Daniel 5:9 - BAIBLO ALOO NGMAMI KLƆUKLƆU Ɔ

⁹ Matsɛ Belshazar hao wawɛɛ nitsɛ, nɛ e hɛ mi tsake; e ma nimeli ɔmɛ hu pee yaa.

Daniel 5:9 ပူးပေါင်းရင်းမြစ်များ

La 18:14

Ee, e tsɛ̃ e kɛ̃ɛ̃ mi bi ɔmɛ, nɛ e he nyɛli ɔmɛ gbɛ fĩa. E ha nɛ oslabai gba, nɛ a pee basaa.

La 48:6

A he do blibliibli, nɛ a he hia mɛ ngɛ lejɛ ɔ kaa yo nɛ nu kɔɔmi.

Yeremia 30:6

Nyɛ bi nɛ nyɛɛ hyɛ! Anɛ nyumu ko nu kɔɔmi nɛ e fɔ hyɛ lo? Mɛni he je mɔ lɛ i na nɛ nyumuhi tsuo nu a mlɛ mi kaa yo nɛ nu kɔɔmi ɔ? Mɛni he je nyɛ tsuo nyɛ hɛ mi pee kaa la zu la zu kikɛ nɛ ɔ?

Yeremia 6:24

Yerusalem bi ɔmɛ ke, “Wa nu a he, nɛ wa nine mi je wu! Wa tsui po, nɛ wa pee kaa yo nɛ nu kɔɔmi nɛ e miɔ nɛ e ma fɔ.

Daniel 10:8

nɛ e piɛ imi nɔ kake too. Benɛ i na nyakpɛ nina nɛ ɔ, ye he wami ta, nɛ i gbɔjɔ. Ye hɛ mi tsake amlɔ bɔ nɛ nɔ ko be ye mi tso lee.

Daniel 2:1

Benɛ Nebukadnezar ngɛ matsɛ yee ɔ, jeha enyɔne ɔ mi ɔ, e nla nlami ko. Nlami nɛ ɔ wo e he gbeye wawɛɛ nitsɛ, nɛ nɔ́ nɛ ɔ ba pee dekla ha lɛ, nɛ e ha we nɛ matsɛ ɔ nɛ hwɔ mahe.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Mateo 2:3

Benɛ Matsɛ Herode nu nɔ́ nɛ ɔ, e hao, nɛ nihi tsuo nɛ ngɛ Yerusalem hu hao ja nɔuu.

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.