Daniel 5:5 - BAIBLO ALOO NGMAMI KLƆUKLƆU Ɔ

⁵ Tlukaa a, nɔmlɔ nine ko je kpo, nɛ e bɔni ní ngmami ngɛ gbogbo nɛ a sa he ɔ he ngɛ matsɛ we ɔ mi. Matsɛ ɔ na nine ɔ nɛ ngɛ ní ɔ ngmae, ejakaa kane la a ngɛ kpɛe saminya ngɛ lejɛ ɔ.

Daniel 5:5 ပူးပေါင်းရင်းမြစ်များ

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Yeremia 50:43

Benɛ Babilonia matsɛ ɔ nu sane nɛ ba a, e nine mi je wu. E tsui po wawɛɛ nitsɛ, nɛ e kpatu pee kaa yo nɛ nu kɔɔmi.

Daniel 4:31

Matsɛ ɔ nya na we nɛ e nɔ si nɛ gbi ko tu munyu kɛ je hiɔwe ke, “Matsɛ Nebukadnezar, bɔ nɛ i ngɛ mo dee ji nɛ ɔ nɛ! A kpɔ matsɛ yemi ɔ ngɛ o dɛ.

Daniel 4:33

Munyu nɛ ɔ ba mi jamɛ a ngmlɛfia a nɔuu. A fie Nebukadnezar kɛ je nimlihi a kpɛti, nɛ e ya kpe nga kaa na, nɛ e pɔ kɛ bɔ́. E yi hɛ, nɛ e yi bwɔmi pee gagaa kaa kɔle pɛli. E nine nguɛ nya hu hɛ, nɛ e pee gagaa kaa lohwe pɛlitsɛ nane nguɛ nya.

Daniel 5:15

A ya ngɔ ní leli kɛ kunya yeli nɛ ɔmɛ kɛ ba hiɛ ɔ, konɛ a ba kane nɔ́ nɛ a ngma nɛ ɔ, nɛ a tsɔɔ mi sisi. Se a nyɛ we nɛ a pee.

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Daniel 5:6

Matsɛ ɔ hɛ mi tsake amlɔ, nɛ sawale nu lɛ. E kpɔhi a nya tsuo gbɔjɔ, nɛ e nakutsohi bɔni domi ngɛ e sisi.

Daniel 5:8

Matsɛ ga woli ɔmɛ tsuo ba, se a ti nɔ ko nyɛ we nɛ e kane nɔ́ nɛ a ngma a; nɔ ko hu nyɛ we nɛ e tsɔɔ sisi.

Kolosebi 2:14

Wa he níhi nɛ a ngma kɛ si wɔ, kɛ nihi nɛ sa wɔ ngɛ mlaa a nya a, e gbe lɛ tsuo. E je nɔ́ nɛ ɔ se; ee, e ka ngɔ mɛtɛ sɛumi tso ɔ he.