Daniel 6:24 - BAIBLO ALOO NGMAMI KLƆUKLƆU Ɔ

²⁴ Jehanɛ lɛɛ matsɛ ɔ ha a ya nuu ni ɔmɛ nɛ ba po Daniel nya a kɛ ba. A sake mɛ kɛ wo jatahi a muɔ ɔ mi; mɛ kɛ a yihi, kɛ a bimɛ tsuo. Be nɛ a na we nɛ a su muɔ ɔ sisi tete ɔ, jata amɛ yu a nɔ, nɛ a ku a wuhi tsuo dukuduku.

Daniel 6:24 ပူးပေါင်းရင်းမြစ်များ

Matsɛmɛ II, 14:6

Se a bimɛ ɔmɛ lɛɛ e gbi mɛ ngɛ mlaa nɛ Yawɛ wo ɔ nya, kaa bɔ nɛ a ngma ngɛ Mose womi ɔ mi ɔ. A ngma ke, “A ko gbe fɔli ngɛ yayami nɛ a bimɛ pee ɔ he, nɛ a ko gbe bimɛ hu ngɛ yayami nɛ a fɔli pee ɔ he; yayami nɛ nɔ nitsɛ e pee ɔ, lɔ ɔ he a gbe lɛ ngɛ.”

Ester 7:10

Nɛ a ya sɛu Haman ngɛ tso nɛ e pee kɛ ha Mordekai ɔ nɔ. Kɛkɛ nɛ Matsɛ ɔ mi mi fumi ɔ se po.

Ester 9:25

Se Ester ba na matsɛ ɔ, nɛ matsɛ ɔ ngma womi kɛ tsi ga yaya nɛ Haman to kɛ ha Yuda bi ɔmɛ ɔ nya. Bɔ nɛ e ya ba ha ji kaa nɔ́ nɛ e hla kaa e maa pee Yuda bi ɔmɛ ɔ, a kɛ pee lɛ nitsɛ mohu. Lɔ ɔ ji kaa a sɛu lɛ kɛ e binyumu ɔmɛ tsuo.

La 54:5

Yayami nɛ ye he nyɛli ɔmɛ ngɛ hlae ha mi ɔ, Mawu, ha nɛ e kpale kɛ ba na mɛ nitsɛmɛ. Anɔkualetsɛ ji mo, lɔ ɔ he ɔ, kpata yayami peeli nɛ ɔmɛ a hɛ mi.

Abɛ Womi 11:8

Nɔ nɛ peeɔ nɔ nɛ da a, a jeɔ lɛ kɛ jeɔ haomi mi, nɛ haomi ɔ baa nɔmlɔ yayami mohu nɔ.

Abɛ Womi 19:9

Lakpa odase yelɔ be e he yee kɔkɔɔkɔ; nɔ nɛ yeɔ lakpa a, e hɛ mi ma kpata.

Yesaya 38:13

Nyɔ mi tsuo i ngɛ kɛmɛe kaa nɔ́ nɛ jata lɛ ngɛ ye mi wuhi kue. I susu kaa Mawu ha ye wami nyagbe ma amlɔ nɔuu.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Daniel 3:22

Se akɛnɛ matsɛ ɔ fa ke a wo flɔɔnɔɔ ɔ mi la nɛ e dɔ wawɛɛ he je ɔ, la lilɛ ɔmɛ sã nihi nɛ nu Shadrak, Meshak, kɛ Abednego kɛ ya wo flɔɔnɔɔ ɔ mi ɔ, nɛ a gbo.

Mose V, 24:16

“A ko gbe fɔli ngɛ a bimɛ a tɔmihi a he; nɛ á ko gbe bimɛ hu ngɛ a fɔli a tɔmihi a he. A gbe nɔ ngɛ lɛ nitsɛ e tɔmi he pɛ.