Daniel 5:8 - BAIBLO ALOO NGMAMI KLƆUKLƆU Ɔ

⁸ Matsɛ ga woli ɔmɛ tsuo ba, se a ti nɔ ko nyɛ we nɛ e kane nɔ́ nɛ a ngma a; nɔ ko hu nyɛ we nɛ e tsɔɔ sisi.

Daniel 5:8 ပူးပေါင်းရင်းမြစ်များ

Mose I, 41:8

Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yeremia 50:35

Yawɛ ke, “Ta ma ba tua Babilonia zugba a! Ta ma ba na Babilonia bi ɔmɛ, ma nimeli ɔmɛ, kɛ ní leli ɔmɛ.

Daniel 2:27

Daniel he nɔ ke, “Nɛnɛ, laami sane nɛ o bi nɛ ɔ, ní lelɔ, aloo klaalɔ, aloo kunya yelɔ, aloo nyɔhiɔ mi hyɛlɔ ko be nɛ ma nyɛ maa tsɔɔ mo.

Daniel 4:18

“Nlami nɛ imi Nebukadnezar, i nla ji nɛ ɔ nɛ. Belteshazar, moo tsɔɔ mi nlami ɔ sisi jehanɛ. Ye ga woli ɔmɛ a ti nɔ ko nɔ ko nyɛ we nɛ e tsɔɔ mi sisi. Se moo lɛɛ o ma nyɛ maa tsɔɔ mi sisi, ejakaa Mawu klɔuklɔu ɔ mumi ɔ ngɛ o mi.”

Daniel 4:4

“Imi Nebukadnezar, i ngɛ ye mɔ ɔ nɔ ngɛ tue mi jɔmi mi, nɛ i plɔke.

Daniel 4:7

Kɛkɛ nɛ womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ ba ye ngɔ, nɛ i bɔ mɛ ye nlami ɔ; se a nyɛ we nɛ a tsɔɔ mi sisi.

Daniel 5:15

A ya ngɔ ní leli kɛ kunya yeli nɛ ɔmɛ kɛ ba hiɛ ɔ, konɛ a ba kane nɔ́ nɛ a ngma nɛ ɔ, nɛ a tsɔɔ mi sisi. Se a nyɛ we nɛ a pee.