Daniel 5:4 - BAIBLO ALOO NGMAMI KLƆUKLƆU Ɔ

⁴ nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Daniel 5:4 ပူးပေါင်းရင်းမြစ်များ

Matsɛmɛ I, 1:49

Sawale nu ni ɔmɛ tsuo nɛ Adoniya kpee kɛ ya ní yemi ɔ; nɛ a te nɛ mɛ tsuo a gbɛ fĩa.

Yesaya 42:17

Se nihi nɛ ngɔɔ a hɛ ngɔ fɔɔ amagahi a nɔ, amagahi nɛ a kpɛ́, loo a puɛ, nɛ a kpale deɔ ke a mawuhi ji mɛ ɔ, a maa ba mɛ si, nɛ zo maa gbe mɛ.”

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Daniel 1:8

Daniel muɔ e yi mi kpɔ kaa e be matsɛ ɔ niye ní ɔ yee, nɛ wai ɔ hu e be nue, bɔ nɛ pee nɛ e ko ble e he. Lɔ ɔ he ɔ, e kpa Ashpenaz pɛɛ ke e ko nyɛ e nɔ ke e ye níhi nɛ a tsɔɔ kaa a ye ɔ doo.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Daniel 5:3

Kɛkɛ nɛ a ya ngɔ sika tsu kplu ɔmɛ nɛ a ya muɔ ngɛ Mawu we ɔ ngɛ Yerusalem ɔ kɛ ba. Matsɛ ɔ, ma nimeli ɔmɛ, e yi ɔmɛ, kɛ e plã amɛ tsuo nu dã ngɛ a mi,

Daniel 5:5

Tlukaa a, nɔmlɔ nine ko je kpo, nɛ e bɔni ní ngmami ngɛ gbogbo nɛ a sa he ɔ he ngɛ matsɛ we ɔ mi. Matsɛ ɔ na nine ɔ nɛ ngɛ ní ɔ ngmae, ejakaa kane la a ngɛ kpɛe saminya ngɛ lejɛ ɔ.

Amos 6:7

Enɛ ɔ he je ɔ, nyɛ ji kekleekle nihi nɛ a maa nuu nyɔguɛ kɛ ho. Nɛ nyɛ bua jɔmi ɔ se maa po.

Habakuk 2:19

O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.