Daniel 6:7 - BAIBLO ALOO NGMAMI KLƆUKLƆU Ɔ

⁷ Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Daniel 6:7 ပူးပေါင်းရင်းမြစ်များ

La 59:3

Yawɛ, hyɛ kaa dikali bua a he nya, konɛ a kpata ye hɛ mi, pohu i pee we yayami ko.

Daniel 3:27

Matsɛ ɔ, amlaalo ɔmɛ, ganɔ ɔmɛ, wɛtsoyi ɔmɛ, kɛ ga woli ɔmɛ tsuo ba bua a he nya, konɛ a ba hyɛ ni etɛ nɛ ɔmɛ nɛ la a pee we mɛ nɔ́ ko ɔ. A na kaa a yi bwɔmi ngla we, a tade ɔmɛ sɛ̃ ngɛ a he, nɛ la su ku po ji fu ngɛ a he.

Daniel 3:6

Nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.”

Daniel 3:2

Matsɛ Nebukadnezar tsɔ nɛ a ya kpee ma ní tsuli ɔmɛ tsuo kɛ ba. Mɛ ji nɛ ɔmɛ nɛ: amlaalohi kɛ ganɔhi, wɛtsoyihi kɛ ga woli; sika toli, kojoli, mlaa tsɔɔli, kɛ kpokpa amɛ a nɔ nikɔtɔmahi. A kpee mɛ kɛ ba, konɛ a ba nya amaga a nɛ Matsɛ Nebukadnezar puɛ ngɔ ma si ɔ he.

La 62:4

E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

Yohane 12:10

Enɛ ɔ he ɔ, osɔfo nikɔtɔma amɛ ya so nɛ a maa gbe Lazaro hulɔ,

Marko 15:1

Mɔtu mla a, osɔfo nikɔtɔma amɛ, ma nimeli ɔmɛ, mlaa tsɔɔli ɔmɛ, kɛ kpe ngua a tsuo ya da, nɛ a fi Yesu; nɛ a kɛ lɛ ya ha Pilato.

Mateo 26:4

nɛ a ya so bɔ nɛ a maa pee kɛ nu Yesu ga mi, nɛ a gbe lɛ.

Mateo 12:14

Enɛ ɔ he ɔ, Farisi bi ɔmɛ je kpo, nɛ a ya so Yesu yi nɔ, bɔ nɛ a maa pee nɛ a kpata e hɛ mi.

La 10:9

E buɔ si ngɛ e laami he ɔ kaa jata ngɛ e muɔ mi. E woɔ ka nɛ e nuu nihi nɛ a ní ngɛ mɔbɔ. Ke e nine su a nɔ kɛkɛ e gbla mɛ kɛ ho.

Nahum 2:12

Jata ku ɔ ya gbe de lo, nɛ e tsɔtslɔɔ mi kɛ ha jata yo ɔ, kɛ e bi ɔmɛ; lo ɔ hyi e hi he ɔ tɔ.

Mika 6:5

Ye ma, nyɛ kai nɔ́ nɛ Moab matsɛ, Balak to nɛ e maa pee nyɛ, kɛ heto nɛ Beor binyumu Balaam ha lɛ. Nyɛ kai níhi nɛ ba ngɛ blɔ nɔ kɛ je nyɛ si tomi he ɔ ngɛ Shitim kɛ ya Gilgal ɔ. Nyɛ kai ní nɛ ɔmɛ, konɛ nyɛɛ na bɔ nɛ i pee kɛ he nyɛ yi wami.” Yawɛ lɛ de.

Daniel 3:11

O de hu ke nɔ nɛ be si kplae nɛ e ja amaga nɛ ɔ, a sake lɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi.

La 94:20

Kojoli nɛ yi dami sane, kɛ ni nɛmɛ nɛ woɔ mlaa yaya a, anɛ o kɛ mɛ maa bɔ lo?

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

La 83:5

Ee, a pee kake kɛ wo o he; mɛ tsuo a so kɛ wo o he:

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

La 59:5

Yawɛ Tabohiatsɛ Mawu, mo ji Israel Mawu ɔ nɛ! Tee si nɛ o ba gbla je ma amɛ a tue. Yiwutsotsɛmɛ nɛ ngɛ yi mi yaya toe ɔ, koo na mɛ mɔbɔ.

Daniel 2:4

Nyɔhiɔ mi hyɛli ɔmɛ kɛ matsɛ ɔ tu munyu ngɛ Aram gbi mi ke, “Nɛnɛ, o yi nɛ na wami kɛ ya neneene! Wa kpa mo pɛɛ, moo sɛɛ o nlami ɔ ha wɔ, konɛ waa tsɔɔ mo sisi.”

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”