Daniel 6:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ se ɔ, matsɛ ɔ kpale kɛ ho e we ɔ mi ya. E hwɔ we mahe jamɛ a nyɔ ɔ mi tsuo; e ha hwɔ, nɛ e kplɛɛ we kaa a je e hɛja.

Daniel 6:18 ပူးပေါင်းရင်းမြစ်များ

Samuel II, 19:24

Mefiboshet, Saul bibi ɔ hu ba nɛ e ba kpee matsɛ ɔ. Kɛ je ligbi ɔ nɛ matsɛ ɔ je Yerusalem ɔ hluu kɛ ba si ligbi nɛ e kpale e se kɛ ba fiafiaafia a, Mefiboshet fɔ we e nanehi a he, e sɛ we e kpɛni; nɛ e tadehi hu e fɔ we a he.

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Ester 6:1

Jamɛ a nyɔ ɔ mi ɔ, matsɛ ɔ nyɛ we nɛ e hwɔ mahe; lɔ ɔ he ɔ, e fa ke a ya ngɔ yi nɔ sanehi womi ɔ kɛ ba, nɛ a ba kane ha lɛ.

Hiob 21:12

A fiɛɔ do, a fiaa saku, nɛ a laa kɛ toɔ he; nɛ a naa bua jɔmi bɔ nɛ sa.

La 137:2

Wa ngɔ wa kpa saku ɔmɛ ngɔ kpla tsohi a he ngɛ pa a tue.

La 77:4

Nyɔ ɔ mi tsuo i hwɔ we mahe, kikɛ nɛ ɔ ye hɛngmɛ fɔɔ si paa. I hao tsɔ, nɛ i nyɛ we ma tu munyu.

Fiɛlɔ 2:8

I bua sika hiɔ kɛ sika tsu nya, nɛ i tsu tó ngɛ matsɛmɛ a dɛ, kɛ ye nɔ yemi he ɔmɛ. Nyumuhi kɛ yihi babauu la kɛ jɔɔ ye bua, nɛ i ngɔ yihi babauu bɔ nɛ ma nyɛ.

Kɔmɔ Yemi 3:53

A sake mi ngɔ fɔ muɔ mi hɛ ngmengmle, nɛ a ngɔ tɛ kɛ tsi ye yi.

Daniel 10:3

I yi niye ní kpakpa ko, i yi lo; dã yɛ ye nya mi, nɛ i kpa we nu kɛ ya si otsi etɛ ɔ tsuo be.

Daniel 2:1

Benɛ Nebukadnezar ngɛ matsɛ yee ɔ, jeha enyɔne ɔ mi ɔ, e nla nlami ko. Nlami nɛ ɔ wo e he gbeye wawɛɛ nitsɛ, nɛ nɔ́ nɛ ɔ ba pee dekla ha lɛ, nɛ e ha we nɛ matsɛ ɔ nɛ hwɔ mahe.

Daniel 6:19

Makɛ ɔ, matsɛ ɔ te si momo, nɛ e pee esɔ kɛ ho jatahi a muɔ ɔ he ya.

Kpojemi 18:22

Babilon, la be pɛe gblegbleegble ngɛ ma a mi hu! A be kpa saku, loo adesa gbi, loo bɛ, loo titimati he nue hu gblegbleegble ngɛ ma a mi! A be ga ní tsulɔ ko ga ní tsulɔ ko kulaa nae ngɛ ma a mi hu; wɛ tɛ hu a be e nya nue hu!