Daniel 7:18 - BAIBLO ALOO NGMAMI KLƆUKLƆU Ɔ

¹⁸ Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Daniel 7:18 ပူးပေါင်းရင်းမြစ်များ

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Kpojemi 5:10

O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Daniel 7:22

Pee se ɔ, nɔ nɛ ngɛ daa a ba, nɛ e ba wo Hiɔwe No ɔ we ni klɔuklɔu ɔmɛ nguɔ. Be ba su nɛ Mawu ni klɔuklɔu ɔmɛ a nine ba su matsɛ yemi ɔ nɔ.

La 45:16

Mo matsɛ, o ma na nina babauu nɛ ma ba ye ganɔ ngɛ o nɛmɛ ɔmɛ a nane mi, nɛ o ma ha a maa ye tsɛ ngɛ je ɔ mi tsuo.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

Luka 1:33

E maa ye matsɛ ngɛ Israel ma a nɔ kɛ maa ya neneene; e matsɛ yemi ɔ se be poe gblegbleegble!”

1 Korintobi 6:2

Anɛ nyɛ li kaa ni klɔuklɔu ɔmɛ lɛ maa kojo je ɔ lo? Saminya! Ke nyɛ lɛ nyɛ maa kojo je ɔ, lɛɛ sane wawi kojomi pi nɔ́ ko kulaa ha nyɛ.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

La 49:14

a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

Yesaya 14:2

Je ma amɛ maa ngɔ Israel bi ɔmɛ kɛ ba zugba nɛ Yawɛ ha mɛ ɔ nɔ ekohu, nɛ a ma ba sɔmɔ mɛ kaa nyɔguɛhi. Nihi nɛ nuu Israel nyɔguɛ sa a, jehanɛ lɛɛ Israel hu maa ye a nɔ.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Daniel 7:17

E de mi ke, “Lohwe agboagbo eywiɛ nɛ ɔmɛ ji matsɛmɛ eywiɛ komɛ nɛ ma ba te si ngɛ je ɔ mi.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Obadia 1:17

“Se a ma he ni komɛ a yi wami ngɛ Zion yo ɔ nɔ, nɛ lejɛ ɔ maa pee klɔuklɔu. Yakob we ɔ nine maa su a blɔ fa mi ní ɔmɛ a nɔ ekohu.” Mawu lɛ de.