Daniel 6:4 - BAIBLO ALOO NGMAMI KLƆUKLƆU Ɔ

⁴ Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Daniel 6:4 ပူးပေါင်းရင်းမြစ်များ

1 Petro 3:16

Se nyɛɛ pee enɛ ɔ kɛ bu, nɛ nyɛ ko nyɛ a nɔ. Nyɛɛ hi si saminya, nɛ nyɛ he nile ko bu nyɛ fɔ. Ke nyɛ pee jã a, nyɛ je mi bami kpakpa kaa Kristo se nyɛɛli ɔ ma ha zo maa gbe nihi nɛ tuɔ munyu yaya kɛ siɔ nyɛ ɔ.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

1 Petro 2:12

Nyɛɛ ba nyɛ je mi saminya ngɛ ma je li ɔmɛ a kpɛti. Ke nyɛ pee jã, nɛ a po nyɛ nya kaa yayami peeli ji nyɛ po, kpakpa nɛ nyɛ ngɛ pee ɔ, a maa na. Kɛkɛ ɔ, ligbi ɔ nɛ Mawu ma ba kojo je ɔ, a maa wo e hɛ mi nyami.

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.

Tito 2:8

Munyu nɛ maa je o nya a, e pee munyu kpakpa nɛ a be he nɔ́ yaya ko nae nɛ a de. Kɛkɛ ɔ, ke nihi nɛ teɔ si woɔ wɔ ɔ nɛ́ nɔ́ yayami ko nɛ a de ngɛ wa he ɔ, zo maa gbe mɛ.

Mateo 27:18

E le kaa Yuda nimeli ɔmɛ ngɔ Yesu ngɔ ha, ejakaa a nyɛ lɛ kaa e biɛ he si.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

1 Timoteo 5:14

Lɔ ɔ he ɔ, ma suɔ mohu kaa yalɔyihi nɛ wɛ lolo ɔ, a gba nɛ a fɔ bimɛ; nɛ a hyɛ a we nɔ saminya, konɛ wa he nyɛli ko na he blɔ ko kulaa kɛ tu munyu yaya kɛ si wɔ.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Abɛ Womi 29:27

Bɔ nɛ yiwutsotsɛ sume nɔ nɛ peeɔ nɔ́ nɛ da sane ɔ, jã kɛ̃ nɔ nɛ peeɔ nɔ́ nɛ da hu sume yiwutsotsɛ sane.

Manyadali 14:4

E tsɛ kɛ e nyɛ li tete kaa Yawɛ nitsɛ yi mi tomi ji kaa Samson nɛ gu yo nɛ ɔ nɔ kɛ ná Filisti bi ɔmɛ a he blɔ. Jamɛ a be ɔ mi ɔ, Filisti bi nɛ a ngɛ Israel nɔ yee.

Mose I, 43:18

Benɛ a kɛ mɛ yaa Yosef we ɔ mi ɔ, a tsui po, nɛ a de a sibi ke, “Sika a nɛ a kpale ngɔ wo wa kotoku ɔmɛ a mi benɛ wa ba hiɛ ɔ kekleekle ɔ, lɔ ɔ he je nɛ a ngɔ wɔ kɛ ba hiɛmɛ nɛ ɔ nɛ. A ma ba tua wɔ tlukaa; a ma kpɔ wa teji ɔmɛ ngɛ wa dɛ, nɛ a maa pee wɔ nyɔguɛhi.”

2 Korintobi 11:12

Ma ya nɔ ma pee kaa bɔ nɛ i peeɔ daa a. I be yemi kɛ buami ko bie ngɛ nyɛ dɛ. Ke i bi ɔ, jamɛ a ni ɔmɛ ma na he blɔ ɔ nɛ a ngɛ hlae ɔ nɛ a maa fĩa ke a ngɛ Mawu ní tsue kaa bɔ nɛ wɔ hu wa ngɛ tsue ɔ nɔuu.

Yohane 19:4

Pilato kpale je kpo ekohu, nɛ e de ma kpekpemi ɔ ke, “I kɛ lɛ ngɛ kpo jee kɛ ma nyɛ ngɔ hiɛmɛ nɛ ɔ, konɛ nyɛ na nyɛɛ le kaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Luka 22:2

Osɔfo nikɔtɔma amɛ, kɛ mlaa tsɔɔli ɔmɛ ye ma a gbeye; lɔ ɔ he ɔ, a hla blɔ nɔ nɛ a maa gu kɛ gbe Yesu ngɛ laami mi.

Mateo 26:4

nɛ a ya so bɔ nɛ a maa pee kɛ nu Yesu ga mi, nɛ a gbe lɛ.

Daniel 3:8

Amlɔ ɔ, Babilonia bi komɛ ba matsɛ ɔ ngɔ nɛ a ba po Yuda bi ɔmɛ a nya.

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Samuel I, 22:14

Ahimelek he nɔ ke, “O tsɔli ɔmɛ tsuo a kpɛti ɔ, mɛnɔ lɛ e yeɔ anɔkuale kɛ o ngatsɛ David sɔ? O he buli ɔmɛ a nyatsɛ ji lɛ, nɛ a buu lɛ saminya ngɛ o we ɔ mi.

Samuel I, 18:14

nɛ e yeɔ manye ngɛ nɔ́ tsuaa nɔ́ mi; ejakaa Yawɛ kɛ lɛ ngɛ.

Luka 20:26

A nyɛ we nɛ a wo e nya tso kpɛ ngɛ ma a hɛ mi, ejakaa heto nɛ e ha mɛ ɔ ha nɛ a he mi po. Lɔ ɔ he ɔ, a ma a nya.

Yeremia 29:7

Ma a nɛ i ha nɛ a ngɔ nyɛ kɛ ya mi ɔ, nyɛ hla jamɛ a ma a nɔ yami. Nyɛɛ fa kue ha imi Yawɛ, konɛ ma na mɛ mɔbɔ; ejakaa ke a na a he ɔ, nyɛ hu e maa hi ha nyɛ.

Daniel 6:22

Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Mose I, 41:38

E bi e tsɔli ɔmɛ ke, “Anɛ wa maa na nɔ kpa ko kaa Yosef, nɛ Mawu mumi ngɛ e mi kikɛ nɛ ɔ lo?”

Samuel I, 12:4

Ma a he nɔ ke, “Dɛbi, o yi wɔ amimi; o wɛ wɔ yi mi, nɛ o kpɔ we nɔ́ ko ngɛ nɔ ko dɛ.”

Daniel 5:12

Nyumu nɛ ɔ nɛ a tsɛɛ lɛ Daniel ɔ, a dloo lɛ nike níhi babauu nɛ a pɔɛ nami. E ngɛ juɛmi saminya. E le ní, nɛ e nyɛɔ nɛ e tsɔɔ nlamihi, munyuhi nɛ a he wa, kɛ laami munyuhi a sisi. Lɔ ɔ he ɔ, tsɔ nɛ a ya ngɔ Daniel, nɛ matsɛ ɔ wo lɛ Belteshazar a kɛ ba, konɛ e ba tsɔɔ mo nɔ́ nɛ a ngma nɛ ɔ sisi.”