Daniel 5:7 - BAIBLO ALOO NGMAMI KLƆUKLƆU Ɔ

⁷ Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Daniel 5:7 ပူးပေါင်းရင်းမြစ်များ

Mose I, 41:8

Benɛ je na a, e hao; nɛ e tsɔ ya tsɛ Egipt kunya yeli ɔmɛ, kɛ ní leli ɔmɛ tsuo kɛ ba. E de mɛ e nlami ɔmɛ, se nɔ ko nɔ ko nyɛ we nɛ e tsɔɔ sisi.

Ester 3:1

Enɛ ɔmɛ a se ɔ, Matsɛ Ahasuerus wó nyumu ko nɛ a tsɛɛ lɛ Haman nɔ, nɛ e pee lɛ e ganɔ ɔmɛ a nɔkɔtɔma. Hamedata bi Haman ɔ, Agag nina ji lɛ.

Mose II, 7:11

Kɛkɛ nɛ Farao ɔ hu tsɛ e ní leli ɔmɛ, kɛ kunya yeli ɔmɛ nɛ ji Egipt wɔnɔ ɔmɛ kɛ ba, nɛ mɛ hu a gu a ga blɔ ɔmɛ a nɔ kɛ pee ja nɔuu.

Abɛ Womi 1:9

Ejakaa lɔ ɔmɛ nɛ ma dla mo nɛ o ba o je mi saminya, kaa bɔ nɛ duku kpakpa, loo kuɛ ní haa nɔ he peeɔ fɛu ɔ.

Lahi 1:10

O yi bwɔmi ngɛ fɛu ngɛ o tsitsa he; bwɔmi ɔ kplaa si ngɛ o kuɛ he kaa june.

Yesaya 47:13

Nihi nɛ le hiɔwe níhi a mi, nihi nɛ kase dodoe ɔmɛ a he ní, kɛ nihi nɛ pee hiɔwe mi dlami ɔmɛ a he foni, nɛ a deɔ mo níhi nɛ maa ba o nɔ nyɔhiɔ tsuaa nyɔhiɔ mi ɔ, ha nɛ a ba nɛ a ba he o yi wami koo! Se pɔ tɔ mo kɛ a ga womi ɔmɛ!

Yeremia 50:35

Yawɛ ke, “Ta ma ba tua Babilonia zugba a! Ta ma ba na Babilonia bi ɔmɛ, ma nimeli ɔmɛ, kɛ ní leli ɔmɛ.

Ezekiel 16:11

I ngɔ he dlami ní nɛ ɔmɛ hu kɛ dla o he: nine si ga, kuɛ ní, kɔsɔkɔsɔ,

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Daniel 1:4

nihi nɛ a he ngɛ fɛu, nɛ a le ní hulɔ, nihi nɛ a je blɔ tsɔse mɛ, nihi nɛ a ní tsɔɔmi yi, nɛ jehanɛ hu, kpa ko be a he. Nihewi nɛ ɔmɛ nɛ a hi kikɛmɛ a su nɛ ɔmɛ, konɛ a nyɛ nɛ a sɔmɔ ngɛ matsɛ we ɔ. Ashpenaz maa tsɔɔ mɛ Babilonia gbi ɔ kanemi kɛ e ngmami.

Daniel 2:2

Enɛ ɔ he je ɔ, e tsɔ ya kpee womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ kɛ ba, konɛ a ba tsɔɔ lɛ e nlami ɔ sisi. Kɛkɛ nɛ a ba nɛ a ba da si ngɛ matsɛ ɔ hɛ mi,

Daniel 2:27

Daniel he nɔ ke, “Nɛnɛ, laami sane nɛ o bi nɛ ɔ, ní lelɔ, aloo klaalɔ, aloo kunya yelɔ, aloo nyɔhiɔ mi hyɛlɔ ko be nɛ ma nyɛ maa tsɔɔ mo.

Daniel 2:48

Kɛkɛ nɛ matsɛ ɔ ha Daniel blɔ nya agbo, nɛ e ke lɛ ní kpakpahi babauu. E wo lɛ Babilon kpokpa a nɔ nɔ yelɔ, kɛ matsɛ ga woli ɔmɛ tsuo a nɔkɔtɔma.

Daniel 2:6

Se ke nyɛ sɛɛ nlami ɔ, nɛ nyɛ tsɔɔ sisi ɔ, ma ke nyɛ níhi babauu, nɛ ma wo nyɛ hɛ mi nyami. Lɔ ɔ he ɔ, nyɛɛ sɛɛ nlami ɔ, nɛ nyɛɛ tsɔɔ mi sisi.”

Daniel 4:14

Kɛkɛ nɛ bɔfo ɔ kpa ngmlaa nɛ e de ke, ‘Nyɛɛ hɛ tso ɔ kɛ fɔ si, nɛ́ nyɛ poo tso kɔni ɔmɛ; nyɛ kplɔ ba amɛ, nɛ nyɛ sake tso yiblii ɔmɛ ngɔ pue he. Nyɛɛ fie pu mi lohwe ɔmɛ kɛ je tso ɔ sisi, kɛ lohwe pɛlitsɛmɛ ɔmɛ kɛ je tso kɔni ɔmɛ a nɔ.

Daniel 5:11

Nyumu ko ngɛ o matsɛ yemi he ɔ nɛ Mawu klɔuklɔu ɔ mumi ɔ ngɛ e mi. Benɛ o tsɛ ngɛ matsɛ yee ɔ, a na kaa nyumu nɛ ɔ ngɛ juɛmi kɛ nile, nɛ e hɛ mi hu ka si kaa mawu ɔmɛ pɛ. Enɛ ɔ he je ɔ, o tsɛ Nebukadnezar wo lɛ nɔkɔtɔma ngɛ womi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ tsuo a nɔ.

Daniel 5:15

A ya ngɔ ní leli kɛ kunya yeli nɛ ɔmɛ kɛ ba hiɛ ɔ, konɛ a ba kane nɔ́ nɛ a ngma nɛ ɔ, nɛ a tsɔɔ mi sisi. Se a nyɛ we nɛ a pee.

Daniel 5:16

I nu kaa moo lɛɛ o nyɛɔ nɛ o tsɔɔ laami sanehi, kɛ munyuhi nɛ a he wa a sisi. Ke o nyɛ nɛ o kane nɔ́ nɛ a ngma nɛ ɔ, nɛ o nyɛ tsɔɔ mi sisi ɔ, a maa wo mo matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo o kuɛ, nɛ a maa pee mo matsɛ se yelɔ ɔ setsɔ.”

Daniel 5:29

Kɛkɛ nɛ Belshazar fa e tsɔli ɔmɛ ke a wo Daniel matsɛ tade klɔii nɛ hɛɛ alamua tu su nɛ he jua wa saminya, nɛ a kɛ sika tsu kuɛ ní nɛ wo e kuɛ. Matsɛ ɔ pee Daniel matsɛ se yelɔ ɔ setsɔ.

Mose IV, 22:17

Ma wo o hɛ mi nyami babauu, nɛ nɔ́ tsuaa nɔ́ nɛ o ma de mi ɔ, ma pee. I kpa mo pɛɛ, ba nɛ o ba gbiɛ kikɛmɛ a ma nɛ ɔ ha mi.”

Mose IV, 22:7

Moab ma nimeli ɔmɛ, kɛ Midian ma nimeli ɔmɛ pue nɔ kɛ ho Balaam ngɔ ya. A hɛɛ sika nɛ a kɛ maa wo nɔ gbiɛmi ɔ he hiɔ ngɛ a dɛ, nɛ benɛ a ya su ɔ, a ngɔ Balak sɛ gbi ɔ ngɔ ha Balaam.

Mose IV, 24:11

Lɔ ɔ he ɔ, moo je hiɛ ɔ nɛ o ho esɔesɔ! I wo mo si kaa ma wo o hɛ mi nyami, se Yawɛ tsi o hɛ mi nyami womi ɔ nya.”

Samuel I, 17:25

Israel bi ɔmɛ de a he ke, “Tse nyɛ na nyumu nɛ ɔ? Hyɛ, Israel ahlua nɛ e ma bɔmi nɛ ɔ nɛ. Matsɛ Saul wo si kaa nɔ nɛ ma nyɛ maa gbe lɛ ɔ, e maa wo lɛ ní babauu. Jehanɛ hu e kɛ e biyo ma ha lɛ, nɛ e tsɛ weku li maa ye a he kɛ je ma tó tsumi kɛ sɔmɔmi mi.”