:5 ပူးပေါင်းရင်းမြစ်များ

Matsɛmɛ II, 2:24

Elisha plɛ hyɛ mɛ, nɛ e tsɛ Yawɛ biɛ kɛ gbiɛ mɛ. Kɛkɛ nɛ osisiblisi eyo enyɔ je nga mi kɛ ba, nɛ a ba tsɔtslɔɔ jokuɛwi nyumuwi ɔmɛ a kpɛti nimli nyingmi eywiɛ kɛ enyɔ a mi.

Abɛ Womi 17:12

Afani nɔ́ nɛ o kɛ osisiblisi nɛ a nuu e bimɛ maa kpe, pe nɔ́ nɛ o kɛ kuasia nɛ ngɛ biɛe maa kpe.

Yesaya 56:9

Yawɛ de je ma amɛ nɛ je ma se ɔ ke á ba kaa lohwe dikali, nɛ a ba tsɔtslɔɔ e ma mi bi ɔmɛ a mi.

Daniel 11:2

Jehanɛ, nɔ́ nɛ ma de mo nɛ ɔ, e ji anɔkuale.” Bɔfo ɔ de ke, “Matsɛmɛ kpahi etɛ ma ba ye Persia nɔ. A se ɔ, matsɛ eywiɛne maa ba, nɛ lɛɛ e ma na ní babauu pe mɛ tsuo kulaa. Nɛ ke be nɛ e ní nami ɔ ba ha nɛ e he wami ba he si ɔ, e maa te si kɛ wo Hela matsɛ yemi ɔ.

Daniel 2:39

O se ɔ, matsɛ yemi kpa maa ba, se jamɛ a matsɛ yemi ɔ, kɛ o nɔ́ ɔ be sɔe. Matsɛ yemi etɛne maa ba ngɛ lɔ ɔ se. Lɛ ji amaga a mlɛ mi ɔ nɛ a kɛ akɔblee pee ɔ nɛ, nɛ e maa ye je ɔ tsuo nɔ.

Daniel 5:28

PARSIN: a dla o matsɛ yemi ɔ mi; a ngɔ fa kɛ ha Media bi, nɛ a kɛ fa hu ha Persia bi.”

Daniel 7:4

Kekleekle lohwe ɔ ngɛ kaa jata, se e pɛlihi lɛɛ a ngɛ kaa kɔle pɛlihi. Benɛ i ngɛ lɛ hyɛe kɛ mwɔɔ ɔ, a ba kplɔ e pɛli ɔmɛ ngɛ e he. Jehanɛ, a wo lohwe ɔ nɔ ngɛ zugba; a kɛ lɛ da si ngɛ e nanehi a nɔ kaa nɔmlɔ, nɛ a ha lɛ nɔmlɔ juɛmi.

Daniel 7:6

Benɛ i ngɛ nɔ́ nɛ ɔ hyɛe ɔ, lohwe kpa ko hu ba hia si. Lohwe nɛ ɔ lɛɛ e ngɛ kaa ngatsɛ, se pɛli eywiɛ ngɛ e se mi kaa lohwe pɛlitsɛ. E ngɛ yi eywiɛ, nɛ ke o hyɛ lɛ ɔ, e ngɛ kaa nɔ ko nɛ hɛɛ blɔ nya nguaa ko.

Hosea 13:8

Ma ba tua nyɛ kaa osisiblisi nɛ a nu e bimɛ. Ma fɛ nyɛ mi, nɛ ma ye lo ɔ ngɛ lejɛ ɔ nɔuu kaa jata; ma tsɔtslɔɔ nyɛ mi kaa bɔ nɛ lohwe dikalɔ peeɔ ɔ.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.