Daniel 5:28 - BAIBLO ALOO NGMAMI KLƆUKLƆU Ɔ

²⁸ PARSIN: a dla o matsɛ yemi ɔ mi; a ngɔ fa kɛ ha Media bi, nɛ a kɛ fa hu ha Persia bi.”

Daniel 5:28 ပူးပေါင်းရင်းမြစ်များ

Kronika II, 36:23

“Nɔ́ nɛ imi Persia matsɛ, Sirus, i ngɛ dee ji nɛ ɔ nɛ: ‘Yawɛ, hiɔwe Mawu ɔ tu je ma amɛ a matsɛ yemi ɔmɛ tsuo ngɔ wo ye dɛ mi; nɛ e fa mi ke ma ya po we ngɔ ha lɛ ngɛ Yerusalem ngɛ Yuda. Lɔ ɔ he ɔ, nyɛ ti nɔ tsuaa nɔ nɛ ngɛ Mawu blɔ fa mi ɔ, e ba be kɛ ho lejɛ ɔ ya. Yawɛ, nyɛ Mawu ɔ nɛ piɛ nyɛ he.’ ”

Yesaya 13:17

Yawɛ ngɛ dee ke, “Ma ha nɛ Media bi ɔmɛ ma ba tua Babilon. Media bi ɔmɛ lɛɛ a bui sika hiɔ, nɛ a hɛ kɔɛ sika tsu nɔ.

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Yesaya 47:11

Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Yeremia 25:13

Níhi tsuo nɛ i de to; haomihi nɛ a ngma ngɛ womi nɛ ɔ mi nɛ Yeremia fiɛ ke a maa ba je ma amɛ tsuo a nɔ ɔ, i kɛ maa gbla Babilonia tue.

Yeremia 51:28

Nyɛ ha nɛ je ma amɛ nɛ a mia, nɛ a kɛ Babilonia ya hwu ta. Nyɛ ya kpee Media matsɛmɛ ɔmɛ, a we amlaalo ɔmɛ, ma ní tsuli ɔmɛ, kɛ a nɔ yemi he ɔmɛ tsuo kɛ ba.

Daniel 2:32

Amaga nɛ ɔ yi ɔ, sika tsu ngmingmiingmi a kɛ pee; e gugue kɛ e kɔnihi lɛɛ sika hiɔ a kɛ pee; a kɛ akɔblee pee e mlɛ mi kɛ e fiɔhi;

Daniel 2:39

O se ɔ, matsɛ yemi kpa maa ba, se jamɛ a matsɛ yemi ɔ, kɛ o nɔ́ ɔ be sɔe. Matsɛ yemi etɛne maa ba ngɛ lɔ ɔ se. Lɛ ji amaga a mlɛ mi ɔ nɛ a kɛ akɔblee pee ɔ nɛ, nɛ e maa ye je ɔ tsuo nɔ.

Daniel 5:31

nɛ Media no ɔ nɛ a tsɛɛ Darius ɔ ba ngɔ matsɛ yemi ɔ pani nya. Darius ye jeha nyingmi ekpa kɛ enyɔ jamɛ a be ɔ mi.

Daniel 6:28

Daniel plɔke, nɛ e ya nɔ saminya ngɛ Darius, kɛ Persia matsɛ, Sirus a yi nɔ.

Daniel 6:8

Lɔ ɔ he ɔ, nɛnɛ, moo ngma mlaa nɛ ɔ, nɛ o ngɔ o nine kɛ wo sisi. Kɛkɛ ɔ, e pee mlaa, Media bi kɛ Persia bi a mlaa nɛ nɔ ko be nyɛe ma tsake.”

Daniel 8:20

“Agbosu koli enyɔtsɛ ɔ nɛ o na a daa si ha Media kɛ Persia matsɛmɛ ɔmɛ.

Daniel 9:1

Ahasuerus bi Darius, Media no ɔ ye matsɛ ngɛ Babilonia zugba a nɔ.

Ni Tsumi 2:9

Wa je Partia, kɛ Media, kɛ Elam; wa ti ni komɛ je Mesopotamia, Yudea, Kapadokia, Ponto, kɛ Asia;