Daniel 7:28 - BAIBLO ALOO NGMAMI KLƆUKLƆU Ɔ

²⁸ Ye sane ɔ nyagbe ji nɛ ɔ nɛ. Se imi Daniel lɛɛ ye tsui po wawɛɛ nitsɛ, nɛ i hao. I ngɔ sane nɛ ɔ kɛ to ye yi mi, nɛ i de we nɔ ko nɔ ko.

Daniel 7:28 ပူးပေါင်းရင်းမြစ်များ

Mose I, 37:10

E ya bɔ e tsɛ hu nlami nɛ ɔ, nɛ e tsɛ ka e hɛ mi ke, “Mɛni nlami ji nɛ ɔ? Lɛɛ tse i kɛ o nyɛ kɛ o nyɛmimɛ ɔmɛ ma ba kpla si ha mo lo?”

Mose I, 37:11

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.

Daniel 10:16

Tlukaa a, nɔ ko nɛ ngɛ kaa nɔmlɔ ta ye nya he. Kɛkɛ nɛ i pa ye nya mi nɛ i tu munyu. I de nɔ nɛ daa si ngɛ ye kasa nya a ke, “Ye nyɔmtsɛ, nina nɛ ɔ ha nɛ ye he mi po, nɛ i gbɔjɔ.

Daniel 10:8

nɛ e piɛ imi nɔ kake too. Benɛ i na nyakpɛ nina nɛ ɔ, ye he wami ta, nɛ i gbɔjɔ. Ye hɛ mi tsake amlɔ bɔ nɛ nɔ ko be ye mi tso lee.

Daniel 11:27

Lɔ ɔ se ɔ, matsɛmɛ enyɔ nɛ ɔmɛ maa hi si ngɛ okplɔɔ kake he, nɛ a maa ye ní. A ma susu ní yayahi a he, nɛ a maa ye a sibi lakpa. Se nɔ́ nɛ a ngɛ hlae ɔ, a nine be nɔ sue; ejakaa be nɛ a to ɔ, be ɔ sui lolo.

Daniel 12:13

“Mo Daniel, ye anɔkuale kɛ yaa si nyagbe. O ma ba gbo, se o maa te si ekohu, nɛ nyagbe ligbi ɔ, o nine maa su o blɔ fa mi nɔ́ ɔ nɔ.”

Daniel 12:9

E he nɔ ke, “Daniel, amlɔ nɛ ɔ, yaa. Ejakaa munyu nɛ ɔmɛ ɔ, a kɛ maa to, nɛ a maa laa nɔ kɛ yaa si nyagbe be ɔ.

Daniel 4:16

Á tsake e juɛmi ngɔ pee lohwe juɛmi, nɛ e hi si kaa kikɛ nɛ ɔ jeha kpaago.

Daniel 4:19

Benɛ Daniel, nɛ a tsɛɛ lɛ Belteshazar hulɔ ɔ nu munyu nɛ ɔ, e he mi po. E pee dii nɛ e susu e yi mi be saii. Kɛkɛ nɛ matsɛ ɔ de lɛ ke, “Belteshazar, ko ha nɛ nlami ɔ, loo nlami ɔ sisi tsɔɔmi ɔ nɛ hao mo.” Belteshazar he nɔ ke, “Nɛnɛ, i ná nɛ nlami nɛ ɔ kɛ e sisi tsɔɔmi ɔ kɔɔ o he nyɛli, kɛ nihi nɛ nyɛɛ mo ɔ mohu a he, se pi mo.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Daniel 7:15

Nina amɛ nɛ i na a wo ye he gbeye, nɛ i hao wawɛɛ nitsɛ.

Daniel 8:1

Matsɛ Belshazar yi nɔ jeha etɛne ɔ mi ɔ, i na nina nɔ́ nɛ ji enyɔ.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Daniel 8:19

E de mi ke, “Ke Mawu mi mi fu ɔ, nɔ́ nɛ maa nyɛɛ se ɔ, lɔ ɔ ma tsɔɔ mo nɛ ɔ nɛ. Nina a kɔɔ nyagbe be ɔ he.

Daniel 8:27

Imi Daniel ɔ, ye he mi po, nɛ i nu hiɔ ligbi babauu. Pee se ɔ, i te si nɛ i ho ya tsu ní tsumi nɛ matsɛ ɔ ha mi ke ma tsu ɔ. Se kɛ̃ ɔ, nina a gba ye juɛmi nya, nɛ i nui sisi.

Marko 9:15

Benɛ ni ɔmɛ na Yesu ɔ, e pee mɛ nyakpɛ, nɛ a sa fo kɛ ba e ngɔ ba fɔ lɛ.

Luka 2:19

Maria kɛ munyu nɛ ɔmɛ to e yi mi, nɛ e susuɔ he be tsuaa be.

Luka 2:51

Yesu kɛ mɛ kpale a se kɛ ho Nazaret ya, nɛ e ba e he si ha mɛ. E nyɛ kɛ ní nɛ ɔmɛ tsuo to e yi mi, nɛ e susuɔ he be tsuaa be.

Luka 9:44

“Nɔ́ nɛ ma de nyɛ nɛ ɔ, nyɛɛ bu tue saminya! A maa ngɔ Nɔmlɔ Bi ɔ kɛ wo nihi nɛ he wa a dɛ mi.”