Daniel 7:24 - BAIBLO ALOO NGMAMI KLƆUKLƆU Ɔ

²⁴ Koli nyɔngma amɛ ji matsɛmɛ nyɔngma komɛ nɛ ma ba te si ngɛ jamɛ a matsɛ yemi ɔ mi. A se ɔ, matsɛ kpa ko maa te si; e maa slo lɛ ngɛ kekleekle ni ɔmɛ a he, nɛ e ma kpata matsɛmɛ etɛ a hɛ mi.

Daniel 7:24 ပူးပေါင်းရင်းမြစ်များ

Daniel 7:20

Jehanɛ, i bi koli nyɔngma amɛ nɛ ngɛ lohwe ɔ yi mi ɔ a he sane. Koli kaketsɛ ɔ nɛ ba pee se, nɛ ha nɛ koli etɛ ɔmɛ hia pue si ɔ, lɛ hu i bi he sane. Koli nɛ ɔ ngɛ hɛngmɛhi, kɛ nya nɛ e ngɛ munyu tue putɛputɛɛ. E he ngɛ gbeye pe koli ɔmɛ tsuo.

Kpojemi 13:1

Jehanɛ ɔ, i na lohwe awi yelɔ ko nɛ je wo ɔ mi kɛ ma. E ngɛ koli nyɔngma, kɛ yi kpaago. Jlasi ngɛ koli tsuaa koli he, nɛ a ngma biɛ nɛ ji musu bɔmi munyuhi kɛ si Mawu ngɛ yi tsuaa yi he.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Kpojemi 17:3

Mumi ɔ ba ye nɔ, nɛ bɔfo ɔ ngɔ mi kɛ ho nga nɔ ya. Kɛkɛ nɛ i na yo ko nɛ hii si ngɛ lohwe awi yelɔ tsutsuu ko nɔ. A ngma biɛhi fuu kɛ tu musu bɔmi munyuhi kɛ si Mawu ngɛ lohwe ɔ he tsuo. Lohwe ɔ ngɛ yi kpaago, kɛ koli nyɔngma.

Kpojemi 12:3

Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Daniel 7:23

Bɔ nɛ a tsɔɔ mi enɛ ɔ sisi ha ji nɛ ɔ nɛ: “Lohwe eywiɛne ɔ ji matsɛ yemi eywiɛne ko nɛ maa ba je ɔ mi; e maa slo lɛ ngɛ matsɛ yemi kpa amɛ a he. E ma kpata je ɔ tsuo hɛ mi, nɛ e maa naa e nɔ.

Daniel 2:41

O na hu kaa amaga a nanewɛɛhi, kɛ nane nguɛ ɔmɛ ɔ, a kɛ zu pee fa, nɛ fa hu a kɛ dade pee. Nɔ́ nɛ ɔ tsɔɔ kaa matsɛ yemi nɛ ɔ mi ma gba. Se kɛ̃ ɔ, e he fa he maa wa kaa dade, ejakaa dade kɛ zu lɛ futu ɔ nɛ.