Daniel 6:20 - BAIBLO ALOO NGMAMI KLƆUKLƆU Ɔ

²⁰ Benɛ e ya su lejɛ ɔ, e kɛ he hiami kpa ngmlaa tsɛ Daniel ke, “Daniel, mo Mawu hɛ kalɔ ɔ tsɔlɔ! Anɛ o Mawu ɔ nɛ o sɔmɔɔ lɛ daa a nyɛ́ je mo kɛ je jata amɛ a dɛ mi lo?”

Daniel 6:20 ပူးပေါင်းရင်းမြစ်များ

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Kronika I, 16:11

Nyɛɛ ya Yawɛ ngɔ nɛ nyɛ ya bi yemi kɛ buami; nyɛ ja lɛ daa.

La 119:112

I to ye yi mi kaa ma ye o mlaa amɛ a nɔ daa; ma ye a nɔ kɛ yaa si ye gbenɔ ligbi.

La 146:2

Be abɔ nɛ ye hɛ ngɛ nɛ ɔ, ma je Yawɛ yi! Ligbi abɔ nɛ i ngɛ wami mi nɛ ɔ, ma la kɛ je ye Mawu ɔ yi!

La 73:23

Se kɛ̃ ɔ, ma hi o kasa nya daa; o maa pɛtɛ ye he.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Daniel 3:15

Yoo, nyɛ dla nyɛ he! Titimatihi, bɛhi, saku slɔɔtoslɔɔtohi, kɛ miɛ slɔɔtoslɔɔtohi maa pɛ. Ke nyɛ nu nɛ ní nɛ ɔmɛ ngɛ pɛe pɛ, nyɛ kpla si nɛ nyɛ ja amaga a nɛ i puɛ ɔ. Ke nyɛ pee ja a, e maa hi ha nyɛ. Se ke nyɛ kpla we si nɛ nyɛ ja amaga a, lɛɛ a ma sake nyɛ ngɔ fɔ flɔɔnɔɔ kɛ e mi la nɛ ngɛ tsoe gegeege mi jamɛ a ngmlɛfia a nɔuu. Anɛ nyɛ susu kaa mawu ko ngɛ nɛ ma je nyɛ kɛ je ye dɛ mi lo?”

Daniel 3:17

Mawu nɛ ma nyɛ je wɔ kɛ je flɔɔnɔɔ kɛ e mi la nɛ ngɛ tsoe gegeege ɔ mi ɔ ji Mawu nɛ wa sɔmɔɔ ɔ nɛ; lɛ nɛ e ma je wɔ kɛ je o dɛ mi ɔ nɛ.

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

Daniel 6:19

Makɛ ɔ, matsɛ ɔ te si momo, nɛ e pee esɔ kɛ ho jatahi a muɔ ɔ he ya.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

Daniel 6:27

E jeɔ e ma a kɛ jeɔ haomi mi; e heɔ e ma a yi wami. E peeɔ okadihi kɛ nyakpɛ níhi ngɛ hiɔwe kɛ zugba a nɔ. E je Daniel kɛ je jatahi a dɛ mi, nɛ a nyɛ we nɛ a gbe lɛ.”

Hosea 12:6

Lɔ ɔ he ɔ, Yakob nina, nyɛɛ ngɔ nyɛ hɛ ngɔ fɔ nyɛ Mawu ɔ nɔ, nɛ nyɛɛ kpale kɛ ba e ngɔ. Nyɛɛ suɔ lɛ anɔkuale mi, nɛ́ nyɛɛ ye dami sane. Nyɛɛ to nyɛ tsui si, nɛ́ nyɛɛ hyɛ nyɛ Mawu ɔ blɔ.

Mose IV, 11:23

Yawɛ bi Mose ke, “Anɛ nɔ́ nɛ ɔ pe Yawɛ, nɛ e be nyɛe maa pee lo? Si nɛ i wo ɔ, e maa ba mi jio, e be mi bae jio, o maa na piɔ.”

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Luka 18:1

Jehanɛ ɔ, Yesu kɛ mɛ tu munyu ngɛ abɛ gbi mi kɛ tsɔɔ kaa e sa kaa a sɔle daa nɛ a kɔni mi kó wo nyu.

Ni Tsumi 6:4

Wɔɔ lɛɛ wa maa ngɔ wa be tsuo kɛ pee sɔlemi, nɛ waa fiɛ Mawu munyu ɔ.”

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

Kolosebi 4:2

Nyɛɛ ya nɔ nyɛɛ sɔle daa, nɛ nyɛ hɛ nɛ hi nyɛ he nɔ, nɛ nyɛɛ na Mawu si.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Yakobo 1:25

Sane kpakpa a ji Mawu mlaa nɛ hi kɛ pi si, nɛ haa nɔ yeɔ e he. Ke nɔ ko kase sane kpakpa a mi tsɔɔmi ɔmɛ saminya, nɛ e mia e hɛ mi nɛ e hɛ ji nɔ́ nɛ e kase ɔ nɔ, se mohu e ye nɔ ɔ, a maa gbaa lɛ saminya ngɛ nɔ́ tsuaa nɔ́ nɛ e ngɛ tsue ɔ mi.

Yuda 1:24

Lɛ nɔ nɛ e ngɛ he wami nɛ e kɛ maa hyɛ nyɛ nɛ nyɛ be si nɔe, nɛ e maa hɛɛ nyɛ kɛ bua jɔmi kɛ ba e hɛ mi nyami klɔuklɔu ɔ mi nɛ piami ko be nyɛ he hie ɔ,