Daniel 6:22 - BAIBLO ALOO NGMAMI KLƆUKLƆU Ɔ

²² Ye Mawu ɔ tsɔ e bɔfo ɔ, nɛ e ba má jata amɛ a nya, nɛ a yi mi awi. Mawu pee nɔ́ nɛ ɔ, ejakaa e le kaa i pee we nɔ́ ko nɔ́ ko nɛ dɛ; e le kaa mo nɛnɛ hu, i tɔ we o nɔ.”

Daniel 6:22 ပူးပေါင်းရင်းမြစ်များ

Mose I, 40:15

Pani nya nɛ a nu mi kɛ je Hebri bi ɔmɛ a zugba a nɔ kɛ ba hiɛ ɔ; nɛ Egipt hiɛmɛ nɛ ɔ hu i pee we nɔ́ ko nɛ sa kaa a wo mi tsu.”

Samuel II, 22:7

Benɛ e fi mi ɔ, i fa kue ha Yawɛ; ee, i tsɛ ye Mawu ɔ. E nu ye gbi kɛ je e sɔlemi we ɔ; nɛ e bu ye kue fami ɔ tue.

Matsɛmɛ I, 13:28

nɛ e kuɔ teji ɔ kɛ ho. E ya na gbalɔ kaketsɛ ɔ gbogboe ɔ nɛ fɔɔ si ngɛ blɔ ɔ nɔ nɛ teji ɔ kɛ jata a daa si ngɛ he kɛ mwɔɔ. Jata a yi nɔ gbogboe ɔ, nɛ e tsɔtslɔɔ we teji ɔ mi hulɔ.

Kronika II, 32:21

Yawɛ tsɔ bɔfo ko nɛ e ba gbe Asiria ta buli ɔmɛ, kɛ asafoatsɛmɛ ɔmɛ tsuo ngɛ a sito he ɔ, nɛ Asiria matsɛ ɔ kɛ zo kpale kɛ ho e ma mi ya. Ligbi ko, benɛ a ngɛ e jami he ɔ, e binyumu ɔmɛ ekomɛ ya gbe lɛ kɛ klaate.

La 118:28

Mo ji ye Mawu; ma na mo si. Mo ji ye Mawu; ma wo o hɛ mi nyami.

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

La 31:14

Se imi lɛɛ i ngɔ ye hɛ kɛ fɔ mo, Yawɛ o nɔ. I de ke, “Mo pɛ ji ye Mawu”.

La 34:7

Yawɛ bɔfo ɔ buɔ nihi nɛ yeɔ Yawɛ gbeye ɔ a he, nɛ e heɔ a yi wami.

La 38:21

Yawɛ, ko kua mi; ye Mawu, koo je ye he.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yeremia 37:18

Jehanɛ, i bi Matsɛ Zedekia ke, “Mɛni yayami i pee mo, loo o tsɔli ɔmɛ, loo ma nɛ ɔ, loko nyɛ wo mi tsu ɔ?

Daniel 3:28

Kɛkɛ nɛ Nebukadnezar de ke, “A je Shadrak, Meshak kɛ Abednego mɛ a Mawu ɔ yi! E tsɔ e bɔfo ɔ kɛ ba je nimli nɛ ɔmɛ nɛ a sɔmɔɔ lɛ, nɛ a ngɔ a hɛ ngɔ fɔ e nɔ ɔ. A kua ye mlaa amɛ a nɔ yemi, nɛ a ngɔ a wami ngɔ ha. A pee enɛ ɔ, ejakaa a sume kaa a ma kpla si nɛ a sɔmɔ mawu kpa ko, pe a Mawu ɔ pɛ.

Daniel 6:20

Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Daniel 6:23

Matsɛ ɔ bua jɔ e he wawɛɛ nitsɛ, nɛ e fa ke a je Daniel kɛ je muɔ ɔ mi. Tsɔli ɔmɛ pee ja. Benɛ a je lɛ kɛ je jata amɛ a muɔ ɔ mi ɔ, a nɛ kaa e he ko plaa; ejakaa e ngɔ e hɛ ngɔ fɔ e Mawu ɔ nɔ.

Daniel 6:4

Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Daniel 6:7

Wɔ o ma ní tsuli ɔmɛ tsuo kulaa, nikɔtɔma amɛ, ganɔ ɔmɛ, amlaalo ɔmɛ, ga woli ɔmɛ, kɛ wɛtsoyi ɔmɛ wa ya kpe. Wa ma nya si kaa wa ma de mo nɛnɛ, nɛ o wo mlaa ko, nɛ o hyɛ nɛ a ye nɔ sisiisi. Wo mlaa ke a ko ngmɛ nɔ ko blɔ nɛ e bi yemi kɛ buami ko kɛ je mawu ko, aloo nɔmlɔ adesa ko dɛ kɛ yaa si hiɛmɛ nɛ ɔ ligbi nyingmi etɛ. Ke nɔ ko ma bi yemi kɛ buami ko ɔ, e bi kɛ je mo pɛ o dɛ. Nɔ tsuaa nɔ nɛ ma tɔ mlaa nɛ ɔ, a sake lɛ kɛ wo jatahi a muɔ mi.

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Mateo 27:46

Ngmlɛ etɛ mi ɔ, Yesu kpa ngmlaa wawɛɛ ke, “Eli, Eli, lama sabaktani?” E sisi ji, “Ye Mawu, ye Mawu, mɛni he je o kua mi?”

Ni Tsumi 12:11

Jehanɛ Petro hɛ mi pee lɛ paa, nɛ e de ke, “Kpaako i na le! Nyɔmtsɛ ɔ tsɔ e bɔfo ɔ kɛ ba, nɛ e ba je mi kɛ je Herode dɛ mi, kɛ je níhi nɛ Yuda bi ɔmɛ to kaa a maa pee mi ɔ a mi.”

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Ni Tsumi 27:23

Ejakaa nyɔ nɛ ɔ mi ɔ, Mawu, nɔ nɛ nɔ́ ji mi, nɛ lɛ nɔuu nɛ i jaa bɔfo ba da ye kasa nya,

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

Hebribi 11:33

Hemi kɛ yemi lɛ ha nɛ nimli nɛ ɔmɛ kɛ mahi hwu ta, nɛ a ye kunimi; a ha nɛ jatahi ma a nya.

Samuel I, 17:37

David ya nɔ nɛ e de ke, “Yawɛ nɛ́ je mi kɛ je jatahi kɛ osisiblisihi a dɛ mi ɔ ma je mi kɛ je Filisti no nɛ ɔ dɛ mi.” Kɛkɛ nɛ Saul de David ke, “Yaa, Yawɛ maa piɛ o he.”

Samuel I, 26:18

David ya nɔ nɛ e bi lɛ ke, “Ye nyɔmtsɛ, mɛni he je o ngɛ ye se nyɛɛe kɛ mwɔɔ? Mɛni i pee mo? Mɛni yayami i pee?