Daniel 5:27 - BAIBLO ALOO NGMAMI KLƆUKLƆU Ɔ

²⁷ TEKEL: a ngmɛ mo ngɛ sɛni nɔ, nɛ a na kaa o jiɔ we kulaa.

Daniel 5:27 ပူးပေါင်းရင်းမြစ်များ

Hiob 31:6

Mawu nɛ́ ngmɛ mi ngɛ sɛni nɛ da nɔ, nɛ e maa na kaa i pee we yayami ko.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Abɛ Womi 16:2

Nɔ́ tsuaa nɔ́ nɛ nɔmlɔ adesa ngɛ pee ɔ da ha lɛ; se Yawɛ lɛɛ nɔmlɔ tsui mi lɛ e hyɛɔ.

Abɛ Womi 21:2

Nɔmlɔ adesa blɔ tsuo da ngɛ lɛ nitsɛ e hɛ mi; se Yawɛ lɛ hyɛɔ nɔ tsui mi.

Yeremia 6:30

A ma tsɛ mɛ ke dade fi, ejakaa imi Yawɛ, i kua mɛ.”

Ezekiel 5:1

Yawɛ de mi ke, “Nɔmlɔ adesa, ngɔɔ klaate nɛ nya ba kɛ sɛ o yi bwɔmi, kɛ o kpɛni kaa bɔ nɛ a kɛ asoyi ngmlaa yi ɔ. Lɔ ɔ se ɔ, ngmɛɛ bwɔmi ɔ ngɛ sɛni mi, nɛ o dla mi.

Nahum 1:14

Kita nɛ Yawɛ ka ngɛ Asiria bi ɔmɛ a he ji nɛ ɔ nɛ: “A nina ko be si hie; a biɛ maa laa. Ma poo amaga amɛ nɛ ngɛ a wɔ piɛ ɔmɛ a mi ɔ ngɔ pue he. I ngɛ yɔkɔ tsuae ngɔ to Asiria bi ɔmɛ, ejakaa e sɛ kaa a hi je mi!”

1 Korintobi 3:13

Se ligbi ɔ nɛ Kristo maa ba a, nɔ tsuaa nɔ ní nɛ e tsu ɔ maa je kpo paa. Ejakaa jamɛ a ligbi ɔ, a kɛ la ma je nɔ tsuaa nɔ ní tsumi kpo. La a maa tsɔɔ bɔ nɛ nɔ tsuaa nɔ ní tsumi ngɛ ha.